កែវភ្នែកពេញដោយមានដំណក់ទឹកភ្នែកនៅជ្រាបពេញរេសម្លឹងទៅខាងមុខទីតាំងដែលនារីមួយក្រុមកំពុងតែធ្វើបាបនាងមុននេះពួកគេក៏លែងខ្វល់ពីរនាងរួចក៏នាំគ្នារត់ទៅឈរញញឹមហើយខ្លះក៏ឱបដៃអោបជើងរបស់កំលោះដែលមានរូបរាងមិនសូវជាខ្ពស់នោះទេតែគេបែរជាមានភាពទាក់ទាញមិនស្ទើររហូតដល់វិនាទីដែលនាងបានដឹងថាបុគ្គលនោះជានរណាទើបអាចទាក់ទាញចំណាប់អារម្មណ៍ស្រីៗបានលឺជាងផ្លេកបន្ទោរនោះ។
"នេះមាននរណាចាប់អារម្មណ៍ទៅញុាំបាយជាបងទេនឹង?"។ ជីមីន សួរនាំស្រីៗដែលចោមរោមជារង្វងហើយពេលនោះគេងាកក្រសែភ្នែកសម្លឹងទៅមើលនារីរាងធាត់ដែលប្រឹងងើបខ្លួនពីដី។
"ទីណាក៏បានឲ្យតែមានបង មីន គឺពួកអូនពេញចិត្តនឹងតាមបងជានិច្ច!"។ សិស្សស្រីទាំងនោះបែរជាលេងខ្វល់និងស្រមោលរបស់ ម៉ារៀ ដែលប្រឹងអូសអាត្មារត់គេចក៏ព្រោះតែមានវត្តមានរបស់កម្លោះសង្ហាដូចទេពបុត្រនេះចូលមក។
"អូចឹងហ៎? ចុះបើបងនាំពួកអូនចូលមកនរកអូនចូលអត់?"។ ទឹកមុខស្រស់ស្រាយតែសម្ដីគេហាក់មាំស្តាប់មកក៏ព្រឺឆ្អឹងខ្នងដែលធ្វើឲ្យនារីទាំងអស់នោះត្រូវបន្តិចមុននឹងខំញញឹមដាក់គេវិញដូចជាគ្មានអ្វីកើតឡើង។
"បង មីន លេងសើចនឹងពួកអូនមែនទេហ្នឹង?"។ នារីម្នាក់ក៏តបហើយ ជីមីន ក៏ប្រែមកជាញញឹមចុងមាត់។
"លេងឬក៏មែនវាអាស្រ័យលើទង្វើរបស់ពួកអូនៗទេ! សាងកុសលបានបុណ្យបើសាងបាបគង់តែបានទោស! នេះបងក៏មានម៉ោងសិក្សាបន្តផង! មិនបានកំដរអូនៗទេណា៎! បាយ៎ បាយ៎!"។ នាយសង្ហាក៏ជ្រែងហោប៉ៅដើរចេញទៅទុកឲ្យនាងៗទាំងនោះស្រែកមិនអស់ចិត្តដែលនាយសង្ហាក៏បោះបង់ពួកគេបែបនេះ។
ទីធ្លាខាងក្រោយ ...
"ហ៊ឹក...ហ៊ឹក...តើខ្ញុំខុសអ្វីទៅ? ហ៊ឹក...ហេតុអីគ្រាន់តែកើតមកមិនស្អាតត្រូវទទួលរងការធ្វើបាបបែបនេះ? ហ៊ឹក...ជាកំហុសមែនទេ? ហ៊ឹក...ខ្ញុំមិនយល់ទេ? ហ៊ឹក...!"។ នារីរាងម៉ាប់ម្នាក់នេះក៏រត់មកពួនយំនៅឯខាងក្រោយសាលាដោយក្តីឈឺចាប់រាងកាយនិងផ្លូវចិត្តដូចគ្នា។
"យំលិចខ្លួនក៏គ្មាននរណាគេឆ្លើយសំណួររបស់នាងបានដែរ!"។ សំឡេងពោលដែលពន្លឺពីបបូរមាត់ស្អាតនោះក៏តបនឹងនាងទើប ម៉ារៀ ងើបមុខហើយកីសម្លឹងគេ។
YOU ARE READING
ជួលស្នេហ៍ថែបេះដូង( Pretend To Be Yours)រដូវកាលទី ៥( Season 5 (Complete ✅)
Romanceជារដូវកាលទី 5 ក្នុងចំណោមរដូវកាលទាំង 7 របស់ស៊េរី : សំណព្វចិត្តម៉ាហ្វៀ ( Mafia's sweetheart ) 🔥💜 ជារឿងរ៉ាវស្នេហាត្រីកោណដ៏ជំពាក់ជំពិនរវាងកម្លោះសង្ហាសម្បូរស្នេហ៍ជាមួយនឹងក្រមុំរូបស្រស់ដែលមិនមានចិត្តស្នេហ៍សម្រាប់គេសោះឡើយព្រោះបេះដូងនាងមានម្ចាស់រួចទន្ទឹម...
