I bet you love me. [Completed]

Chapter-48

[ Every Zawgyi font is under the Unicode. If you can't read this part, I bet it is wp error. So, remove my fic from your library first then add it again. You can do this action till you can read. This advice is the only thing that I can help you. Thank you. 💚]

*** ***

နိုင်ငံအတွင်း တောင်ပေါ်ဒေသတို့၌ အဖမ်းအဆီးနှင့် အစစ်အဆေး တင်းကြပ်ခြင်းတို့ကြောင့် လင်းသွင်နှင့် သူ့လက်အောက်မှ အဖွဲ့အစည်းတို့ဟာ နိုင်ငံရပ်ခြားဆီသို့ ရှောင်ပြေးခဲ့ကြရတော့၏။ လင်းသွင်ဟာ သက်ပန်အား သူနှင့်တစ်ပါတည်းခေါ်သွားခဲ့ပြီး သက်ပန်၏ အိမ်မွေးတိရစ္ဆာန်လေးများကိုတော့ ခေါ်သွားရန်အဆင်မပြေသေးသည်မို့ စောင့်ရှောက်သူနှစ်ယောက်နှင့် ထားခဲ့ရသည်။

လက်ရှိအချိန်၌ သူတို့နှစ်ဦးသား၏ ချစ်သူသက်တမ်းဟာ ၄နှစ်ကျော်သွားပြီဖြစ်ပါသည့်တိုင် သူတို့ကြားရှိဆက်ဆံရေးကတော့ သုံးနှစ်ပြည့်ပြီး ပြဿနာတို့ ဖြစ်ပြီးကတည်းက အေးစက်သွားခဲ့ခြင်းပါပေ။

သို့ပေသည့် လင်းသွင်ကတော့ ၄နှစ်ပြည့် ချစ်သက်လက်ဆောင်အဖြစ် ငွေ Handchain လေးတစ်ခုကို သက်ပန်၏ ညာဘက်လက်ကောက်ဝတ်လေးထက် ဝတ်ဆင်ပေးခဲ့ပါ၏။ ဘယ်ဘက်လက်ကောက်ဝတ်တွင်တော့ ၃ နှစ်ပြည့်ချစ်သက်လက်ဆောင်ဖြစ်သည့် ရွှေ Handchain လေးက ရှိနေခဲ့ပြီးသားပါပင်။

လင်းသွင်ဟာ သက်ပန်၏ စောင်းလေးများကိုတော့ မမေ့မလျော့ ယူလာပေးခဲ့သည်။ ထို့ပြင် လက်ရှိ သူတို့နေထိုင်သော တိုက်ခန်းအတွင်း၌ အိမ်အတွင်း စိုက်ပျိုး၍ရသော အပင်များစွာကို ဝယ်ယူစိုက်ပျိုးပေးထားပြီး သက်ပန်ဖတ်လေ့ရှိသော စာအုပ်များ၊ ချည်ထိုးရန်အတွက် ချည်လုံးရောင်စုံများနှင့် Heat တက်၍ အတူနေပြီးလျှင် ပြန်ချော့ရန်အတွက် သကြားလုံးပျော့လေးများကိုလည်း အပြည့်အစုံ ဝယ်ထားသေး၏။

နှစ်ဦးသား၏ အခြေအနေဟာ အတော်လေး အေးစက်နေပါသည့်တိုင် Heat ဝင်သည့်အချိန်တွင်တော့ သက်ပန်ဟာ လင်းသွင်အား မငြင်းဆန်တတ်ပါတော့ချေ။ စင်စစ် လင်းသွင်ကလည်း အတူနေခြင်းကိစ္စတို့အတွက် ဘယ်တုန်းကမှ အတင်းမကြပ်လုပ်ခြင်းတို့ မရှိခဲ့ဖူး။ သို့သော် သူဟာ နေ့စဉ်နေ့တိုင်း သက်ပန်အား အနမ်းပေးခြင်းတို့ကိုတော့ တစ်ရက်သော်မျှ မပျက်ကွက်တတ်ပါချေ။