نضت صباح
انا في بالي صايي يوم نحكي ماما ونزود فيها باش يديرو شكوى باش نتلاقا مع حب قلبي
مهم رحت ماما
انا: صباح نور مامي حبوبتي
ماما: صباح خير بنتي
انا: علبالك ماما علاه بارح طولت
ماما: علاش
انا: حب واحد يغتصبني
ماما بدات تعيط : كيفاه وراكي لباس امشي لطبيب يوم نجرجرو رخيس في محاكم كلب
قلت في قلبي يا كان هذا اسهل مما توقعت
انا: واه ماما بنتك انا تخليهم يهينوني هك
ماما: غادي تشوفي واش نديرله كلب مرخس
لبست قشي
وقالتلي ماما الحقيني
رحت نجري
فتحت باش نخرجو
ندخل في عبد
انا: اوووو مالك علاه واقف عند باب
بعد عليا
خزر ليه
لقيتو عمران
عمران: اسمحولي جيت بلا اذن اسمحيلي اختاه اسمحيلي اماه
انا: حبس من تقول اماه واختاه وعماه درك نسمحولك
عمران: اختاه ناوي تحدث معاك
ماما خبرتني في وذني :ماله يهدر هك
انا: هذي اول مرة يهدر مع بنت خارج عائلته اعذريه
ماما: نخليك اهدري معاه
انا: واه عمري واش تبغي
قصدي عمران واش
عمران: بغيت نتكلم معاك في موضوع هداك شخص لي حاول يعتدى عليك
انا بديت نحس بانوثتي بقرب منو مع انه قاع مش يخزر فيا
نقرب منه وهو يبعد
انا بصوت حنين: واه شاتبغي
عمران: باغي متشكيش عليه نوعدك انه يبعد عليك
انا قربتله كثر
انا: واش مقابل من هذا
عمران: لكي ماتريدين
انا: نبغيك نتا
بعد عليا بصدمة
انا: مالك كل شي في لحلال
عمران: مافهمتش
انا: بعربي فصيح تزوجني نح شكوى شرايك
بعد عليا
ومشى جيهة باب لكبير
حسيت حلمي تحطم
عمران: خبري داركم اني جاي نخطب غدوة
مت بفرحة وعدت نقفز وفرحانة
راح هو
دخلت لدار رجليا مش هازيني من فرحة
ماما: هيا يابنتي نروحو نشكو
انا: ماما واش من شكوى كنت نتمسخر بيك
ماما: تمسخير هذا حلعتني عليك
انا: ماما غدوة جايني خطاب رح نموت بفرحة
ماما: شكون خطاب هذا
انا: هذا لي كان لهن ماشفتيهش
ماما: بو لحية هذاك
انا: هههه سلفي
ماما: من نيتك
انا: مالهم سلافية احسن لعباد ديجا نتي كي تزوجتي بابا انا قتلك لا ماحقكش تعترضي حابة نتوب ياسيدي حابتني نبقى كافرة
ماما: صايي بنتي ديري رايك ومتصدعيش رايي
انا: زغرتيلي يلا
ماما: يويويويييييي
دخلت لشمبرتي
نزغرت ونشطح
انا: ليلا عرسي ليلا عرسي وباش نتصدر في كرسي
***
عمران: خويا تحلت المشكلة معادش تدخل في ديك طفلة او اي طفلة لانه دفعت ثمن حريتك غالي نتمنى تقدر هذا شي
جواد: شكرا خويا
راح عمران لدارو
عمران: امي (سلافية يقولو امي على حد علمي)
يماه: وش بني
عمران: رح نتزوج ونكمل نصف ديني
يماه: ياك كنت ناوي تخطب بنت خالتك
عمران: ربي يكتبلها الخير حبيتها في الله لكن مكتبتش
يماه: شكون لي ناوي تخطبها
عمران: غدوة تعرفيها وجدي رواحكم
يماه: غدوة!!
عمران: عطيت كلمة
يماه: ربي يحفظك بني اذا مجبور لا
عمران: لا
دخل لشمبرتو
وهو يفكر في ردة فعل بنت خالتو اية لانه كان يحبها وناوي يتزوجها
يتبع
ارائكم 🍯🥰
