ثار شهم

البارت الثالث عشر

#ثار_شهم

#البارت_الثالث_عشر

زفو عشيگي غصب واني على نيتي...

شلون أينام العفن بحضين غاليتي...

.... ضي.....

امشي بلشارع سريع واتلفت خاف احمد يجي ويشوفني. لمن وصلت لبيتهم اريد ادك الباب شفته مفتوح شويه دفعته ودخلت.. لكيت بنيه تطلع بعمري  واكفه بره أتغسل باوعت عليه مستغربه.. حجيت واني كوه اجر النفس

_ شهم. موجود

_منو انتي

_ فدوه بس اريد احجي ويا شويه..

كاعد احجي وطلعت مريه جبيره عرفتهه امه باوعت عليه باستغراب و كالت..
_ هاا عيني تفضلي.. تردين شي

_ اريد احجي وي شهم

_ يااا شهم.. منين تعرفينه

_ فدوه خاله والله ماعندي وكت. اذا هنا صيحي
_ روحي نور ماما.. صيحي خل ينزل...
راحت تصيحه ارتاحيت شويه من عرفته موجود..
_خاله بنت منو انتي ؟ .. وشعندج وي شهم؟
شتردين منه
_ اني اني.....

سكتت ماعرفت شجاوبهه وخجلت منهه بنفس الوقت..
رفعت راسي واني اسمع صوت شهم يكول منو يريدني..
حسيت بنفسي اريد هذا الصوت اني بحاجه اله بس شفته طلع ركضت اله واحس الكلمات تتسابق حتى احجيهن اريد احجي بسرعه اله وافهمه الصار بيه

_ شهم.. الحكني شهممم
_ ضي..... شجابج هناا؟ شبيج؟

_ شهم احمد يريد يزوجني.. واخذ كلشي مني الحكني عفيه والله مااريد ازوج..

_ يزوجج شنووو وعلي اشكه بنص هذا النذل
شاخذ منج؟ والمن يريد يزوجج

_ يمه شهم منو هاي... وانت شعليك بيهه
خليهه ترجع لهلهه مو عدله جيتهه لهنا

_ خاله والله ماخلولي فرصه ثانيه.... شهم شهم انت مو كلت متعوفني عفيه لا تتركني
اموت والله اذا ازوجت يحيى

_ خره منوو هذا...

_ ابن عمي... سوه اتفاقيه وي احمد ينطي المحل حتى ياخذني

_ ايا نذل

_ خاله رجعي هسه لهلج لا يجون وتصير سالفه
_ ماترجع والله ابقي هنا واريد واحد منهم يوصلهه

_ لا انت تخبلت

_ اييييييي تخبلت... رحمه لهلج يمه سكتي خل اعرف شاصرف

ضل شهم يعيط وامه ماقابله بلصار طلعن اخواته كلهن يباوعن... حسيت السويته غلط
بس ماعندي طريقه غير هاي اشوف شهم بيهه
كلت خل احجي ويا حتى اروح..

_ شهم اني راح ارجع هسه

_ مترجعين.. تبقين هنا

_ ولك يمه ضلتهه هنا شنووو.. انت بصفتك شنووو تخليهه يمك.