كنت واقفة تحت شتاء قاوي وزيد لابسة ميني بزاف مش قادرة نحكم كونكسيو قاع بديت نمشي باش نحكم كونكسيو في طريق ونعيط بابا يجي يديني نجي نمشي في طريق فجأة تجي سيارة بأقصى سرعتها جيهتي حبست عند رجلي من خلعة قريب بولت على روحي رجليا بداو يرجفو كي حبست طحت في لارض من كثرة خوف هبطو زوج رجال من طاكسي لول سقساني كي راني وتاني مدهاش قاع فيا حلوف قعد يخزر في طاكسي دياله
جواد: اختي صفا هاتي يدك نعاونك تنوضي عطيته يدي نوضني
عمران: يلا جواد نروحو
انا: والله يا خو كانك ضربتني كانك مش شايف عمران: تباني لباس بيك حمدلله اختاه
جواد: هيا نوصلوك معانا بلاك هك تدي حقك خزرله عمران بقلقة
انا كي شفته خزر ديك خزرة قلت واه خو وصلوني اصلا محكمتش كونكسيو لهن
جواد: تفضلي اختي
عمران: استغفر الله يلا ربي يفوت هذا يوم على خير
طلعت انا قلت في قلبي واشبيه يستغفر شاف جن ول اخخخ تفوو طلعو هوما ركبو قدام قعد يسوق
انا: اسمي اسيل ولقيت يدي سلمت عليه
جواد: انا اسمي جواد
لقيت يدي لوخر لي كان معاه دارلي جواد
جواد: هو سلفي
انا: اهااا انا اسمي اسيل ونتا مردش عليا حلوف
جواد: اسمه عمران
انا: ملقاوش دراهم واش يسموه ول ضحكنا انا وجواد هو خزر لجواد بقلقة جواد سكت وعدل روحو طلقنا قرآن كل مانجو نهدرو يقول اذا( قرأ القرآن انصتو) حسيتو يرقي علينا مهم طريق كل وانا رح نهبل منه سكت وخلاص
😍مهم نعرفكم بيا انا اسيل عمري 21 سنة منحرفة متهورة متمردة مدللة بابا طبعا عندي لطاي يموتو عليه رجال ديما يلحقو فيا هذا لي خلا عندي غرور كل مايبعثلي واحد نرفض لاني اغتريت بروحي مهم من صفاتي ندير غير رايي نخرج كيما نحب ندخل كيما نحب حتى جاء هذا لي غيرلي حياتي وقلبها فوقاني تحتاني عمران عندو لحية طويل عمرو 28 سنة سلفي عائلتو قاع سلفية وانا دخلت لهذي عائلة تخيلو ***
وصلت واخيرا لدار
انا: شكرا
جواد: عفو يا زينة
عمران: استغفر الله
كي جيت ماشية قدامه بديك ميني هبط راسه قاع ماشافش فيا
انا: بفففف
تابعوني باش تعرفو واش صرا بالتفصييل
نحبكم عسولات🍯😘
