حلقة2#
دخلت لدار
فتحت فيسبوكي
لقيت ميساج من واحد صديقي قتله دبرلي خدمة في فرنسا
باسكو حابة نخرج ونعيش حياتي مالغري مش ناقصني والو مي حبيت نزيد غروري بفرانسا منعرف علاه
مهم لقيتو كاتبلي
انس: اسمعي اني لقيتلك خدمة في واحد شركة تعجبك قالك نبغو وحدة تتقن عربية وانجليزية وفرونسي ونتي عندك مؤهلات ارواحي باش نشوفوك
نضت نعيط من فرحة
ماما جات تجري من خوف
ماما: واش صرالك بنتي
انا: ماما قبلوني في خدمة في فرانسا قبلوني
ماما: ياااي بنتي بصح سقسيتي باباك
انا: واه راح نقولو كي نتعشى باش يفرح خليتهالو مفاجاة
راحو يتعشاو قعدت
بابا: وش تباني منورة يوم فرحانة
انا: بابا راني حنقلك خبر هايل ورح تفرحلي عليه
بابا:وش بنتي فرحتيني قبل مانعرف خبر
انا: عطاوني خدمة ومش اي خدمة خدمة في فرانسا
بابا حسيته تشوكا كي سمع خبر منعرف علاه
وناض من طابلة
وقالي وهو قالق مكانش خدمة برا دزاير
وعيطت سمعتي
انا تهزيت وتحطيت من عياط دياله
رفدت روحي وخرجت برا مقلقة مافهمتش اول مرة ميقبليش حاجة غاضتني عمري وزيد فرصة ماتعوضش والله غير بكيت بزاف
وبقيت نمشي
دقول مراءة ميتلها راجلها
نسمع في طاكسي تصوني من ورايا
طبعا انا مديتهاش قاع في لي يصوني
باعد حبس بحدايا
جواد: وش مالك مش تقيمي
انا: هذا نتا حسبت من عباد لي يتبعو سامطين
جواد: لا اطلعي تشو
طلعت
جواد: مالك متبانيش صافا
انا :تعاركت انا وعايلة
جواد: علاه
انا: مايحترموش الابداع
بدا يهدر فيا وانا مش مركزة قاع مع طريق
بعد بزاف على مدينة
قاعدة نهدر
حتى نحس بلي دنيا ظلامت ومكانش ضوء غير ضوء طاكسي تاعه
انا: وين رانا
جواد: متخافيش درك نحلك قلقة قاع
متت بخوف انا
هبط من طاكسي
وانا زربت نهبط
نلقاه عند راسي
جواد: وين رايحة ماتروحيش بلا مانفروها ليلة
متت بخوف دنيا ظلمة وحتى واحد قلت خلاص ليلة خلات عليا
قالي متخافيش نديروها ونوصلك لدار
حكمت في بكيتي معرف كيفاه
انا: انا قابلة نورمال بصح منديروهاش لهن
اشرت بصبعي ملهيه
خزر هو
وانا نطلق ريح لرجليا
طايرة بجري
هو يجري ورايا ويسب
حسيته خابط قرعة
جابلي ربي سمين
نجري حتى
نشوفي في طاكسي جاية جيهتنا
بقيت نشاور على اساس يقوفلي
حبس عندي
هبط من طاكسي نلقاه سلفي هداك صاحبه من زهري مسود
وليت نبكي بدموع
انا: يا ماما واش درتي فيا علاه زهري مقود هك
عمران: اختي فوتي لطاكسي
راح هو لصاحبه يهدر معاه
ماشفتش حتى واش راح يدير
رحت نجري
مهم نفلت
وصلت لبلاصة عالية
قلت اذا لحقوني نرمي روحي وصايي
يتبع
ارائكن🍯😘
