ثار شهم

البارت الخامس

#ثار_شهم

#البارت_الخامس

ولعزيز اليبتعد تكثر معزته

ابعد شما تبتعد..... تبقى انت انت

(الشاعر عريان السيد خلف)

شهم

فتحت باب البيت ودخلت سمعت صوت البنيه تصرخ بخوف.. خليت العشه الجبته بلكاع وركضت للغرفه شفت جمال حاضنهه وهي تقاومه وتضرب بي ومرعوبه جانت وحجابهه ماكوو

اني احس راسي راح ينفجر من كد ماعصبت جريته حيل منهه وضربته بوكس بوجهه بسرعه وكع بلكاع مبين شارب هواي حته مايكدر يقاوم . رجعت جريته من شعره ووكفته اخذته سحل للحمام خليت راسه جوه المي اريده يصحى وهو يغلط ويصيح ويدفع نفسه مايريد يغسل واني اجر بي دخلت اصبعي بحلكه حتى يتقيئ وضليت اسويهه حتى بلاعيمه اجيت اجرهن... وهو مستمر بلغلط ولصياح

_ اسكتتت لك كلب هي هاي الامانه الخليناهه عندك حقيررر

_ وخرررر عنيييي... عوووفنييي

حسيت روحه طلعت ذبيته بلكاع وكتله اصحى ونتفاهم... عفته بلحمام ورجعت الهه حتى اشوف شمسوي بيهه

اول مادخلت شفتهه حاضنه نفسهه وتبجي وكل جسمهه يرجف

_ لا تتقرب مني حباب عوفني... عوفوني عوفوني

_ اهدئي ماراح اتقرب بس اهدئي.. بعد ماراح تشوفينه..

_ اريد ارجع لاهلي مااريد هنااا.. رجعوني

_ ميخالف ترجعين...

جاي احجي وياهه بسرعه صرخت اباوع وراي جمال اجه

_ شجابك هنااا اطلععع

جريته وطلعته بره.. احجي ويا وهو بلكوه يطلع الحجايه لسانه ثكيل من الشرب.. بس شويه صحى

_ انت شجابك مووو كلللتووو مااانجي

_ گلبي حس وهمزين اجيت.. شلون هيج تسوي هااا

_ شمسووي اااني

_ ماتدري شسويت

_ لا وووالله...

_ حقك اذا شارب لمن مطفي وين تذكر...
شلون هيج تسوي بلبنيه موكلنه لا تتقرب منهه مو حذرناك

_ والله من زماااان ماشاررررب كلت خل اشرببب اليوووم

_ اسمع جمال صح هذا بيتك وانت صاحب فضل علينه بس بعد مااريدك توصل لهنا وذني الايام النبقى بيهن هنا راح انطيك فلوس يعني مثل الايجار... بس وجهك مااشوفه

_ هو اني عندي شغل ب لناصريه راح اروووح

_ بعد احسن... انطيني نسخة المفتاح العندك
وروح هسه

اخذت المفتاح منه وخليته يروح ورجعت الهه كلت الهه راح.. جبت العشه انطيتهه متقبل تاكل كعدت عله الكرسي كدامهه وخابرت علي