#ثار_شهم
# البارت_الثامن
بعدهن ذكرياتك بلحفظ ولصون.....
لاجاسن ندم ولا ضاگن الوسفه.....
(عريان السيد خلف)
شهم
فتحت عيوني واشوف شهد لابسه فستان قصير وشعرهه مفتوح مالابسه حجاب
استغربت منهه كعدت بسرعه باوعت عليهه مخنزر اريد افتهم شتريد جايه بهيج لبس
_ شكووو شهد شعندج جايه هنا وشنو هذا لبسج
_ شهم حرت باي طريقه الفت انتباهك.. انت ابد مجاي تحس بيه
_ ولج شحس تخبلتي انتي.. امششيي روحي لا يجي محمد لو امج امشييي
_ ماما دخلت تسبح ومحمد طلع.. بس خل احجي وياك
_ زين لعد ابقى اني راح اطلع
حجيتهه واني اخذ محفظتي وباكيت الجكاير
_ اوكف وين تروح... حباب بس اسمعني
_ وخررري عني
عفتهه ورجعت للمحل رغم الدنيا حاره جانت بس اتحملهه ولا سالفه شهد مااعرف شنو موقفي لو داخل واحد من اخوتهه... حيل ضجت من تصرفهه هذا
ضليت كاعد وصافن افكر بلصار دك موبايلي باوعت ضي تتصل انرسمت بسمه عله وجهي وفتحت خط مااعرف ليش احس نفسي ارتاح من احجي وياهه... جاوبتهه وضلت تحجي عن فرحتهه بلنتيجه مالتهه واني اشجع بيه وارفع معنوياتهه لان جانت حيل متاذيه من رد فعل احمد وامه وشلون جانو متجاهلين فرحتهه ... بقينه نحجي لمن محمد ضل يتصل عليه ولح باتصالاته كلت الهه راح اسده نحجي بعدين سديته منهه وفتحت خط عله محمد...
_ وينك يمعود صارلي ساعه اتصل كله مشغول يطلع... ويامن جنت تحجي وليش طلعت من البيت ماانتضرتني
_ شبيك وحده وحده... صارت عندي شغله اضطريت اطلع
_ خوش لعد صاير عندك اسرار ومتحجي موو.... هسه تعال للبيت كاعد وحدي امي وشهد راحن لبيتكم
_ يلا جاي
سديته منه ورحت عله بيتهم....
لكيته منتضرني... كعدت يمه جان يكول
_ يلا سولف اسمع
_ شسولف شبيك محمد
_ وضعك ماعاجبني وادري بيك ضام شي عني وماطول ضامه يعني الشغله وراهه سالفه
يلا احجي
سكتت شويه وطلعت جكاره فتحته.وكتله
_ ضي بنت العقيد رائد
_ شبيهه
_ من رجعتهه اخذت رقمهه.. وهي اتصلت عليه.. وهسه يوميه تتصل تسلم وتبقى تحجي شويه وتروح
_ صدك تحجي... هههههه شهم تعرف هاي بتمن...... بنت رائد يعني اخت احمد شنو نسيت
أنت تقرأ
ثار شهم
Romanceقصة حقيقيه لشاب يفقد والده ليواجه مصاعب الحياة بمفرده.. ويتحمل مسؤوليه عائلته... ثم يسعى لاخذ ثاره من قاتل ابيه
