ثار شهم

البارت العاشر

#ثار_شهم

#البارت_العاشر

لتعاشر البذات ولماله تالي

مثل اليلم الماي..

يرد جفه خالي......

(لشاعر عريان السيد خلف)

نور..

بعد ما جابني ضياء يم اهلي احس نفسي شويه احسن صرت بقت امي واخواتي يدارني..
مرت خمس اشهر واني يم اهلي بس مااريد ضياء ولا احب احد يجيب اسمه.. مرات يجيني حتى يشوفني اتخبل اضل بس اعيط وابجي اكلهم مااريده مااريد اشوفه ولا اسمع صوته هو من يشوفني هيج يرجع كام من الباب يجيب الاشياء الاحتاجه ويروح...

جنه كاعدين كلنه يم جده دخل شهم سلم وكعد.... امي حجت ويا عليه

_يمه خل ناخذهه للكاضم العصر... البت ماعاجبتني... مدري شبيهه

_ ميخالف اخذكم.... هي هيج بس من تشوف رجلهه لو حتى وياكم

_ لاوالله يمه يمنه شحلاتهه وكلشي مابيهه.. بس هي تشوفه هي تتخبل عليه تضل بس تبجي وتملخ بشعرهه..

_ ليش لعد خاف مسويلهه شي يضربهه وهيج تخاف منه وكارهته..

_ لا مايضربهه... يموت عليهه يجي لهنا عوزه بس يبجي لان ماتريده....

_ والله مااعرف.. هسه الله كريم العصر ناخذهه للامام بلكت تصير زينه

للعصر اخذناهه وزارت وكلشي مابيهه رجعنه للبيت موجوده ام ضياء كامت تسلم عليهه وتبوسهه جان تدفعهه نور

_ وخررري عنييي مااحبكم مااحبكممم

_ نور خويه كولي ياالله.. عيب شنو هذا الحجي

_ مااريدهم تعرفون شنوو مااريدهمم خل تطلع لاتضل هنا طلعوهه طلعووووهه

_ يا خاله شبيج.. اجيت اشوفج يمه شنو الغيرج علينه هيج... شنو السوينا الج

_ عذريهه ام ضياء والله راح تخبلنه هاي البنيه والله مو طبعهه هذا. تعالي زينب اخذي اختج جوه...

_ والله ياام شهم.. البنيه شحلاتهه جانت عدنه ومدلله وضياء يموت عليهه ومامقصر وياهه..
بس ليش هيج صارت ماادري.... اكلج ام شهم يصير مسويلهه عمل

_ يااا ام ضياء منو اليسوي عمل لنور.... وحتى انتو لاعدكم عداوه ولا واحد يدخل الكم

_ والله مااعرف شاكول بس اني كلبي ناغزني من هاي مريم.. مامرتاحه الهه.. تحومي عله ضياء حته هسه نور عدكم وهي يوميه تجي يمي... لا اكدر اطردهه ولا اتحمل يوميه جايه
وبس يدخل الولد تحير شلون تتموع وتسولف ويا.... اني بسرعه اكله روح لغرفتك

_ بس هاي طفله شعرفهه بهاي السوالف

_ طفله شنوو ياام شهم مره بلجامعه.. واني اعرف اهلهه كلهم عدهم هاي السالفه.. و لحجي بيناتنه.. ضياء يكولي يمه من اشوفهه مااعرف شيصير بيه احس نفسي اريدهه تصير عندي رغبه قويه الهه.. اكوله من تشوفهه ضل اقره ايات وتعوذ من الشيطان