ثار شهم

البارت الاول

#ثار_شهم

#البارت_الاول

يعوضني الدمع وانه الخسرته اهواي
عله رمله امل كل عمري وشلته
وانه الباكو نهاري
ورحت ادوره بليل
والمسودن طبع ميعوف سالفته
عله نفس الدرب
ذبولي بس الصوف
حته ارجع واكول ذياب ماكلته.....

... الشاعر سمير صبيح.....

سنة 2000
عائلة ابو شهم

جان شتاء ولجو بارد حيل... وستونه دخلنه بشهر محرم رغم ممنوع اقامة الشعائر الحسينيه بس ابويه يسويهن كلهن من طبخ ولطم ويمشي لكربلاء.. مايخاف من رجال صدام رغم هواي يكتبون عليه تقارير وينسجن بس يطلع منهه.. لان رجال جبير ومعرف بلمنطقه.. جنت اني دائما ويا ويعلمني عله كلشي ودائما يوصيني بأحياء الشعائر

فديوم نزلو بلمنطقه ناس جدد جان ابوهم من رجال الامن المتشددين كلهه ضلت تحجي بي وتخاف منه عكس الموجودين بلمنطقه جانو زينين ماياذون كلش...
اسمه العقيد رائد. دائما اشوفه بلزي العسكري. ويفتر بلمنطقه يحاسب عله كل شي..

جنت كاعد باب البيت مخلي كرسي ولازم كتاب الاحياء.. واردد بقصيدة يحسين بضمايرنه بصوت عالي دائما من اكعد اضل اقره واكو ثنين من المنطقه كبار بلعمر يكعدون يمي يحبون صوتي يضلون يبجون... فات من يمنه العقيد رائد سمعني ضاج حيل جان يعيط

_ اسكت وبعد لاتقره

_ليش سيدي مسوي شي غلط كاعد باب بيتنه

_ بلا لغوه زايده يلا كلمن يدخل لبيته مااريد تجمعات يلاااا

_ وليدي خل يقرالنه جا حته من هاي حارمينه الله واكبر
_ والله حجي لو مو فشله من شيباتك جان هسه سحلتك بلكاع.. تعوذ من الشيطان وروح لبيتك.. يلااا وانت اخذ كرسيك وطب للبيت وبعد لا تكعد هنا وتسوي تجمعات
يحجي ويضرب برجله عله الكرسي..

كلما راح لبيته... اني اخذت كتابي ولكرسي ودخلت للبيت شفت امي وره الباب تضرب عله خدهه
_ ولك يمه شكتلك اني مو كلت بطل تقره بلشارع
_ اي وشني يعني يخوفني اني مامسوي شي غلط
خلت ايدهه عله حلكي
_ اسكت صوتك ولك لا يسمعك ويرجع علينه مو كافي عليه ابوك مايرد ولا يخاف.. والله اذا خلوكم براسهم..

_ والله ولا يخوفوني.. هسه عوفينه منهم كليلي شمسويه غده ميت من الجوع

حجيتهه واني ادخل للبيت واقره گلي يل ميمون باعلى صوتي.. شفت جدتي كاعده رحت يمهه

_ هله بهذا الصوت..

_شلونج جده مامليتي من الكعده دطلعي بره

_ ولك شهيم وين اكدر اني.. رجليه مكرمه دكوم افركهن الي.. اتوسل بلبنيات محد تقبل

_ هااا منو هاي الماتقبل

_والله كلهن خاصه هاي زهيره

جاي تحجي جان اطب اختي زهراء
_ هاا جده سمعتج تره..