ثار شهم

البارت الرابع عشر

#ثار_شهم

#البارت_الرابع_عشر

عيونك ديره مال حجار

ياهو اليشوفهن يعثر....

... ضي.....

جاي احجي وي شهم بلموبايل.. فتحت الباب حوراء اخت احمد.. انصدمت من شفتهه بسرعه نزلت الموبايل وضميته وراي

_ ولج ضي عندج موبايل... المن جاي تخابرين

_ حبابه لا تكولين... ابوس ايدج. خلي عندي

_ جيبي ومااكول. اذا يبقى عندج اكولهم

_ شسوين بي

_ اخابر بي.. شاسوي بي يعني اكسره واذبه
ضي هسه انتي على ذمت رجال.. وراح هسه ياخذونج.. كافي انسي وفتحي صفحه جديده

_ كعدت بلكاع ضليت ابجي
مااريد هذا الزواج... ليش محد حاس بيه..
شنو ذنبي انحرم من دراستي واخذ واحد بكد ابويه...

_ كافي ياعيني.. بعد احمد هذا اشايفه منه انتي.. والله قبل شفت الويل منه من ازوجت ياله خلصت.. بلكت انتي هم تخلصين..
دكومي هسه.. خل اكملج قبل لا يجون

ضلت تعدل بيه وكملتني.. بقيت كاعده ومنتضره.. وهنه يركصن وفرحانات المهم اسمه عرس..

للمغرب كالو اجتي الزفه ولكل تحضر بس اني واحد وعصر كلبي اختنكت كلش حتى الهوى صعب يدخل بصدري...

دخل يحيى واجه وكف يمي بس لزم ايدي جريتهه منه..
شويه واخذني بسيارته رحنه للبيت مالته
جانت امه واخواته هناك استقبلونه شويه ولكل راح.. تمنيت مايمشون مااريد ابقى وحدي ويا
شلون راح اتقبله شلون راح اكدر اتحمل قربه مني.. فزيت من افكاري من سمعت اسمي

_ ضي ضي تسمعيني.. كومي عجبتج الكعده هنا تعالي لغرفتنه خل اشوفج شسويت الج بيهه

كمت كوه ومشيت ويا دخلت للغرفه حسيتهه كبري هذا مو غرفتي..

_ شلونهه؟ .. سويته مال بنيات صغيرونات حتى تعجبج؟ ..
تتعشين؟ .. جايب عشه اني... لو تبدلين تخلصين من هاي البدله شكبرهه؟
جا اني احجي وي روحي شبيج ماتحجين

_ راح اروح للحمام

_ يلا منتضرج حتى نتعشى سوه.. يابعد اهلي وطوايفي..

باوعت اله واني متقززه منه عفته و ركضت على الحمام ذبيت البدله ودخلت جوه المي..
بقت ابجي واضرب بوجهي.. مااتحمل حجايه ويا شلون اذا تقرب مني.. رفعت راسي لفوك واحجي وي ربي.
الهي جاي تشوف الكاعد يصير بيه تقبل بهذا الضلم ربيي خلصني...
والله يتيمه وماشفت راحه بعمري.. ليش مقسوم عليه بس العذاب..

دك الباب يحيى
_ ماخلصتي شنيي صارلج ساعه كل هذا تبديل... وليش قافله الباب هو منو هنا بس اني وياج

_ هسه راح اطلع..

_ بسرعه يلا

كمت بدلت ومسحت دموعي وطلعت..
دخلت للغرفه لكيته محضر العشه..