ام عمران: ربي يبارك والله غير طفلة تهبل
عمران يسوق في طاكسي ويسمع فيهم
ويخمم كيفاه صرات هذي
خالة عمران: ربي يبارك صح تهبل ديك طفلة ربي يكملك بني عمران
عمران: امين خالتي
عمران مشوكي كيفاه وحدة منحرفة تعجبكهم قد هك خاصة امه
***
فتحت تليفوني
وديت رقمو
وعيطتلو
هو رفد عليا وهو في طاكسي
ومداير مكبر
انا: الو حبي
ديراكت كوبا في وجهي
حلوف
ايا عاودتله
بقا يكوبي
عليا وانا دقول لصقة هو يكوبي وانا نعاود وجه بارد
لا كرامة لاهم يحزنون
عيطتله
عمران: اختاه واش تحوسي
انا: مانيش اختاه درك راني خطيبتاه
عمران: ربي يصبرني
انا: انا تاني ربي يصبرني عليك
عمران: حنقطع اتصال
انا: وعلاه ماكش متوحشني
عمران: استغفر الله حنقطع
وكوبا عليا
انا: حلووووف نموت ونعرف كيفاه رح تفوت دخلة تاعنا ونتا تهدرلي هك واستغفر الله
ندفع نص عمري وتنحرف معايا شوي
قالك اختاه
رقدت لاني كنت تعبانة من تمثيل لي درتو في خطبة يوم
***
عمران وصل خالتو
وراح شاف بنت خالتو اية
اية: مبروك عليك خطبة ابن خالتي
عمران بقا ساكت
اية: مالك
عمران: والو
اية: حمدلله لي لقيت بنت مناسبة ليك
عمران: كنت ناويك نتي
اية: عمران اك عارف منقدروش نتزوجو رانا كي خاوة مش انا اختك
عمران: نعم
اية: ربي يتمملك على خير
عمران: امين
هو رجع لداره
****
غدوة صباح
نضت
جاتني ماما تجري
انا: واش ماما خلعتني
ماما: جاتك رسالة من خطيبك
خطفتها من يدها بسرعة
وتحضنتها
ماما: مرة جاية قليله كاينة حاجة متطورة اسمها فيسبوك
انا: لا حراااام
كل مافيه اختلاط حرام
ماما: ايا متلعبيهاش شمس دين لهن لنضربك نبدلك وجه
انا: هههه صايي ماما
فتحت ورقة
الى خطيبتي
انا: خماج ميعرفش اسمي
ماما: شكون قالك
انا: كتب الى خطيبتي مكتبش الى خطيبتي اسيل
ماما: الله على دقة ملاحظة
انا: خلاص اسكتي خليني نكمل نقرا
... نتمنى تكوني بخير وضعت لكي بعض قواعد لسلفية اعلم انك لاتعرفيها ويجب عليكي تطبيقها
انا: هيوااااه بدأ لعب يخشان
.... جلباب واجب شرعي يمنع منعا باتا خروج بدونه
انا: صار متخافش حتى بيني وبينك نلبسه
اياكي وخروج بدون علمي
انا: هيه معليش حتى توالات كي نجي ماشية نقلك
نحن نحرم كلام مع رجال في اي موضوع استعملي اشارة ان كنتي تريدين شيئا
انا: حبيبي من يوم بابا منعودش نهدر معاه
يتبع . . .
ارائكم تهمني☺️❤️
