My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟸《‌နေရာလွတ်တစ်ခုရှိနေတယ်》

My Cherry Will Explode in the Apocalypse

Chapter 2

Author: Drunken Light Song
Source: Jostena M
Translator: オタク

【Unicode】

"စုရွေ့ကျယ်"

ရုတ်တရက်ဆိုသလိုပဲ ခပ်စူးစူးအသံတစ်ခုက စုရွေ့ကျယ်ရဲ့နာမည်ကိုအော်ခေါ်လိုက်‌လေသည်။

စုရွေ့ကျယ်ဘေးပတ်လည်ကို ဖြည်းဖြည်းချင်းလှည့်ကြည့်လိုက်သောအခါ သက်လတ်ပိုင်းအရွယ် အမျိုးသမီးတစ်ယောက် သူမ၏ မျက်နှာဝိုင်းဝိုင်းပေါ်မှာတော့ သူမအလွန်ကိုမှချစ်မြတ်နိုးရတဲ့ကလေးကိုကြည့်နေသကဲ့သို့ ကြင်နာ‌သော အပြုံးလေးတစ်ခုနှင့် လမ်းကျဉ်းလေး၏ထိပ်၌ ရပ်နေသည်ကိုတွေ့လိုက်ရသည်။

စုရွေ့ကျယ် သူ့နှုတ်ခမ်းတွေလှုပ်ရှားလိုက်ပြီး စကားလုံးသုံးလုံးကိုညစ်ထုတ်လိုက်၏။

" အကြီးဆုံးအဒေါ်..."

" ရှောင်ကျယ်..ဒီရက်တွေမှာ မင်းဘယ်ရောက်နေတာလဲ? ငါဒီကိုအကြိမ်ကြိမ်ရောက်ခဲ့သေးတယ်။ မင်းငါနဲ့အမြဲဖယ်ခွာနေ‌တော့တာပဲ။ အိုး..မင်းအလေးချိန်ကို ကြည့်စမ်းပါအုံး။ မင်းဒီရက်တွေမှာ ကောင်းကောင်းမစားခဲ့ရဘူးလား? ဘယ်လိုတောင်လဲဆိုးရွားတာလဲ !!"

သူတို့ဘယ်လောက်ရင်းနှီးသလဲဆိုသည်ကို မသိခဲ့သလိုပုံနှင့် ချန်ဟွေ့ကျန်းက စိတ်ဆင်းရဲပြီး အဆင်မပြေပုံပေါက်နေခဲ့သည်။ အဖိုးမင်းမင်း*ဆုံးပါးသွားပြီးနောက် ဘယ်မိသားစု၀င်ကမှ ပေါ်မလာခဲ့ဖူးပေ။

သူ့အဖိုးကိုတွေးလိုက်မိလျှင် စုရွေ့ကျယ် သူ့မျက်လုံးတွေတဖန်နီရဲလာပြန်ပြီး သူ၏အားနည်းလှသော မျက်ရည်တွေကိုထပ်မကျစေဖို့ ရှင်းရှင်းလင်းလင်း ကတိပြုထားခဲ့သော်ငြား အဖိုးနှင့်ကျန်းယွင်ကတော့ သူ့၏အထိအခိုက်မခံ‌နိုင်သော နှလုံးသားမှအမာရွတ်တွေဖြစ်သည်မို့ သူ့ကိုယ်သူမထိန်းချုပ်နိုင်ပေ...

ချန်ဟွေ့ကျန်း စု့ရွေ့ကျယ်၏ အသွင်ပြင်ကိုတွေ့လိုက်ရသောအခါ သူမ၏စိုးရိမ်ပေးမှုကြောင့် ခံစားသွားရသည်ဟု ထင်လိုက်သည်။ သူမကထပ်ပြီး ညင်ညင်သာသာနှင့်ပြောလာခဲ့သည်...