غيث...♥
أنا مَعك حين تخُونك الشوارعُ و الطُرُق ، ،حِينَ تفقدُ القُدرةَ عَلى فَهمِ الاشياءِ مِن حَولِكِ وتغدُو بِلا وجهةٍ أو أمَل ، أنا مَعكِ كيفما كُنتِ ومهمَا حَدث!♥♥♥.
وفي الصباح☀....كان يوم جمعة😍💓.
كالعادة بقعدو قنوان ونونه وسيري وبقرو سورة الكهف سوا♥.
عند غيث....
كانو قاعدين هو وخالتو وهو برتل ليها بي صوتو في سورة الكهف بطريقة جميلة شديد😔❤.
بعد كلهم خلصوو اي زول مشى يجهز نفسو طبعا نونة لبست فستان بيجي معاهو طرحه بيجية والاكسسوار اسود كلوو💗.
اما قنوان لبست اسكيرت طويل بس م شديد معاهو تونك اسود كم وخناقة ومعاها جزمة سوداء وطرحه مشكلة فيها بلون الاسكيرت والاكسسوار م بتحبو بس لبست خاتم وسلسل سيلفر🤤💙.
اما غيث ح تعرفوهو بعدين.....
طبعا هم ح يقعدو لحدي يوم الثلاثاء اتخيلو بس في مزرعة بتاعت اهل صاحب غيث😀.
يلا هم طلعو بعربية قنوان وهم ماشين اتصل ليها غيث....
-صباحو ي مزة💗.
+يسعد صباحك وجمعة مباركة عليك ي اصلي❤.
-تتبارك ايامنا +اسا في داعي لي ي اصليدي م تخلي لغة الشماسة دي 😒.
+ان شاء الله المرة الجاية بقول لسك ي مكنة كدة كيف😂😂💔.
-لحدي م الاقيك بوريك لي....اسا كدي تعالو لي في ().
+طيب تمام قربنا😀.
بعد وصلو اتلاقو نزلو من العربية لانو ح يركبو في عربية تانية توديهم كلهم لانو الشارع كعب.
+غيث ي غيث يحردو ليك الاسود ي صحبي😔💙.
-لا لا والله يحردو ليك انتي م انا يااخ واحساس مطقمين وكدا يعني🤤💙.
+اي اي اصلا قصتنا انا وانت دي كلها صدف في صدف يااخ ❤.
دنقر ليها وقال ليها براحة بهمس....
-واحلى صدفة في حياتي❤.
رفعت راسها وعاينت ليهو وابتسمت💗
بعدها جو اصحاب غيث وتاني اتحركو كلهم اصحابو اربعة...
راني ويوسف وقصوى وديما.... طبعا ديمة ظريفة بس قصوى متعجرفة ومتلصقة في غيث ويوسف عادي وظريف وصاحب نونة وراني بعاين لي قنوان بطريقة م ياها....وح تتعرفو عليهم في الجايات😀.
يلا بعدها اتحركو كلهم طبعا كانو قاعدين مع السواق قدام قصوى وراني وورا كانو بتونسو غيث وقنوان ويوسف ونونه وديما....
طبعا هي م كبيرة العربية يعني فيها 7اشخاص وكدا يعني شالتهم بي مزاج😂💗.
قنوان:غيث احكي لي قصة لانو قلتو المكان بعيد لاني نعسانة😔💔.
غيث:حاضر اصلا انا م عندي غيرك ح احكي ليك...وبدا يحكي...
-كان في ولد صغير م عندو اي اصحاب في المدرسة كل الناس بتكرهو م حصل صااحب ابدا لحدي م دخل الثانوي حتى صاحب ليهو واحد كدا واسمو يوسف😂💗في اللحظة دي يوسف قبل وراهو وكشر ليهو 😂😂.يلا بس دخلو الجامعة سوا واتعرفو علي اصحاب جداد بس برضو هو يوسف دا م كان صحبو للدين كدا لحدي م لاقى واحدة بالصدفة وكانت اجمل صدفة بالنسبة ليهو😔❤.هي بقت محور حياتو ودنقر ليها وقال بصوت ماف زول يسمعو غيرها....
وحباها بكل م اوتى من قووة❤😔.
هي كانت نايمة في كتفو نوم عميق شديد....في اللحظة دي هو قال.....
اللهُمَ هِـــــيّ........😪❤.
بعدها قالو ليهم انهم وصلوو فضل يصحي فيها سااعة وهي بتقول.....ي زفت قائد خليني انوم ياخ....
-قنوان استهدي بالله وقومي احنا وصلنا قومي.
+طيب.
بعد نزلو ونزلو شنطهم كلهم دخلو في البيت الا قنوان اتجهت لي البحيرة وقعدت في الارض وفضلت تعاين في الشجر والموية القدامها وسرحت والجو كان حلووو✨🖤.
قالت بصوت عالي مسمووع وهي بتعاين في الــ لاشي😪.....
سلامُ عليكَ ي فَقِيدِي وقَد كُنتَ مَعنَى السَلام وجُناحَ الأمَان، أما أنا فَما زِلتُ عِندَ نَفس اللَحظَة فِي كُل سَاعة تَعُود الذِكّرَى وتَعُود التَفَاصِيل ويَعُودُ قَلبِي لِيومِ فَقّدِكَ، إشَتقتُ لَكَ شَوقَاً يَفُوقُ قَلبِي ولمَ يَصمُت قَلبِي المُنهَك عَنّ الدُعَاءِ لكَ، ولمَ يجِفَ الدمّعُ بَعّد، وحِينّ اتذَكرُ إنِي سَأُحشَرُ مَعكَ عِندَ ربٍ كَرِيمَ أبّكِي فَرحَاً لــــ لِقَائِكَ😪💔.
ادعموني يااخ
