تعطينا الحياة اضواءً فِي آخِــرِ النفَــــقّ تَدعُونَا كَي نَنّسَى آلمَاً عِشْنَاهَ......✨❤.
وفي بكيتها ديك تلفونها اتصل رفعتو لقتها نونة فتحت الخط وبدت تبكي....
-ااخ ي نونة والله اي شي بذكرني بيهو بالجد م قادرة اتخطى نفسي بس الاقيهو والله احضنو وتاني م افكو ابدا ياااخ بس مرة وحدة😔💔.
+عاني حبيبتي كلو لي خير وربنا عاوز يشوفك انتي ح تقدري تتحملي ولا لا اءا صبرتي ح تنالي رضا ربك وح تعيشي دايما مبسوطة بس اذا انهرت كدا انتي ح تخسري رضا ربك لانك م صبرتي انتي بس اصبري وربنا هنا يحديك اجرك واتذكري كويس (إن اجر الصابرين عظيم)❤.طيب ي السمحه انتي صاح بتتذكريهو دايما ممكن تبعدي تفكيرك دا بي اي حاجه يااخ.طيب وريني انتي حاسة بي شنو؟؟.
-يااخ حاسة انو هو عايزني جمبو كأنو بستنجد لي يااخ💔.
+م بقدر افسر ليك بس انتي اطمني كلو لي خير ي قلبي❤.
-والنعم بالله.🖤😔
+طيب خلاص افتحي سورة يوسف ونومي.
+طيب.
قفلت الخط وشغلت القران ونامت بإرتياح ممكن تكون دي اول مرة بعد زمن طويل قنوان تنوم فيها بالطريقة دي...🖤
*_*_*_*_*_*_*_*_*_*_*_*_*_*_*_*_*_*
في الصباح...
قنوان وهي ماشة في طريقها لي الجامعه نزلت من العربية وكانت ماشه علي جهه طفل قاعد تحت شجرة وم كانت منتبه ابدا،🙂 اول م دنقرت عشان تسلم عليهو في زول كمان دنقر عشان يسلم علي الطفل المشرد القاعد تحت شجرة.
واضربو في كتافينهم وقامو طوالي وعيونهم اتلاقت ممكن تكون دي من احلى الصدف يعني❤.
-اسفة م كنت منتبه.😅
+عادي م حصل شي ياخ😂.
-"دا مالو قال بعاين لي كدا "(الكلام دا مع نفسها يعني).
+"لا لا انا بالجد المرة دي غرقت والله🤤🤤❤،هي دا شنو البتفكر فيهو دا من متين بتفكر كدا من بتين بتعاين لي بت".
كانو سرحانين هي بتشتم فيهو وهو سرحان في انو دي م عيون بشر ابدا.
-طقطقت ليهو،لو سمحت ي انت🤨.
+ااا ....نعم .....اسف بس م قصدي صدفة حلوة بجد.👌😂💙
-ان شاء الله تكون حلوة كدا. يلا باي.
+ادعي بالله نتلاقى تاني ي اصلية.
-كانت ماشة وم اتلفت بس قالت ليهو:ي محاسن الصدف لو اتلاقينا تاني ي مكنة😂💗💗.
+بنتلاقى بس انتي قولي ي رب😔✨.
-ي رب❤.
+اميين كبييرة يااخ....❤😔.
هنا قنوان بعدت بعيد وركبت العربية واتحركت ومشت لي نونة اول ووصفت ليها البيت ومشت ليها...عشان توصلها معاها.💕
*نونة بتقرا برضو طب بس في السودان وقنوان في مأمون حميدة💗.
قنوان عرفت انو لغو المحاضرة من وحدة في الدفعة واتصلت لي نونه قالت ليها نازلة ليك.
-ي بت سنة هوو.
+عاني والله م فيني حيل امشي ارح اعرفك علي سيري.
-حتى انا لغو لي المحاضرة، سيري دي منو؟؟.🤨
+زيت ي مانة، ارح اوريك ليها.ارح يااخ عليك الله عليك الله يااخ.🙏
-امري لله ارح خلاص انجزي.
+ارح.😂
مشو طلعو فوق في الشقة بتاعتهم.
اول م دخلت شافت ليها وحدة قاعدة في الكرسي بتاع الجلوس وماسكه سبحتها ومغمضة عينها ودموعها نازلة زي السيــل💔اول م سمعت صوت نونة نزلت راسها.
م عارفة بس حسيت انو اسيل القاعده قدامي والله م سيري البتتكلم عنها نونه يااخ.بالجد هي عندها نفس حنية وحب اسيل لانو حسيت كدا من تواجدها لانو اسيل دايما كانت انسانة هادئة ورزينة وبتحب تكون قوية قدام اي زول 💔.
