တဏှာစုန်း [Rated_M]

Part_29

ဘန်ဂျမင်ရဲ့ စတူဒီယိုမှာဖြစ်တယ်။ ဘန်ဂျမင်ဆိုတဲ့သီချင်းကို အန်တိုနီယိုက ရိုက်ကူးမှာဖြစ်ပြီး MTV မှာ ဂျူလီယန်က သရုပ်ဆောင်ရမှာ။ ရိုက်ကူးမယ့်နေရာကိုတော့ သီချင်းနဲ့လိုက်ဖက်အောင် ကမ်းခြေကိုရွေးထားကြတယ်။

အလုပ်ကိစ္စဆွေးနွေးပြီးနောက်မှာ တာဝန်ရှိသူတွေက အခန်းထဲကထွက်သွားကြတယ်။ ဘန်၊ ဂျူလီယန်နဲ့ အန်တိုနီိယိုတို့သုံးယောက်တည်း ကျန်နေခဲ့တော့မှ ဘန်က စကားစတယ်။

"အဲ့တော့ မင်းဟိုတစ်ခါပြောတဲ့ Right person ဆိုတာက မစ္စတာအန်တိုနီယိုပေါ့ ဟုတ်လား ဂျူလီယန် "

" အင်း "

Rumor တွေထွက်ကတည်းက ဘန်ဂျမင် သတိတော့ထားမိပါတယ်။ဒါပေမယ့် ဒီနေ့မနက် နှစ်ဖက်လုံးရဲ့ Social media အကောင့်တွေကနေ သူတို့တွဲနေတာ ဟုတ်​ပါတယ်ဆိုပြီး ကြေငြာလိုက်မှ အတိအလင်း သိလိုက်ရတာ။

ပရိသတ်တွေဆို သောက်သောက်လဲ ရင်ကွဲပက်လက်တွေဖြစ်။ သိပ်မကြာဘူး နာရီပိုင်းလည်းနေရော မစ္စလီလီယာက အင်တာဗျူးမှာ သူမပြန်လာတာ သားဖြစ်သူရဲ့ မင်္ဂလာကိစ္စကြောင့်လို့ ထည့်ဖြေလိုက်တော့ အင်တာနက်ပေါ်က လူထုကြီးပေါက်ကွဲထွက်ကုန်တော့တယ်။

ရိုးရိုးတွဲနေတာထက် တဆင့်ပိုသွားပြီ။ မကြာခင် လက်ထပ်တော့မှာဆိုတာကြောင့် ငိုနေတဲ့ပရိသတ်တွေလည်း ဘာမှမတတ်နိုင်တော့ဘဲ လက်ခံလိုက်ကြရတယ်။

"မစ္စတာအန်...နေဦး..အခုယောက်ဖလို့ပြောင်းခေါ်ရတော့မှာမလား "

ဘန်ဂျမင့်စကားကြောင့် ဂျူလီယန်မျက်စောင်းလှမ်းထိုးလိုက်တယ်။ဘန်က အန်တိုနီယို့ကို လက်ကမ်းပေးပြီး အချင်းချင်း လက်ဆွဲနှုတ်ဆက်လို့

"တောင်းဆိုပါတယ်..ကျနော့်ရဲ့ ဖအေမတူ အမေကွဲတဲ့ညီ အဆိုးအပေ အဂျစ်အတူးလေးကို အစ်ကိုကြီးအဖရာပြီး စောင့်ရှောက်ပေးပါဦး "

"ဘာညီလဲ? လုပ်ထည့်လိုက်ရ "

အလုပ်ကိစ္စပြီးလို့ ပြန်ဖို့ရာ သုံးယောက်သား အခန်းထဲကအထွက်မှာ ဘန်ကပြောတယ်။

"ငါတို့ကမ်းခြေရိုက်ကူးရေးခရီးအတွက် အပြင်လူ ခေါ်ခဲ့လို့ရလား "