ثار شهم

البارت الثالث

#ثار_شهم

#البارت_الثالث

الله كريم نگول بس هذا
روتين
صح نمشي فوك الكاع بس
احنه ميتين

(الشاعر عريان السيد خلف)

نور....

فزيت من النوم شفت الساعه راح تصير ب٨ اباوع زينب وزهراء نايمات لان شبه ماكو دراسه بعد.. بسبب الاحداث الجاي تصير بلعراق.. بس اني لان سادس كالو لازم تخلصون الكتب
ركضت عله السريع غسلت وبدلت ملابس المدرسه ونزلت شافتني ماما

_ ليشش هيج ماما غير تكعديني

_ شسوين رايحه كتلج تركي هاي السنه متشوفين الخطف ولنفجارات الجاي تصير

_ واني شعليه لا تخافين يخطفون العدهم فلوس مايجون الي ...يلا باي

طلعت امشي سريع حتى اوصل قبل لا يسدون باب المدرسه..
شفت ضياء نفس وكفته منتضرني.. ابتسمت من شفته وكلبي كام يدك بسرعه هو من شافني وحدي اجه يمشي ورايه بس قريب عليه..

_ اليوم متاخره.. كلت مداومين

_ اي كعدت متاخره

_ على كيفج امشي لا توكعين

_ مالحك بعد

_ انتضرج من تطلعين. لان الشارع يخوف

_ باوعت اله وابتسامه عله وجهي وكتله تخاف عليه

_ هههههه واني شالع كلبي غيرج تلاث سنين اني واكفلج هنا

_ اي والله.. يلا روح لا يشوفك احد هاي وصلت

_ اشوفج ادخلين حتى اروح

_ يلا باي

عفته ودخلت ركض للمدرسه همزين لكيتهم ستوهم يدخلون للصف.. كعدت عله الرحله واني اذكر حجي ضياء وابتسم.. شويه واجتي صديقتي مريم
_ شبي الحلو يضحك وحده

_ ماكو شي.. اليوم ضياء وصلني للمدرسه وراح

_هاا اكول اضحكين السالفه بيهه ضياء

_ لج مريم احبه والله اموت عليه

_ الله يجمعكم ان شاء الله

_ الله يسمع منج..

بيومهه هو رجعني للبيت وبقى يوميه يوصلني اذا شافني وحدي لان زهراء مداوم هواي... ويوم عن يوم اتعلق بي اكثر واحبه اكثر...

شهم..

مرت اربع ايام ومحمد وصى الجماعه الكال عليهم حتى يخطفون بنت العقيد.. وبقو منتضرين الفرصه حتى ينفذون الخطف.. جنت حيل خايف من هاي الخطوه ماردت توصل للخطف ولتهديد.. بس المشكله هو مجاي يطلع من البيت ومبين ماموجود بي...
رحت للمحل فتحته وكعدت بي من زمان تركنا
شويه واجه محمد

_ السلام عليكم

_ وعليكم السلام... تعال همزين اجيت كولي شسويتو