دخل قربلي بشوي
معرف علاه مقدرتش نخزر
فيه بلاك مفعول حشمة بدا يخدم مهم كل مايقرب نحس نفسي راحت
ايا قربلي حط يدو على كتفي
وسلم على جبيني
حسيت روحي عدت نصدر في حرارة
عمران: منعرف كيفاه نعيطلك رح نعيطلك باسمك
انا:واه احسن من اختاه
عمران: اسيل رجاء تفهمني انا...
انا: واش تاني ماتقوليش رح ترقد في هذي جيهة عجبتني انا
عمران:لا
انا: ماتقوليش راك رح طلقني بعد ستة اشهر كيما يديرو مسلسلات هندية
عمران: لا خليني نهدر
انا: رح تقلي منقدرش نمسك
عمران: اااااا جبتيها هداك هو
انا: وعلاه
عمران: ظروف
انا قلت في قلبي ظروف تقولها مراءة كي تجيها شهرية
انا: تقلي علاه لنخرج درك من شمبرا
عمران: نحب وحدة بنت خالتي نحب نكون وفي لها
انا: اهاا
مقدرتش نحكم في اعصابي حسيت دنيا ظلامت بديت نرجف من قلقة
نضت وانا مقلقة دم طلعلي
دخلت لدوش بكيت بكيت
باعد
خرجت كركرت فاليزتي لدوش
جبدت شورت ديالي
لبستو
وبست تريكو
وخرجت ونمشي ونتغنج
درت فيه باطل
هو خزر معايا وهبط ديراكت راسه
عمران: من احسن تلبسي شي مستور
انا: علاه خايف تغلط
عمران:استغفر الله واتوب اليه انا: نحب نلبس هك سخانة
عمران:رانا في شتاء مستور افضل
حقدت عليه بغيت يمسني ديك ليلة رحت
قربتله انا نتبع فيه بعينيا وهو يدور في راسو
باعد بعدني عليه
عمران: نتي مريضة
انا: ببببف عندي حق عليك
عمران: هذا ماتعلمتي من دين
قصفني حلوف مقدرتش نرد
ايا تغطيت بصح ضربني وحد لهبال ديك ليلة متصوروش كيفاه خليتو يرقد
ونضت نعيط
انا: ااااااااي ماماااااا ايييي ماما
ناض هو ميت بخلعة
عمران : مالك
انا: باش يصدقو رانا درنا حاجة
خزر فيا قريب ضربني
انا بقيت نعيط
هو حكملي فمي
عمران: اسكتتتتي اسكتي
درت روحي سكت
طلقني
رجعت نعيط
بخصتو ديك ليلة
بقينا نتعاركو ليل كل
عمران: ارقدي
انا: علاه خايف نديرلك حاجة نورمالمو انا نخاف
عمران: ياربي صبرني
مهم مش عارفة كيفاه غفات عيني
نضت على 3
دنيا قاع ظلمة
نشوف في حاجة بيضاء تطلع وتهبط خلعتني
ديراكت نرفد كاس ديال ماء ونلوحو فيه
خبطتو قريب داخ
عمران: مالك نتي
انا: خلعتني تبان عزرائيل
عمران: كون غير جاء داك وريحني وديجا باين اهلك جامي صلاو فجر
انا: حتان يصلو صلوات عادية باعد يصلو فجر
عمران: استغفر الله
مهم رقد هو
انا بقييت نخزر فيه ونبكي
ونمسح في دموعي
ماتوقعتش ليلتي تكون هك
بصح توعدت ندير فيها منكر بنت خالتو
تسرقو مني حلوفة موحال
قربتلو
ورقدت
يتبع .. ... ..
ارائكم 🍯🥰
