ليهدينا الله

خلق ادم

منقول
..
من فترة شفت حلقة لشيخ من اللي بتابعهم بس مش فاكرة مين المرة دي

المهم كان بيشرح عن نزول آدم وحواء للأرض و سبب وجودهم :

–آدم وحواء والبشرية مش في عقاب هنا

–الشيطان وسوس للاتنين مش حواء بس ومش هي اللي اغوت سيدنا آدم للأكل من الشجرة ولا المرأة معاقبة بالدورة الشهرية للسبب ده!! لأن الكلام ده منتشر ومش حقيقي بالمرة ملوش أي صحة في الإسلام

–ربنا تاب على آدم قبل نزوله للأرض وعلمه كلمات قالها فتاب عنه يعني لو نزولهم عقاب كان زمانه اتلغى
﴿فَتَلَقّى آدَمُ مِن رَبِّهِ كَلِماتٍ فَتابَ عَلَيهِ إِنَّهُ هُوَ التَّوّابُ الرَّحيمُ﴾ [البقرة: ٣٧]

–البشرية خلقت للتعمير والانسان خليفة في الأرض للإعمار مش بنتعاقب

–الآية اللي قالت القصة دي قالت عن الأكل من الشجرة ﴿فَأَزَلَّهُمَا الشَّيطانُ عَنها فَأَخرَجَهُما مِمّا كانا فيهِ) والزلة في اللغة هي غلطة بسيطة مش خطيئة بالتالي ازاي احنا هنا بنتعاقب؟؟؟

طيب لو احنا هنا للتعمير مش معاقبين، ليه آدم وحواء نزلوا الأرض على أثر الأكل من الشجرة!!
–علشان أنت متعملش زيهم وتسمع من الشيطان

ربنا لما جه يخلق آدم قال للملائكة ﴿وَإِذ قالَ رَبُّكَ لِلمَلائِكَةِ إِنّي جاعِلٌ فِي الأَرضِ خَليفَةً) يعني آدم مخلوق بنية النزول للأرض أصلًا
الغلطة دي كانت علشان احنا نتعلم منسمعش من الشيطان زي ما أبوينا عملوا
﴿يا بَني آدَمَ لا يَفتِنَنَّكُمُ الشَّيطانُ كَما أَخرَجَ أَبَوَيكُم مِنَ الجَنَّةِ يَنزِعُ عَنهُما لِباسَهُما لِيُرِيَهُما سَوآتِهِما إِنَّهُ يَراكُم هُوَ وَقَبيلُهُ مِن حَيثُ لا تَرَونَهُم إِنّا جَعَلنَا الشَّياطينَ أَولِياءَ لِلَّذينَ لا يُؤمِنونَ﴾ [الأعراف: ٢٧] ✨ ..