كنان (للكاتبه ساره ابراهيم)

البارت الثالث عشر

بعد مرور 3شهور

كنان حاول مع ملك كتير عشان يكسب قلبها وبالفعل اعتادت اوى عليه الفتره الاخيره لدرجه مش بتحبو يروح الشغل من كتر مهي عايزاه معاها طول الوقت بالرغم أن العند والمشاكسه بينهم زاى ماهي بس حسه أن قلبها بقا ملكه
نفس الوضع مع فرح و يوسف
استغلت فرح غياب ميرا وبتحاول تخلي يوسف يحن ليها بأي طريقه بس مافيش فايده عقله كلو مع ميرا وكل الي في دماغو يلاقيها بقالو 3شهور بيدور عليها ومش لاقيها
أما مي وعمر العلاقه بينهم تطورت لحب كبير من نحيه مي أما عمر فرحان أن كسب قلبها عشان ينتقم منها وكدا وصل للهدف بتاعو ناقص بس 9شهور وتبقا بتاعتو ينتقم منها براحتو

في شركه فخمه كانت تجلس علي أحد المكاتب بتشتغل كتير حتي لو فوق طاقتها اهم حاجه انها تهرب من تفكيرها فيه طول الوقت
دخل عليها صاحب الشركه الي اخد عليها في وقت سريع جدااا من روحها المرحه وطفولتها المعتادة بس في عينها حزن برغم من ضحكها الدئم
رفعت عينها من الورق الي قصدها وابتسمت
ميرا .صباح الخير
مازن بمرح .ياصباح الورد
ميرا  .انت متأكد انك صاحب الشركه وانا بشتغل عندك مش عارفه لي حسه انك سارق الكرسي الي انت قاعد عليه ده
مازن بغضب مصتنع .طيب ياستي سارقه حد لي شوق في حاجه
ميرا بتراجع مضحك .لا ياسيد المعلمين انت تعمل الي يريحك
ضحك عليها كتير وقال .الاستاذه خلصت الشغل الي قولتلها عليه
ميرا بجديه .اكيد خلصت وعملت الشغل الي قولتلي اعملو بكرا
مازن بزهول .اي يابنتي ده الي انتي فيه ده انتحار الشغل بتاع النهارده بس اي موظف تاني بيعملوا في يومين تجي انتي تعملي بتاع النهارده وبكرا
ميرا بضحك.ياخويا قول الله اكبر عينك قربت تولع فيا
مازن بهدوء .ميرا أنا بتكلم بجد لي بتعملي كدا من ساعه ما اشتغالتي هنا وانا حاسس انك بتطحني نفسك في الشغل
ميرا .عادى بحب شغلي
مازن بجمود .بقالنا شهرين عارفين بعض كل ما احاول اتكلم معاكي في حاجه خصه بيكي بتغيري الموضوع نفسي اعرف ليه
ميرا باستغراب .وده اي علاقته بلي كونا بنتكلم فيه
مازن .عشان محدش بيشتغل بالطريقه دي غير لما يكون بيهرب من حاجه مش عايز يفكر فيها حتي عينك رغم انك بتضحكي بس حاسس انك موجوعه من حاجه
تنهدت وهي تقول .ولا حاجه كل الموضوع اني حسه الفتره دى بأكتأب مش اكتر
مازن .تمام اي سبب الاكتئاب ده
ميرا بهروب .ممكن تسيبك مني وتركز معايا في الشغل
مازن بزعل وهو يقوم من علي الكرسي .تمام هركز في الشغل واسف لو اتعديت حدودي معاكي يا استاذه ميرا
خرج من عندها للمكتب بتاعو وهي بتحاول توقفه بس مردش عليها
دخلت هي المكتب بتاعو
ميرا بغضب .اي الهبل الي انت بتعملو ده انت مجنون
من امتا وانت بتكلمني كدا
مازن بعصبيه .لما ابقا بحكيلك كل حاجه عن نفسي وبنخرج سوا و بنضحك سوا ده حتي اسرار شغلي اول مره اقول لحد عليها والحد ده انتي يبقا ازاى مش عايزاني ازعل لما تبقي مش عايزه تعرفيني  حاجه عن نفسك
ميرا بتعب وإرهاق.عايز تعرف اي
مازن بتريقه .اقلها مين اهلك ساكنه فين اي الحزن الي بشوفو في عينك ده في حاجات كتير اوى ياميرا عايز اعرفها
مازن اتكلم كتير بس ميرا وقف بيها الزمن عند كلمه وحده والدموع في عينها
وهي .......اقلها مين اهلك ........
سكت وبص عليها بعد ما كان مديها ضهرو بزعل صدم من منظر وشها لونه شاحب جدا وبتعيط وقبل ما يسألها مالك وقعت علي الارض فاقده الوعي جري عليها بسرعه شالها وحطها علي كنبه في المكتب وطلب دكتور وهو بيحاول يفوقها