ثار شهم

البارت السابع عشر (الاخيرر)

#ثار_شهم

#البارت_السابع_عشر_والاخيرررر

شهم

مااعرف شنو الصار بيه.. واني اشوف نور فاقده الوعي ركضت الهه اخذتهه من امي وخليت راسهه بحضني وضليت اضرب على خدهه..

_ روح يمه جيب سياره خل ناخذهه.. ولك اختك راح تروح من ادينه كوووم يمه

_ اي راح اروح هاج اخذيهه..
كمت واني اكول لزينب وزهراء.. كافي لا صيحن مابيه شي
طلعت ادور بلشارع بلكوه حصلت تكسي دخلت للبيت كلت الهن لبسنهه حجاب.. لبسنهه بسرعه شلتهه واخذتهه للتكسي ...
وامي اجت وياي اخذناهه للمستشفى

وره نص ساعه تقريبا كالو فاقت.. بس الدكتور طلب فحوصات الهه..
كلت لامي ضلي يمهه راح اكمل كلشي واجي..
طلعت بره وخابرت على ضياء ...

_الوو

_ هاا ضياء.. . اسمع نور بلمستشفى هسه ماتريد تجي تشوفهه

_ تعودنه على هاي السالفه..يمعود يوميه هيج
شنو الجديد.. هم اجي وتضل تعيط وماتريدني

_ بس انت رجلهه لازم تجي..

_ مااجي... ابني وين خليتو. راح اروح اخذه

_ عوفه هسه ابنك يم البنات.. وكتلك تعال

_ اعذرني عندي شغله اريد اروح ال....

بعده ماكمل حجيه سديت الخط..
وضليت اشتغل بلفحوصات ولتحاليل..
لمن طلعت النتائج شافهن الدكتور كال كلشي مابيهه كلشي سليم عدهه.. شرحتله حالتهه

كال حسب النتائج الطبيه كلشي ماعدهه

اخذناهه وطلعنه ولحيره على وجوهنه مانعرف وين ناخذهه وشلون ترجع مثل قبل
وصلنه للبيت.
اول ماسئلت على ابنهه كالت زهراء اجه ضياء واخذه بس سمعت هيج تخبلت

ضلت تبجي وتعيط تريده..
خفت لا ترجع تفقد الوعي.
رحت يمهه وحضنتهه حيل حتى ماتضرب نفسهه وضليت احجي وياهه

_ نور نور اهدئي اسمعيني اسمعيني

_ ابني اخذووو مو كلتلكم يردون ابني.. كلتلكم هاي المره تريد ابني.. هي كالتلي تريده

ضلت تحجي حجي مامفهوم واحنه بس نهدئ بيهه كلتلهه راح اروح اجيبه بس اريدج ماتبجين كوه سكتت. وقتنعت
طلعت. واحس شرار يطلع من عيوني كد ما عصبت.. حلفت اذا اشوف ضياء اله اكتله
رحت لبيتهم. طلعت امه

_ هاا خاله ضياء موجود

_ اي يمه جوه تعال ادخل

_ لا بس صيحي اريده

_ يمه شكوو.. صاير شي

_ روحي خاله صيحي وجيبي ادم اريد اخذه

كاعد احجي وطلع ضياء يتمشى على كيفه ويحجي