راح هو لدار خالتو
شفاتو اية من بعيد
عمران: سلام خالتي هذا بعتتهولك يما من حوايج عرس نسيتوهم
خالتو: ربي يحفظك بني
خزر هو هك باش يشوف اية
من باعد استغفر في قلبو
خالتو: ادخل تتعشى عندنا
عمران: معليش خالتي نشوفك باعد
خالتو: والله غير تدخل ولا مرتك نساتك في ماكلة خالتك
ضحك هو كي تفكر ملح ديال صباح
عمران: لانك حلفتي برك
خالتو:اقعد في صالون دروك
نجي
دخل هو وقعد
خالتو: روحي اية حطي لابن عمك لماء
اية رفدت ماء وراحتلو
حطاتو في طابلة
مخزرش شكون
اية: مبروك عليك زواج ربي يرزقك ذرية صالحة
رفع راسو ديراكت
خزر في عينيه
وباعد هبط راسو
عمران: يبارك فيك
مبغاش يقلها لعقوبة ليك
لانه كان باغيها ليه
فهماتو وراحت
قعد يتعشى معاهم
ويقصر مع خالتو
خزر هو ساعة لقاها ثمنية
جاء لسع رح ينوض
جاء بن خالو
زاد قعد معاه
يقصرو
***
انا رحت ليماه
وسقسيتها واش ماكلة لي يحبها عمران
قالتلي عليها
بديت نطيب
ونشوف في يوتيوب
ونقيس بحذر
ويماه تنصح فيا
مهم بغيت نطيبله وتبقى في ذاكرته نعرف نطيب ونفاجؤه
مهم طيبتها
وبقيت نسنى
دقت 20 عيطتله تليفونه مسكر
انا: وين راح هذا
يماه: متخافيش غادي يجي مالف يطول في جامع وهو يقرا قرأن
انا: ان شاء الله
يماه: كولي
انا: عادي نسناه مكانش مشكل
بقيت نسنى فيه
زادت دقت 21 ماكان حتى خبر عليه
عيطتلو تاني
تليفون: ان رقم الرقم الذي طلبتموه حاليا مغلق او خارج نطاق تغطية يمكنك محاولة لاحقا
انا: اوووووف وينه هذا قلقت
مع 22:30
دخل لدار
انا: واخير خفت عليك
عمران: طولت كنت نقصر
انا: اكيد جيعان
عمران: لا حمدلله كليت عند خالتي
انا: اهااه خالتك
عمران: واه
كليتي نتي
انا: واه كليت
ورحت لشمبرا
قلقت حسيت دم طلعلي
راح هو ليماه يطمن عليها لقاها تصلي نوافل
عمران: ربي يقبل
يماه: منا ومنك صالح الاعمال
تاني قعد يقصر معاها
حتى 12
يماه: تعشيت بني
عمران: كليت عند خالتي
يماه: اوووه كون قلت لمسكينة مرتك ماطيبش من صباح من وراء ديك ماكلة
طيبلك فيها وتتحفلك فيها
عمران: ماقلتليش
يماه: قالت بغيت نبهرو مكلاتش قعدت تسنى فيك
عمران: لا حول ولا قوة الا بالله
يماه: مالك بني
عمران: والو يما انا رايح ارقدي
وسلم على راسها
وجاني
لقاني راقدة
شافني
لقى كحل طاحلي
عرف كنت نبكي
خزر فيا باعد قعد شوي ونوضني
يتبع . . . 💥
ارائكم . . . ❤️
