سَأفقِدُكَ، سَأفّقِدُكُ وأنّتَ كُل الحَياةَ...💔
بعدها اتحركو من المطار واثناء هم في الشارع غيث بدا يحكي لي قنوان..
-انتي ي قنوان قايلة السودان زي زمان ايوة الطيبة والحنية موجودة بس الشوارع اتغيرت والناس بقت قلوبها م نضيفة زي زمان حتى انا اتغيرت انتي عارفة انا كنت كل يوم م بنوم الا اشوف صورتك او اسمع ريكورد رسلتيهو لي انتي ، انا كنت خاتي صوتك نغمة عشان م تغيبي من بالي ابدا،مع انو انتي اصلا م ح تغيبي بس تقولي شنو 😪💔الدنيا اتغيرت شديد شديد...
قنوان دموعها جرت 😔مع انها كانت مركزة في تلفونها شديد.
+يعني للدرجة دي بتحبني طيب لي م حاولت تتصل علي ي غيث لي كدا لي فجأءة بتصل ليك م بترد لي ورقمك بجيني مرات مغلق لحدي م فقدت الامل😔💔وبالجد انت اتغيرت لدرجة انو بقى عندك سواق وحارس امني😂.
-موش قلت ليك اتغيرت😂😂💔.
بعدها وصلو المستشفى ونزلو بعد وصلو الغرفة وخلاص جهزوهو لي العملية..
-قنوان خالتي امانة عندك ي قنوان هي م عندها غيري...
+هي في حفظ ربنا لحدي م تطلع وتمشي ليها برجولك ي غيث طيب وانت ح تطلع بس خلي املك في ربك كبير وانا معاك خايف من شنو😌.
-لا لا كدا يادوب شكلي عاوز اموت مدام انتي معاي😔.
+خلاص بطل كلام كتير...
بعدها المخدر مفعولو اشتغل😔.
ودخلو العملية....
كل الحصل في السنين الفاتت دي اتغيرت حاجات كتيرة شدييد اول شي...
غيث م سافر بس فضل في السودان وكبر شركات ابوهو وبقت من افضل الشركات السودانية.
تاني شي...
غيث بقى انسان بارد وحياتو كلها عبارة عن صوت وصور لي قنوان 😪.
تالت شي...
نونه اتخصصت دكتورة اطفال واشتغلت مع سيري في عيادة حقتهم الاتنين سموها أسيل الحياة 🖤.
رابع شي...
اهل قنوان سافرو السعودية وقالو انهم م ح يرجعو الا تجي قنوان...
خامس واخر شي...
قائد م ظهر ابدا 😪💔.
في غرفة العمليات...
-المريض في مرحلة الخطر...
+دكتورة كدا ح يدخل في غيبوبة وممكن يموت دماغيا اذا واصلنا😔.
-ح اواصل ي دكتور م ممكن نخليهو كدا😔.
بعد مرور ساعتين من الكلام دا طلعت قنوان ودكتور عامر...
-دكتور ح نعمل شنو ح نخلي في الغيبوبة دي لي متين يااخ انا م بقدر اعاين ليهو كدا😔💔.
+طيب انا ممكن اعمل ليهو عملية بس بعد يصحى من الغيبوبة الهو فيها دي😪.
-طيب تمام ح نستنى لحدي م يصحى.
+عاوز اسألك انتي متخصصة علم نفس متين فريتي عن القلب؟.
-م ح تصدق قريت عنو في اقل من ساعة بس عشان انا مهتمة بالموضوع ومقتنعة اني ح اقدر قدرت علي كدا.😔❤.
+والنعم بالله وربنا قادر علي اي شي وانتي م تشيلي هم هو ح يصحى ان شاء الله 🖤.
-ان شاء الله....
بعدها دخلت لي غيث في الغرفة وفضلت تتكام معاهوو كتير وتحكي ليهو في حكاوي وهي فضلت كل يووم تجي وتعمل كدا بس ماف امل ابدا😔💔.
في يوم جات وقعدت وكانت بتعاين ليهو وهو راقد في السرير والجهزة حوليهو😔💔 وقالت...
سَترَيّنِهِ عَلى قَدمَيّهِ فَأصّبِرِي فِإن الــلَّـــهَ عَلى ذَلِكَ لـــ قَدِيرّ....😔🖤.
