ثار شهم

البارت التاسع

#ثار_شهم

#البارت_التاسع

شكثر ليلك جواني

وروحي عطابه عله جرحك

(عريان السيد خلف)

ضيي. ...

بقيت اتصل عليه هواي ضجت لان مجاي يجاوب..
كلت هاي اخر مره اذا ماجاوب اكوم ادخل محاضرات.. اتصلت فتح خط ومبين على صوته جان نايم.

_ هلوو ضي

_ شنو وينك من البارحه اتصل عليك ليش مجاوبني

_ مافرغت

_ زين ليش مااجيت واني منتضرتك

_ مااكدر اجي.. عندي شغل اريد اروح اخلصه

_ بس اني عود مسويتلك مفاجئه

_ شنو من مفاجئه

_ تعال وشوفهه حباب... والله ازعل اذا مااجيت.. واني من البارحه احضر بيهه

_ ضي.....

_حبااااب لا تردني

_ يلا راح اجي ساعه هيج واني يمج..

_ تمام منتضرتك
_ يلا باي

سديته الموبايل ورحت عله السريع سبحت وبدلت.. وعدلت نفسي ونزلت

_ هله يمه وين تريد هيج كاشخ

_ هاا شلوني.. بشرفكم

_ تخبل ياماما عيني بارد عليك حبيبي..

_ والله ياخويه طالع عريس..

_ هو اني راح اعرس...

_ يمتى ماما اشوفك عريس تعبت واني اكولك خل اعرسك....والله شهد خوش بنيه وتحبك بس لو ترضى اخطبهه الك

_ يمه رجعنه عله هاي السالف.. يلا مع سلامه طالع اني

طلعت اخذت تكسي ورحت للجامعه...
اول مره ادخل الهه اباوع عله الطلاب شكد شكلهم حلو وهمه لابسين الزي وكتبهم بايدهم ..
جنت اتمنى ادخل للجامعه حلم ابوي اكمل دراسه بس ماكدرت احققه.. الدنيا كلهه عكست وياي...
طلعت موبايلي واتصلت عله ضي وصفت الي المكان ورحت الهه.. شفتهه من بعيد كاعده عله ميز.. بس طالعه كلش حلوه متغيره هواي
وصلت وسلمت عليهه اباوع الفرحه بعيونهه

_ خفت ماتجي...

_ اسف خليتج تنتضرين هواي... بس شنو هايي شمسويه المن هذا الكيك

_ كل عام وانت بخير.... ويارب العمر كله

باوعت الهه

_ شنو عيد ميلادي اليوم.. شمدريج؟

_ اي مو سئلتك مره.. وكتلي اني حفضته

_ كعدت عله كرسي وهي هم كعدت كدامي ماكدرت مااباوع عليهه كلتلهه متغير هواي

_ نحو الاحسن لو الاسوء

_ الاحسن طبعا

_ لعد حسبالك مثل من خطفتني بملابس المدرسه ولا مكياج وجهي يلعب النفس. ههههه