တဏှာစုန်း [Rated_M]

Part_25

"တွေ့ရတာ ဝမ်းသာပါတယ် မစ္စတာ ရောဘတ်..အန်တိုနီယိုပါ "

ဒယ်ဒီနဲ့ အန်တိုနီယိုက လက်ချင်းဆွဲကာနှုတ်ဆက်ပြီးနောက်မှာ

" ထိုင်ပါ... တစ်နေ့မှာ ကိုယ့်သားက သူ့ရည်းစားပါဆိုပြီး မိတ်ဆက်ပေးမယ့်သူက အန်တိုနီယိုဖြစ်မယ်လို့ မထင်ထားဘူးကွာ "

ဒယ်ဒီက ဂျူလီယန့်ကို ပြုံးပြီးတစ်ချက်ကြည့်တယ်။ အနုပညာလောကထဲက နာမည်ရှိပြီးသား လူတွေဆိုတော့ အားလုံးက အချင်းချင်း သိနေပြီးသား။

ဧည့်ခန်းမှာ ဒယ်ဒီနဲ့ မာမီကတစ်ဖက်၊ သူတို့ရှေ့မှာ အန်တိုနီိယိုနဲ့ ဂျူလီယန်က တစ်ဖက် ထိုင်လိုက်ကြတယ်။

"မင်းရဲ့အမေရော နေကောင်းရဲ့လား "

"ကောင်းပါတယ် အန်ကယ် "

"အေးကွာ..မတွေ့တာတောင် အတော်ကြာပါပြီ.. လီလီနဲ့ နောက်ဆုံးဆုံခဲ့တာ လွန်ခဲ့တဲ့ ၅ နှစ်လောက်ကထင်တယ်..ဟုတ်လား ဟန်နီ "

ဘေးမှာ မျက်နှာတင်းတင်းနဲ့ထိုင်နေတဲ့ မာမီ့ကို ဒယ်ဒီက လှည့်မေးတော့ မာမီက မဖြေချင်ဖြေချင်နဲ့ အင်းဆိုပြီးလုပ်တယ်။

အန်တိုနီယိုက သူပြင်ဆင်လာတဲ့ လက်ဆောင်ကို မာမီ့ရှေ့သို့ ချပေးလိုက်ပြီး

"ကျနော့်ရဲ့လက်​ဆောင်ပါ "

မာမီက ဖွင့်ကြည့်လိုက်တဲ့အခါ စိန်စီထားတဲ့ ဘယက်နဲ့ လက်စွပ်၊လက်ကောက်၊နားဆွဲ တစ်စင်စာကိုတွေ့လိုက်ရတယ်။ တန်ဖိုးကတော့နည်းမှာမဟုတ်။ မာမီက ဘာအမူအရာမှမပြဘဲ လက်ဆောင်ဘူးကို ပြန်ပိတ်လိုက်တယ်။

"ဒါတွေထက်..တို့သိချင်တာက.. တို့သားကို တကယ်ရော မေတ္တာရှိရဲ့လား "

" မာမီ "

ဂျူလီယန်ဝင်တားဟန်ပြုပေမယ့် မာမီက မျက်စိစုံမှိတ်၊ ခေါင်းကိုမော့လျက် ခပ်တင်းတင်းပဲ။

ရည်းစားအနေနဲ့ တွေ့ပေးတာကို မာမီလုပ်ပုံက လက်ထပ်ဖို့ လာတောင်းသလိုဖြစ်နေပြီ။

"ဂျူလီယန့်အပေါ်ထားတဲ့ ကျနော့်မေတ္တာက အန်ကယ်နဲ့ အန်တီတို့ထက် မပိုရင်တောင် မလျော့နိုင်ပါဘူး "