لقد هَانت صَداقتِــي وهانَ فُراقِــي وهانتْ أيامِــي وغَادرنِي الجَميع وكأنِي كُنت أظُنُ أنّ أهُــونّ🙂💔.
-لي دايما كدا مطلعني دايما غلط في اي شي حتى م معتبرني بتكم دايما انتو صح وانا غلط...💔 بس نفسي اعرف الاتغير شنو خلاكم م طايقني اصلا بس وروني ادوني سبب مقنع.....محسسني انا السبب لا والله انا م السبب عشان دايما بسمع كلامكم البسم البدن دا وبسكت لي كدا بس وروني......ااخ ي ربي 💔..
وطلعت من البيت زي المعتاد وقعدت في مكانها البتحبو ومانت بتحكي ليهو...
-طيب سؤال واااحد ليي دايما انا غلط ولي دايما شايفني سبب موتو، لي م راعو انو ممكن يفقدوني انا كمان..💔(كانت بتبكي من دون صوت...) ورجعت البيت بعد م ارتاحت....
في الصباح🌹....
صحت عادي لبست عباية سوداء وطرحه سوداء وم عملت ولا شي في وشها وطلعت طوالي اتخطت امها وابوها القاعدين في الهول بسهوله...
دورت العربية وكانت ماشية في الشارع...وكانت مشغلة اغاني❤.
فجأة جات اغنية🎼
اووعك تنسي ان انا سندك ضهرك اخووكي.....❤
فجأة حست قلبها وقف ويدينها بردو وبقت م قادرة تتحرك ودموعها نزلت....زي السيل💔💔.
وبقت بتصرخ بأعلى صووت عندهاا...
لي ياااخ لي لي مووش كنت بتقولها لي دايما لي كدا لي بس اديني سبب مقنع...💔 اااااااااااااااااخ....💔صرخت صرخه خلت العربات الفي الاستووب كلهم مركزين العربية دي فيها شنو بالضبط....
صرخة كانت بتكتم فيها حياتها كلهااا واسا طلعت لمن جا مقطع من اغنية....
-لي ي قاااائد لي كدا......لي خليتني لي مش كنت بتقول لي انا سندك لي بس...💔قنوان استغفري دا شنو البتقولي فيهو دا ي الــلّــه.....
دي قنوان البت العاشت في حزن من اول م دخلت الجامعه لانو هي كان عندها تؤام اسمو قائد❤ هم بس الوحيدين عند اهلهم امها اسمها سامية محمد وابوها اسمو علي ابراهيم 💚هم ساكنين حي السفراء ❣ قنوان دي عبارة قائد بس شعرها طويل واسود بس م مهتمة😔 بيهو ضعيفة دايما كان بتسمع انتقادات من الناس بس قائد كان مقويها دايما♥ ومعاها في اي شي كان ليها بروفين ❤قنوان عشات حياتها كلها مع قائد تؤامها كان بتعتبرو حياتها ممكن اقول كانت ومازالت بتحبو اكتر من امها ابوها يعني...❤.
بس للاسف ربنا اخد امانتو لمن كانو الاتنين برالمة طب في جامعة الخرطوم كان حلمهم انو يبقو دكاترة في علم النفس ويفهمو الناس انو لمن تمشي لي دكتور نفسي م معناها انك مجنون ابدا.😔💔
بس قائد مات لمن عملو حادث هو وقنوان كانو راكبين مع صاحب قائد بس عملو حادث وقائد مات💔 وقنوان كانت في غيبوبة طويلة😣 وصاحب قائد محمد اتأذى....
وحتى الان قنوان عايشة في ذكريات قائد..وم قادرة تتخطى لانو هو مان بمثل ليها حياتها..
طيب نتم..😁
قنوان بعد هدت الاستوب فتح ومشت في طريقها لي الجامعه طبعا بتسوق براحه.....
اول م وصلت ودخلت الناس بدت تتكلم البت المفترية جات وبتاع...عان ليها عاملة كيف....وااع ي بت هي ظي م بحسبوها مع البنات اصلا...يووع شوف كمان قال بتفتري...💔
قنوان كانت عاملة كدا😊وبتسمع وبتكلعو طوالي بس كان بأثر عليها💔
مشت قعدت في الشجرة بتاعت صحباتها...
وهم جوها كانو تلاته بنات اسراء ولما ولين...
لين:قنوان عاوزين نقول ليك حاجه..😢.
لما:اي بس م تزعلي لانو لي مصلحتنا😊.
قنوان:بنات ارح قولو كمان من بتين عندكم الادب دا😂😂م كنتو بتخطفو الكلام مني خطف ارح انجزو اللكشر ح يبدا😂😂.(اي م تستغربو قنوان زولة جنها ضحك والبنات ديل م عارفين قصتها الا لين بس لانها اقرب وحده ليها بس م شديد بس هي عارفة قصة قائد لكن م بتحكي ليها كتير😄).
اسراء:ممكن اقول ليك انو من الليلة تعتبري البينا انتهى...🙂
لما:م قصدنا بس انتي شكلك دا م شكلنا شوفي نفسك عامله كيف😂انتي مصدقة انو انا ممكن اصاحبك😂😂.
لين:بنات م كدا.
اسراء بحدة:لييين😤😤
قنوان قامت ووقت ع رجولها الي م شايلنها من الصدمة وقالت:شكرا ع خسارة الوقت القضيتو معاكم وعلي اي حاجه حلوة حصلت بينا....ي خسارة العشرة البينا...وسكرا مرة تانية ي بنات💔.
________________________
*ماذا أقول عَن الأهاتْ التِي بِدَاخِلي، ماذا أقول عن الكَم الهِائِل مِن الوجَع الذِي اكّتمهُ ي لَيت لو كَان بيدي أن أصْرخَ صَرخةً تِجعلُ كُل آلامِي تَتلاشى شِيئاً بعد شيء.......* 💔
~ginoo~🖤
