ثار شهم

البارت الثاني عشر

#ثار_شهم

#البارت_الثاني_عشر

الحب يأتي من غير اسباب
لايأتي بمال لا يؤخذ بجمال
ولا يقاس بعمر هو قدر❤️

... شهم.....

نزلت اركض على الدرج اريد بس اوصل واعرف شصار
لكيت نور تضرب ب وجهه وتبجي وام ضياء يمهه تريدهه بس تسكت

_ شكوو شصاير.. شبيهه نور
جاوبتني امي وهي هم تبجي
ضياء يريد يزوج واجتي امه حتى تكول لنور بلكت ترجع اله وهاي تخبلت

درت وجهي باوعت لنور منهاره كلش كلتلهه عله كيفج وي نفسج ياخويه هو البجي ولصياح شيفيد..
_ ولكم اني هجمت بيتي بايدي.. ماجنت ادري بيهه حيه والله جنت معتبرتهه اخت مو بس صديقه.. ولكم طلعت مخليه عينهه عله رجلي..
وهذا الحقير مكيف عليهه ويريد يزوجهه..

_ جا ماترجعين اله.. اذا هيج تحبينه

_ اي يخاله رجعي والله بيتج وغرفتج لاتخلين غيرج ياخذهن.. وضياء بس يشوفج يمه ينسى كلشي.. كولي يالله ورجعي

_ خويه رجعي وي ام ضياء وكعدي وي رجلج وتفاهمي ويا واذا بعده مصر عله الزواج بس خابريني اجي اخذج ودقيقه ماتبقين عله ذمته ..

_ اي ارجع... راح الم ملابسي

رحت حضرت غراضي وزينب وزهراء ساعدني وهنه يصبرن بيه..
طلعنه اني وام ضياء اول ماوصلنه البيت احس واحد وخنكني.. بقيت اقره ايات واصبر نفسي بس مااكدر حتى الهوى احسه اختلف عليه..
فتحت الباب ام ضياء وكالتي دخلي يلحبيبه نورتي بيتج..

فتت لجوه.. طلع ضياء من الغرفه تفاجئ بيه

_ نور.. شجابج

_ اني جبتهه يمه.. مريتك هاي زينة البنات وام ابنك لا تضيعهه من ايدك

باوعلي واحسه مصدوم كال
_ شلونج نور
بلكوه طلعت مني الحجايه وحتى مااكدر اباوع بوجهه

_ زينه

_ اخذ مرتك يمه خل ترتاح بغرفتهه

اجه اخذ مني الجنطه واني فتت للغرفه مااعرف ليش كارهتهه كلبي كام يدك بسرعه واحس نفسي عركت... دخل وسد الباب

_ لي ليش سديتهه.
تقرب عليه وهو يحجي وياي ومثبت نضره بوجهي

_ حبيبتي.. والله مامصدك انتي يمي.. اشتاقيتلج حيل

تقرب راد يحضني دفعت
_لا تتقرب مني ضياء لا تلزمني

_ شبيج ياروح ضياء.. ولج نور نسيتي اني منو اني حبيبج. ليش جاي هيج تسوين وياي

_ انت ماتحبني تريد تتزوج عليه

_ بس رجعيلي والله مااريد وحده غيرج
ولج والله جاي اتعذب وانتي بعيده عني.
.
اخذ ايدي لزمهه.. جسمي كله انتفض واحس كلبي يريد يطلع من مكانه
.
كعدت بلكاع وضليت اصيح بكل صوتي اجت خالتي عله الصوت تركض