ثار شهم

البارت الرابع

#البارت_الرابع

#ثار_شهم

عمت عين المنايا
وعمت عين الموتت
يتخطى الرعيع و
ياخذ الماجد....
(الشاعر عريان السيد خلف)

شهم

جاوبني واحد يحجي بسرعه ويلهث

_ صار انفجار بلسوك وصاحب هذا الجهاز من ضحايا الانفجاررر... تعااااال بويه........

_ شنووو انفجاررر الوووو الوووو

_ شكو يمه منو ب لنفجار

_ محمد يمه محمد

حجيتهه واني اركض صعدت لغرفتي اغير ملابسي واخذت محفضتي وامي تفتر ورايه

_ وين تروح شهم خاف بعد اكو عبوه وتنفجر

_ يمه هذا محمد تعرفين شنوو محمددد

عفتهه ونزلت طلعت بسرعه اخذت تكسي وكتله للسوك.....

زينب..

بس سمعت شهم كال انفجار ومحمد بي مااعرف شنو صار بيه كعدت بلكاع واني جسمي كله يرجف احاول اسيطر عله نفسي مااكدر اخواتي يبجن بس اني الدمعه خانتني متقبل تنزل احس نفسي مصدومه اجن يمي نور وزهراء...

_ زينب حبيبتي زينب تسمعيني

_ زنوبه شو باوعيلي ولج زينب

اسمع امي تحجي وي شهم وهو يعيط صاير اعصاب شويه واجت للغرفه

_ تعالي يمه شوفي زينب مدري شبيهه

_ شو ماما زينب حبيبتي تسمعيني زنوبه ماما

حضنتني امي لصدرهه بقيت اتمتم بكلمات بصوت ناصي

_ محمد راح..راح. عافني محمد عافني

_ لا ماما والله ماكو شي بس اهدئي.. ابجي شو باوعيلي اذا تكدرين ابجي

_ ولجن محد تكلي شكوو صاير شبيجن تتباجن...

_ماكو شي عمه لا يضل بالج

_ شنو لغير وضعكم شبيهن البنيات يبجن

_ صار انفجار ونبجي عله هاي الناس الراحت

شهم

صعدت بلتكسي وكتله للسوك بلطريق وكال سمعت بلنفجار الهسه صار بسوك المدينه..
_ يعني الانفجار الهسه صار بلمدينه.

_ اي

_ اخذني لعد لهناك

_ شسوي رايح يكولون احتمال اكو ثانيه هسه تنفجر

_ اخذني ابن عمي بانفجار

_ اوصلك قريب عليه تعذرني مااكدر ادخل

_ ميخالف بس امشي سريع عفيه

الطريق كله اخابر عله جهاز محمد مغلق خابرتني امه قلقانه عليه تدري بي رايح للسوك كلت الهه هسه جان يمي بلمحل كلشي مابي شويه ويجيكم
ماردت اقلقهم عليه..