All of my soul to baby (Complete) Uni & Zawgyi⚠️

Part 14

Unicode

Interview တစ်ခုကိုကြည့်နေတဲ့ ဇေနဲ့ဇယ်။ ဒီအမတ်ဟိန်းဆိုတဲ့သူကို သူတို့နှစ်ယောက် သံသယဝင်နေတာ။ သံသယသာသူတို့ကဝင်နေရတာ ဘယ်လိုပဲလိုက်လိုက်နောက်ကြောင်းမပေါ်တာကြောင့်လဲခက်နေ၏။ ဒီအင်တာဗျူးကိုကြည့်ပြီး လူတွေကကောက်ချက်ချလိမ့်မည်။ အမတ်ဟိန်းရန်အောင်က ကိုယ့်ကိုကိုယ်နှိမ့်ချသူပဲဟု။ သား Henry နဲ့စကားပြောနေတာတွေ့ကြတော့ ရိုးရာနဲ့ဂလိုဘယ်က သူ့ဘက်မှာရှိနေတာလား မေးခွန်းအပေါ်မှာ !မဟုတ်ပါဘူး Henry နဲ့ကသာမာန်မိတ်ဆွေပါ၊ ရိုးရာနဲ့ဂလိုဘယ်က ထောက်ပံ့ပေးတဲ့သူရှိပြီးသားပါ၊ ကျွန်တော်က ရိုးရာနဲ့ဂလိုဘယ် ထောက်ပံ့မှုရဖို့အရည်အချင်းမပြည့်ဝသေးပါဘူး! ဆိုတာကိုပြုံးပြီးဖြေသွားလေရဲ့။

"မြေခွေးလိုကောင်"

ဇယ်ကကြည့်ပြီး ပြောလိုက်တာဖြစ်၏။ ဒါကိုပဲ ဇေကသဘောကျနေတာဖြစ်သည်။ ဇယ့်လက်ကိုဆွဲယူကာ ပွတ်လိုက်သေး၏။

"ကိုယ်တို့လူထည့်ထားဖို့လိုပြီထင်တယ်"

"ဒါပေါ့"

ဇယ်က ဖုန်းထုတ်ပြီး လူတစ်ယောက်ဆီဆက်၏။

"အန်ကယ်နေမာန်"

...…..

"အပြင်မှာ ခဏခဏလာမတွေ့နိုင်လို့တောင်းပန်ပါတယ် အန်ကယ်၊ Henry လဲဖိုးလေးရောဆိုပြီးမေးနေတာ"

........

"အန်ကယ်နေမာန် ကျွန်တော်စိတ်ချရတဲ့လူတစ်ယောက်လိုချင်တယ်၊ ဟိန်းရန်အောင်နား ပို့ပေးပါ"

..........

"အနားအနီးတော့ ချက်ချင်းဘယ်ထားမလဲ၊ ဒီလိုပဲချဉ်းကပ်ရမှာပေါ့"

.........

"စိတ်ချပြီးသားပါ အန်ကယ်နေမာန်၊ ကျန်းမာရေး ဂရုစိုက်ပါ၊ ကျွန်တော်တို့သားအဖ သုံးယောက်လာတွေ့ပါအုန်းမယ်"

ဖုန်းချပြီးတာနဲ့ဆိုဖာနောက်ကိုမှီချလိုက်၏။ ဒီဟိန်းရန်အောင်ကဘယ်ကိုအကွက်ရွှေ့နေတာလဲ။ သားရောသိရဲ့လား အခုဆိုဟိန်းရန်အောင်နဲ့သားသူငယ်ချင်းဂျူလီယာက ပွဲတွေဘာတွေအတူတက်နေဖြစ်၏။ ဟိုတလောကပဲ သားဆီဖိတ်စာပို့ခဲ့သေးတယ် သူနဲ့ဂျူလီယာရဲ့ တရားဝင်ချစ်သူတွေဖြစ်တဲ့အပေါ်လူငယ်တွေကြားမှာ ပွဲလုပ်တာဟုဆို၏။ ဂျူလီယာ့မိဘတွေကလဲအခုဆို ဟိန်းရန်အောင်ကို အထောက်အပံ့ပေးနေပြီဖြစ်သည်။ သူ့အတွေးတွေကို ဇေကသိသည့်အလား