ثار شهم

البارت السادس

#البارت_السادس

#ثار_شهم

اضمهن ب لكلب بس عيني تحجيهن

اليلجمني العصر بليل اغنيهن.....

نور..

بقيت افتر بلصاله وافرك بأيدي من القلق ولخوف.. واندعي ربي تعدي عله خير ومايشوفه..

طلعت ماما من المطبخ شافتني

_ شبيج ماما نور اكو شي.

_ هاا لا ماكوو شي

_ تعلميني بيج وجهج لونه مخطوف احجي شصايره لا تخوفيني

ترددت اكولهه لو لا بعدين كلت خل تعرف حته تساعدني اذا عرف شهم ..

_ ماما.. اكلج بس عفيه لا تعصبين وساعديني

_ اساعدج بشنو وليش اعصب احجي

_ تذكرين مره زهراء كالتلج عله ولد جان يوكف براس الشارع

_ مااذكر المهم شبي

_ ماما مووو هذاا.. الولد هذاا

_ نور لا تخبليني كلشي مافتهمت احجي عدل

_ هذا الولد احبه وهو هم والله يحبني وشترالي موبايل حته نحجي..

_ عزااا بعيني كون ان شاء الله حب شنو ولج موبايل شنوو يعني تلتقون

_ صوتج ماما... عفيه المشكله مو هنا

_ لعد وين المشكله

_ نسيت الموبايل عله شباك الحمام وخاف شهم يشوفه

ضلت تضرب بوجهه وساعه تضربني

_ سوده بوجهج كون.. ولج احنه وين وسوالف العشگ وين شكول لاخوج لو شافه هااا ولج

جاي نحجي ودك موبايل شهم اخذته ماما وراحت اله بسرعه انطته..

_ الووو

_ الوووو.. منو انت وشرايدددد منييي.

_ يا اهلا وسهلا.. هله بهذا الصوت

_ اسمع لك حيووان والله اذا لمست شعره من بنتي ماتلوم اله نفسك والله احرك الدنيا فوك راسك

_ دقيقه وارجع اتصل مااكدر اتفاهم وياك هنا خوشش

سديته منه وبدلت عله السريع وطلعت

_شبيك ماما ليش هيج تركض

_ ماكو شي ماكو شي لا تنتضروني احتمال مااجي

عفتهم وطلعت مستعجل حته احجي ويا بره
وانتضرته يخابر

نور..

بس طلع شهم ارتاحيت شويه بس ماما رجعت عليه وضلت تغلط وتضرب اجن اخواتي

_ ولجن تعرفن بيهه وساكتات... اني اوديجن للمدرسه حته تدرسن لو تدورن سوالف حب وعشك... ولج شلون تلتقين وياا شلون تحجين هيج صلفه وماتخافين ماخفتي عله سمعتج واحد يشوفج