عمران حكم جواد
عمران: يا كلب يا مرخس باغي تغتصب طفلة انا شفتك تخزر فيها عرفتك مش ناوي على خير
وضربه
جواد: لا مكنتش رح نغتصبها فقط نهدرو
عمران: اه علاه كانت تجري ولا من كثرة فرحة بهدرتك ناضت تجري
جواد سكت
عمران: اسمع ترفد طاكسيتك وتقلع ولا نردمك لهن في لارض
راح هو يمشي ملقهاش في طاكسي وين راحت هذي مهبولة
***
انا قعدت نسنى فيهم يفوتو بطاكسي ديالهم شفت جواد فات
بقا هداك لي ديما يستغفر لحقني نشوفه جاي جيهتي
انا: حبس والله نلوح روحي فاااهم
عمران: اختي انا مش جاي نديرلك والو
انا: كذاااب نتا كذاب باغي ديرلي كيما صاحبك خامج هذاك
عمران: اختي استهدي برحمان والله مارح نمسك بسوء يشهد عليا ربي واذا تحبي حتى نشهد معاك في محكمة اذا رفعتي قضية نتي معاك حق وانا مع حق ديما
مش عارفة علاه حسيت بالامان من هدرتو
انا: اوعدني
عمران: وعد
انا جيت ماشية ويتكسر كعب ديال طالون تاعي ونزلق
بقيت معلقة في هواء
حاكمة غير في طرف
جاء يجري
ومدلي يده
عطيتله يدي وتعلقت في رقبتو
جبدني
طاحت عيني في عينه
صراحة حسيت قلبي دق ليه اول مرة واحد يخاطر على جالي لانه كان قادر يزلق هو تاني
خلاني نحس انه هو بطل ديالي
هو رفعني وديراكت بعد عليا وبدا يستغفر
انا بقيت نخزر فيه مع انه مش وضع ننحسدو عليه بصح كان اروع موقف طحت فيه في حياتي
انا: علاه تستغفر ياك مكانش جن ولا تستغفر لانك مسيتني ههه وش كان شعورك عجبك
عمران: استغفر الله ربي يهدي ما خلق
اشارلي بيده لطاكسي انا بلعاني درت روحي مافهمتش باش يهدر معايا
قالي اختاه طاكسي
انا: اسمي اسيل مش اختاه
رحت طلعت هو لاحلي غطاء
وقالي استري روحك
انا: علاه شايفني عريانة اوووف
عمران: كون جيتي ساترة روحك كون مقربلكش
انا: هذي حريتي شخصية
قعد يسوق انا قاعدة غير نثرثر باش يهدر مبغاش يقيمني حلوف
انا: طريق مش رح تتبدل اذا هدرت كلمة اووووف
كي عدنا قريب نوصلو لعبتها رقدت باش يرفدني كيما افلام
عمران حبس طاكسي
بقى يسنى نهبط
باعد قالي يا اختاه
وانا لاعبتها راقدة دقول ميتة
خزر فيا ثاني
راح فتح لامال
وسكرو
وطلع
كب عليا قرعة كاملة ديال ماء
عمران: اختاه نوضي
انا : حماااار تفووووه على جد رومانسية تاعك يخي سلفي
وهبطت وانا مشمخة في داك برد
دخلت لدار وانا ميتة بالبرد ونرجف
ماما: مالك بنتي وين كنتي انا وباباك تحيرنا عليك
انا: والو
دخلت لاعبتها غضبانة منهم
جاء بابا ليا
طبطب باب
بابا: بنتي
انا: واش
دخل ليا
قعد بحدايا مس شعري
بابا: متزعفيش مني راني خايف عليك بزاف تروحي وتبعدي علينا وحنا معندناش غيرك
انا: بصح يابابا انا حابة نعيش حياتي كون جاتك نتا هدي فرصة تضيعها
بابا: منضيعهاش بصح اذا تعارضت مع لي نحبهم يعني نفارقهم لازم نرفضها اكيد
هو يهدر وانا نفكر في عمران اي صح معاه حق بابا اذا رحت مش رح نتزوج عمران امم منطق
قلت لبابا محسبتكش ذكي هك يابابا نحبك
وحضنتو
هو كي حس بلي رضاني خلاني نرقد
محكيتش لماما ديك قصة باش ماتخافش بصح قلت غدوة صباح نروح نرفع شكوى
***
جواد: والله ياخويا دارولي حاجة في ماء مستحيل نحاول نغتصبها صدقني والله قلت نتوب صدقني ياخويا اذا مكنتش حاب نتوب مستحيل نجي لعندك باش تعاوني
عمران: اوووف طفلة ناوية ترفع عليك قضية ومعاها حق
انا وعدتها نشهد معاها
جواد طاحتلو دمعة لانه صح ناوي يتوب: ياخويا ميمتي عندها غير انا خويا تعيش عاوني
عمران:انا مستحيل نشهد شهادة زور رح نشوف كيفاه نهدر مع ديك طفلة بلاك ماترفعش قضية
جواد: ربي يخليك لينا خويا لعزيز
يتبع
ارائكم تهمني 🍯😘
