"نور"
كانت الساعة ماشة على 3 لحظة ضرب لي ظافر .. طلب مني أفتح الواتس عشان اشوف صور الديكورات الرسله لي للمحل .. اتفاجئت لمن قال إن ده نماذج سابقة لشغلهُ ..شُغلهُ كان مُدقن بإحترافية عالمية ! إخترت شكل و رسلتهُ لي ..
ظافر : زوق بنات كندا ، سمبل في اي شي♡
= بنات السودان*
ظافر : انت ليك كم عايشة في كندا ؟
= فترة طويلة
_ قبل سبعة سنوات كدة ، كنت في أرمنتون تحديدًا اشتغلت فترة هناك .. غريبة انهُ نكون في ذات المكان و نتلاقى في مكان مختلف تمامًا ، صح !!
= يمكن اتلاقينا و حسب ما بنعرف بعض ما ركزنا !
_ لا مستحيل
= وليه مستحيل ؟
_ عشان انا لو شفت الوش ده استحالة انساه !♡
= اوووو ، شكلك حناك !
_ بقولوا عني نسونجي
= بقولوا ولا انت فعلاً كدة ؟
_ لا انا ما كدة
= والله !
_ انا بحب النسوان بس دي كل القصة ♡♡
= ظلموك الصراحة
_ شديد 😂 ، يلا لبكرة ..
نور كانت بتعاين للدرشة
قالت لي : شكلو نصيبك كلو نسونجية ..
ضحكت عليها : سميتيهُ نصيبي خلاص !!
= والله المعطيات القدامي بتقول كدة !
_ طب بس بس عشان ما فاضية ليك وراي شغل ..
قومتَ من السرير مشيت إتجاه الدولاب ، طلعتَ فستان نمري و طقمتو بطرحة و شبشب اسود و شنطة بيجية ..ركبتَ ترحال و مشيت نادي نسائي ، سجلت اشتراك بالنادي و انا طالعة صادفت بت بتبكي قاعدة في زاوية في الارض لابسة لبس رياضي ، حاولت اتجاوزها بس كانت بتبكي بصوت غلبني أتجاوزو ..ملامحه ما بتطمن و على ما يبدو حاصلة معاها مشكلة كبيرة .. قعدت على رجولي و قربت منها : إنتِ كويسة ؟
هزت راسها لا و كملت بكا ..
= ممكن تحكي لي مشكلتك لو حابة يمك...
قاطعتني : اتخيلي الكلاب رفضوني ! انا مستوفية كل الشروط للشغل جات واحدة بت ك*لب ما عندها اي مقومات للشغل بس عشان هي مشهورة رفضوني و قبلوها هي ! انا التعبتَ عشان احصل على الوظيفة انا القريت و ساهرت و نجحتَ ..انا التعبت و شقيت ما هي .. هي ما عملت شي غير انها كانت مجرد واحدة سمحة استغلت جمالها الما تعبت فيهُ عشان تكون مشهورة .. ما مجالها حتى ما تستاهلوا انا الاستاهل
ربت على كتفها : لخير بكرة يتسهل ليك شغل احسن
هزت راسها : لا مافي شغل احسن ، انا خلاص انتهيت حياتي انتهت .. " شدة شعرها و كملت بكاء "
