ခြံဝန်းငယ်လေးထဲ၌ ရေပုံးအသေးလေးကိုင်ပြီး မုန်ညင်းဖူးလေးတွေကို ရေလောင်းနေသော မိန်းကလေးရဲ့လှပကျော့ရှင်းနေမှု။တောင်မှမြောက် လွင့်လူးတိုက်ခတ်နေသော လေငှေ့လေးမြားက သူမရဲ့အလှအား ပိုမိုတင့်တယ်စေလျက်ရှိပါသည်။အဖြူရောင် လက်အဖောင်းဂါဝန်လေးဖြင့် ဆံပင်လေးကို ဖျားလျားချထားသည့် သူမဟာ ကိုယ်ဝန်သည်တစ်ယောက်နှင့် မတူလှပါ။လူကလည်း ဗိုက်တစ်လုံးသာ ထွက်လာတာ အပျိုဗိုက်ဖြစ်တာကြောင့်လားတော့ မသိ လှနေဆဲပါ။ကိုယ်ဝန်ကြောင့် ရုပ်ရင့်သွားခြင်း ၊ အသားအရေ မွဲခြောက်သွားခြင်းလည်း အလျှင်းပင် မရှိ။အသက်နွယ်ရဲ့ အသက်သာမသိသူများသည် သူမကို ကလေးကကလေးပြန်မွေးသည်လို့ ထင်ကြေးပေးသည်အထိ ကလေးရုပ်မပျောက်လှသေးချေ။ ဖြူဉဉမျက်နှာလေးထက်မှ ရွှန်းလက်တောက်ပသော အပြုံးတို့သည် နွေဉီးမှာ ပေါက်ရောက်သော ပန်းလေးများရဲ့ အလှတရားတို့နှင့် တုကာယှဉ်ပြိုင်လျက်ရှိသော ဗိုက်လုံးလုံးလေးနှင့် အသက်နွယ်မှာ ခြံစိုက်ခင်းတန်းထဲက မုန်ညင်းဖူးထုပ်တွေကို ရေလောင်းချိန်တိုင်း အချိန်မှန်ရေလောင်းနေကြပါ။ကိုယ်ဝန်သည် ဖြစ်တာကြောင့် ရေပုံးအကြီးတွေကို မသယ်ဘဲ ပုံးအသေးဖြင့်သာ ရေလောင်းနေခဲ့ပါသည်။
" ကလေးမ .... ဘကြီး စိုက်ခင်းဘက် ခဏသွားအုံးမယ် ညည်းအကြီးကတော့ ရွာထဲက အလှူမှာ သွားကူနေရလို့ တော်ကြာနေ ဟိုထွေးမြတို့ သုံးယောက်လာလိမ့်မယ် ဒီကြားထဲ ဗိုက်တွေဘာတွေနာရင် သုံးအိမ်ကျော်က ကားနဲ့ဆေးရုံတန်းသွား .... ကြားလား "
အိမ်ထဲမှ တဘက်ကို ဂုတ်ပေါ်တင်ကာ လယ်ခမောက်ဆောင်းပြီး ဘကြီးကတော့ စိုက်ခင်းဖက်သွားရန် ထွက်လာခဲ့ပါသည်။အခုတလော အသက်နွယ်ရဲ့ မွေးရက်ကလည်း နီးလာပြီမို့ ဘကြီးရော အဘွားငွေရီပါ အသက်နွယ်ကို အိမ်၌တစ်ယောက်ထဲထားခဲ့ဖို့ စိတ်မချကြပါ။ဘယ်လောက်ပဲ စိုက်ခင်းသွားစစ်ရမည့်အချိန်ဖြစ်ဖြစ် သူတို့မရှိချိန် မွေးမည်စိုး၍ တစ်ယောက်ထဲ ဘယ်တော့မှပေးမနေခဲ့ပါ။ဒီနေ့ကျမှပဲ တိုက်တိုက်ဆိုင်ဆိုင် အဘွားငွေရီကလည်း ရွာထဲအလှူအတွက် အချက်အပြုတ်သွားကူပါသည်။ဘကြီးကလည်း ဒီနေ့တွင် စိုက်ခင်းလုပ်သားတွေကို ငွေရှင်းပေးရမှာမို့ ခုနေသွားမှ တော်ရုံကြမည်ဖြစ်သည်။ထိုကြောင့် သူတို့မရှိတုန်း အဖော်ထားရန် အပျိုကြီးသုံးယောက်ကို ခေါ်ထားပေးပါသည်။ပြောမဲ့သာပြောတာပါ အန်တီသုံးယောက်လုံးက စကားပြော စည်းမရှိကြသော်လည်း ခင်ဖို့ကောင်းပြီး သူတို့ရှိရင် မပျင်းရပါ။ရေလောင်းနေရင်းမှ ဘကြီးရဲ့ စိတ်ပူစကားကြောင့် အသက်နွယ် ပြုံးရင်ပြန်ဖြေလိုက်ပါ၏ ။
YOU ARE READING
Because Of First Love ( အချစ်ဉီးကြောင့်သာ) Completed
Romanceပါဝင်သော အကြောင်းရာများမှာ စိတ်ကူးယဉ် အရေးသားများသာဖြစ်သည်။ လူတိုင်းမှာ တစ်ကြိမ်တစ်ခါမှတော့ အချစ်စစ်မတွေ့ခင် ပထမဆုံးနေရာဝင်ယူတတ်တဲ့ အချစ်ဉီးဆိုသော လူရှိခဲ့ဖူးတယ် ဒါပေမဲ့ မဖြစ်နိုင်ခဲ့တဲ့ အချစ်ဉီးဆီက ထွက်ပြေးခဲ့ပေမဲ့ ဘယ်ကြောင့်များ ပြန်ပေါ်လာရတာလဲ လှ...
