ثار شهم

البارت الثاني

#البارت_الثاني

#ثار_شهم

يكاسر ضهري جن كسرة جناح الطير.....
مذلول بدونك رد اليه بساع....
حركة گلبي ماطفيها عشر بحور....
انزف دم عليك وانت جوه الكاع....

شهم

جنت كاعد يم جدتي.. وواحد يواسي الثاني بدمعته احس نفسي ضايع ماكو بعد طعم للحياة شلون راح اكملهه شلون اتحمل مسؤوليه عائله كامله وحدي.. قررت اقوي روحي واصبر وخليت هدف ابالي انو اخذ بثار ابوي مااعوف دمه يروح هيج.. بس لازم انتضر الوقت المناسب مااستعجل حتى مااسوي شي تضرر عائلتي بسببه..

واني شارد بافكاري سمعت وحده تسلم عليه باوعت الهه شهد بنت عمي عدلت كعدتي ورديت السلام..

_شلونك شهم

_ شلوني بعد.. زين

_ انشاءالله خاتمة الاحزان

_ ان شاء الله...
_ تتريك؟ اسويلك ريوك

_ لا... يلا جده اني لازم اطلع خاف ناس تجي

حجيتهه واني اطلع من الغرفه

_ لا ضوجين يمه شهد شهم معدل و موتت ابو كسرته

_ادري جده والله كلبي يتكطع من اشوفه هيج
.. الله لا ينطي الجان السبب

_ اي والله الله لاينطي ولا يهني بحياته حرمني من وليدي...

_كافي لا تبجين ونامي شويه موزين عليج االليل كله كاعده انتي.. راح اروح اني اساعد البنات....

رحت للمطبخ لكيتهن جاي يحضرن بلريوك للناس الموجودين... بس كل وحده حالهه أصعب من الثانيه غير عمه ام شهم متخربطه متكدر حته تحجي...

_ بنات تردون اسوي شي وياجن

_ عفيه بس طلعي الخبز

جاي نحجي ودخل محمد اخويه... سلم علينه ويباوع عله زينب رحت اخذت منهه حته تروح اله

_ شلونج يكلبي البارحه ماكدرت اسلم عليج.. الله عليج لا تاذين نفسج هيج

_ماتحملت بسرعه بجيت... محمد بابا راح مات وعافنه

_ البركه بشهم وانتو لازم تقوون نفسكم مايصير هيج.. وامج خطيه تشوفكم تتاذه اكثر

_ الله كريم.. بس عفيه ابقى وي شهم لا تتركه انت تدري شكد هو متعلق بابويه..

_ طبعا مااعوفه... يلا لازم اني اروح مااوصيج بعد ديري بالج عله نفسج

_ ميخالف

جان مدنك عليه ويحجي بصوت ناصي.. بعدين رفع نفسه وكال مع سلامه اي شي تحتاجونه دزو اي واحد احنه بره واكفين

شهم

خلصت ايام الفاتحه جانت من اصعب الايام المرت علينه بيت خالي من ابونه الي جان شمعة هذا البيت جان مالي علينه  بضحكته وسوالفه... هسه صفى هدوء بس الحزن مخيم عليه..
امي ماتحملت الموقف ولا تكدر تستوعب الصار.. فقدت صحتهه عكس جدتي صح تأذت بموته بس احسهه قويه وتصبر نفسهه انو هو راح يم الحسين (ع). وكلما تشوفني تكولي لاتعوف دم ابوك...
اما اخواتي اباوع عليهن مكسورات قررت اصير الهن الابو والاخ ولسند ومااخليهن بحاجة شي..