بعد مشيت وسلمت عليها في راسها ♥بكون عمرها في نهاية الثلاثينات...اظنها في نفس عمر أسيل💔.
قالت لينا:دي قنوان صح ي نونه😂💗💗.
نونه :ايوة ي ماما دي قنواني...
قنوان:هي قنواني دي م برضى زول يقولها لي الا راجلي المستقبلي 😂😂💗.
سيري:الله يديك ود الحلال الح يقدر يحافظ عليك ي بتي...❤.
قنوان فجاءة وبدون مقدمات اتذكرت الولد الصادفتو الصباح واتذكرت ملامحو كويس...
كاان طويـــل واسمـــر سمار حلوو وحواجبو مقرونة وعيونو نعسانة وعندو وجنات😂😂❤(صراحه انا انبرشت خلي انتو).
"قنوان هي بطلي تفكير في الولد كمان" مع نفسها.
سيري :قولي لي ي قنوان رايك شنو في كياني...💙😔.
قنوان: كيانك منو ي خالتو.؟؟
سيري :حبيبتي قولي لي سيري بس شايفاني كبيرة😂😂وبعدين مياني دي اسيل يااخ...
قنوان :ايوا ماما اسيل،ايوة هي ماما وممكن الان استغنى عن كلمة امي دي لي امراءة الا هي لانها هي البتستحق ينقال عليها ام وبس م غير كدا ❤✨هي الانسانة الوحيدة الحسستني انو انا لازم اعيش م لازم ادمر حياني ابدا ابدا بالجد هي عظيمة شديد وانا حتى الان عايشة علي ذكرياتي معاها وعلي نصايحها بإختصار هي قدوتي في الدنيا دي والله...❤😔.
سيري:كلنا كنا عايشين عشانها لانها كانت اساس اي حاجه حلوة في حياتنا،هي الطلعتني من اي كسر واي خذلان حصل لي في حياتي دي هي دايما الاسااس في اي شي بعملو😔💔حتى الان م شايفة غيرها هي ح تفضل صحبتي وكياني وبيستي وعمري ودنيتي الحلووة هي ح تفضل...
Everything beautiful in my life❤😔
هي كدا وح تفضل كدا دايما بالجد الصحبة عندها هي وبس وهي الاطلقت علي اسم سيري دا...عشان كدا بحبو😂💗💗.
اتنونسوو كتير وقضوو يووم حلووو بعدها قنوان كانت راجعه البيت سلمت علي سيري وبعدها قالت لي نونه انها ح تجيهم بكرة وطلعت منهم قبل المغرب كدا.
وهي في الطريق وماشة ومبسووطه وبتدندن في اغنية
يوووم من الاياام....
الحبيب الي في خيالي والي شاغل عقلي بالي مصيري هبقى معااه...
يووم من الاياام....
في البلد دي او في غيرها....
هنا قنوان ضربت عربية قدامها لانو الزول غلطان رجع خلفي بس هي قالت:وووين في غير البلد المشؤمة دي ويين بس ادووني حل وين وااي من الناس الم بتفهم دي...🙂كانت بتشوف في عربيتها سليمة ولا لا في زول طلع من العربية التانية وهي م شايفاهو وقال...
+ي محاااسن الصدف يااخ...❤.
-لا بجد ربنا بستجيب دعواتك طيب ممكن تدعي لي ربك يعلمك السواقة كمان🙂.
+الحمدلله ماف ضرر يااخ.
-عان اكسر الحنك وطير من قدامي خلاص.
+عان والله ربنا داير يجمعنا طيب ممكن نتونس خمسة دقايق بس😁.
-عان والله انت قاطع موضوع وانا م زيك زح بالله ...ومشت ركبت عربيتها وكانت دايرة تتحرك في الوقت دا قال ليها..
+اتذكري ربنا لو داير يجمعني بيك تاني ح يجمعني بيك ولو بعد سنين ي مكنة...❤
-خلاص لحدي م نتلاقى المرة الجاية اوعدك اتونس معاك يااخ😂😂💗.
ومشت.
وهو واقف قال:اللهم الثبات من هذا الغرق....❤.
ومَــا اأجمَل تِلكَ الصُدَف💗 التِي تَجمَعُنَا بأشّخَاص يسّتوطَنُونَ العَقلَ والقَلبْ مِن أولِ لِقَــــاء....💗✨.
~ginoo~🖤
ي جماعة ادعموني يااخ....
