တဏှာစုန်း [Rated_M]

Part_5

မစ်စ် လီလီယာက ဟောလိဝုဒ်မင်းသမီးကြီးတစ်လက်ဖြစ်တယ်။ အသက် ၅ နှစ်အရွယ်လောက်ကတည်းက ရုပ်ရှင်လောကထဲ ကျင်လည်ကျက်စားလာတဲ့သူ။

သူက အသက် ၁၅ နှစ်မှာ ကလေးတစ်ယောက်မွေးစားခဲ့တယ်။ အဲ့ဒီအချိန်တုန်းကတော့ ဟိုလေးတကျော်ကျော်ဖြစ်သွားတာပေါ့။ တချို့က ကလေးက ကလေးမွေးစားတယ်လို့ပြောကြတယ်။ တချို့ကကျတော့ လီလီယာဟာ လင်ကောင်မပေါ်ဘဲ ကလေးမွေးခဲ့လို့ အရှက်ကွဲမှာကြောက်ပြီး လိမ်ထားတာလည်းပြောကြတယ်။

လီလီယာ့ဘက်က တရားဝင်ဖြေရှင်းထားတဲ့စကားကတော့ သူက အန်တိုနီယိုကို မွေးစားခဲ့တာပါတဲ့။

အန်တိုနီယို ကြီးပြင်း အရွယ်ရောက်လာတာနဲ့အမျှ နောက်ထပ် မရိုးနိုင်တဲ့သတင်းတွေက ထပ်ထွက်လာပြန်တယ်။ လီလီယာက အန်တိုနီယိုနဲ့ ယူမှာ။ မွေးပြီးစားတဲ့ သဘောခေါ်မလား။ အသက်က ၁၅ နှစ်ပဲ ကွာတော့ ပြန်ယူရင်တောင် ဖြစ်နိုင်တယ်လေ။

ဘယ်လိုပဲဖြစ်ဖြစ် အားလုံးက အခြေအမြစ်မရှိတဲ့ သတင်းတွေပါပဲ။ လူတွေက မဟုတ်တာပြောတဲ့နေရာ၊စကားကိုချဲ့ကားတဲ့နေရာမှာ အတော်ဆုံး သတ္တဝါတွေမဟုတ်လား။

"သား...ဘာတွေငိုင်နေတာလဲ "

"ဟင်?...ဘာမှမဟုတ်ပါဘူး "

ဂျူလီယန်တို့ မိသားစုသုံးဦးလုံးအလုပ် အားတဲ့နေ့မှာ လူဆုံတက်ဆုံ ညစာစားဖို့အတွက် ဒယ်ဒီက စားသောက်ဆိုင်တစ်ခုလုံး Booking တင်ထားတာဖြစ်တယ်။

"အလုပ်က ပင်ပန်းလို့လား "

ဒယ်ဒီက ဂရုတစိုက်နဲ့လှမ်းမေးတော့ ဂျူလီယန်ခေါင်းရမ်းပြပြီး

" မဟုတ်ပါဘူး.. Schedule ကိုလည်း မနှစ်ကထက် လျှော့ယူထားလို့ အရမ်း မပင်ပန်းဘူး "

"အဆင်မပြေတာရှိရင် ဒယ်ဒီ့ကိုအချိန်မရွေးပြောနော်..ဒယ်ဒီ အလုပ်လုပ်နေတာ သားအမေနဲ့သား ကောင်းကောင်းမွန်မွန် ပျော်ပျော်ရွှင်ရွှင် နေရဖို့ပဲ...သားတို့က ပထမဦးစားပေးဆိုတာ သိတယ်မလား...သားတို့ မပျော်ရင် ဒယ်ဒီ ကြိုးစားနေတာ ဘာမှအရာထင်မှာမဟုတ်ဘူး "

မာမီက သူ့ယောက်ျားက်ို ချစ်ရည်ရွှန်းလဲ့စွာကြည့်ပြီး လက်ကိုဆုပ်ကိုင်လိုက်တယ်။