#ثار_شهم
#البارت_الخامس_عشر
كاروك الوكت بالك تأمن بي.......
اذا مجبور نام عيونك مفتحه.......
__________________
.... شهم.....
واكفين اني واحمد وكلما موجه سلاحه على الثاني...
حسينه واحد جاي علينه.. ماكدرت انزل سلاحي اعرفه هذا يغدر.. بقيت موجه عليه
باوعت شفت محمد جاي.. بس شافه احمد ارتبك لان صرنه ثنين اباوع على ايده كامت ترجف..
عرفته راح يرمي لزمت ايده البيهه سلاح نزلتهه جوه بس ضرب طلقه صارت برجلي وكعت بس بقيت موجه السلاح عليه...
احمد_ والله اليتقرب اضربه...
محمد_ اهدئ احمد خل نتفاهم مو هيج
احمد _ شتتفاهم... وانتو ناوين تكتلوني
شهم _ محمد لا تتقرب خليك بعيد
ضل محمد يحجي ويا وهو ساعه يوجه السلاح عليه ساعه على محمد...
واني مركز عليه مر شريط حياتي كله كدامي من موت ابوي للعوز ولقهر العشته بسببهم.. لمشاكلنه اني ويا..
اخر شي اذكرت ضي وزواجهه ضل صوتهه بخيالي وهي تكول لا تعوفني..
كلت خلاص اجه الوقت الشهم ياخذ ثاره ضغطت على الزناد صوبته بصدره وكع بلكاع..
..
ركض محمد الي
_شهم بيك شي... رجلك خو ماتاذت
_ روووح شوفه مات
_ مات شهم مات... عفيه عليك. هسه عمي يرتاح بكبره. اخذت ثاره وماتركت دمه يروح هدر
_ رجلي موتتني اخذني بسرعه
_ وين اخذك شهم طلقه هاي.. هسه اذا رحنه للمستشفى الف سؤال وجواب..
وهذا شلون نعوفه هنا
_ طبه مرض.. خلي تاكله الجلاب...
_ متاكد ماخليت دليل عليك
_ احجي واني متوجع من رجلي بلكوه تطلع الكلمه
اي متاكد وهذا الخط الجنت اراسله بي كسرته
هو العراق كله صاير فوضى ولكتل على الهويه منو يسال عليه
_يلا كوم خل نروح هسه... اخذك للمستشفى واذا سالو ندبر جذبه الهم
اخذني محمد كوه امشي..
باوعت عليه نضره اخيره احس كلبي ستوه ارتاح...
_يلا شهم الزمني وامشي على كيفك
رحنه على المستشفى وفتحو تحقيق بس كدرنه نسده...
دخلوني للعمليات.. حتى يطلعون الطلقه
فقت من البنج اباوع امي واكفه يم راسي وتبجي.
_ يمه....
_حبيبي يروح امك.. ليش هيج سويت يمه لو صاير بيك شي شلون تروح وحدك لو غادرك هذا همه عليهم امان
_ لا تخافين عليه... المهم اخذت ثاري منهم.. وحركت كلب ابو عليه.. مثل ماحرمني من ابوي وحرك كلبي
أنت تقرأ
ثار شهم
Lãng mạnقصة حقيقيه لشاب يفقد والده ليواجه مصاعب الحياة بمفرده.. ويتحمل مسؤوليه عائلته... ثم يسعى لاخذ ثاره من قاتل ابيه
