ناض صباح
لقاني راقدة عليه
انا والله ما درتها بلعاني
خزر فيا مرة مبغاش ينوضني
باعد انا فقت بقيت نايضة
زدت لصقت فيه
هو حب يحركني بعاقل
باش ينوض لصقت
عاد يجبد وانا لاصقة
عمران: نايضة
انا: زحزحني ان استطعت
حكماتو ضحكة عليا
باعد كتم ضحكتو
وتقلب عليا ونح يديا وناض
انا: اوووف سامط
نضت غسلت وجهي وعدلت روحي لبست قندورة عادية
وجيت خارج
انا : صباح خير
خزرولي قاع وهبطو راسهم
عمران: مافقتش برك درك نقلها
جاء ليا
وعينيه حمر و مقلق
عمران:ادخلي لشمبرا
عرفت روحي مدايرة حاجة كبيرة
مشيت لشمبرا
كي وصلنا
انا: وش توحشتني عمري
عمران: هذي لبسة تلبسييييها
انا:واش فيها
عمران: يدك باينة للكتف وتقليلي واش
انا:حرام هذا شي سخااانة وزيد راني في دار مانيش برا
عمران: حرام باسكو معانا عمي و ولاده
انا: مالفة نلبس هك في دارنا
عمران:ديك تربية باباك
غاضتني انا كيفاه قال على بابا هك
عينيا دمعو
رحت لهيه
حس بيا زعفت
عمران: ارواحي تفطري
بقيت نعدل في قشي وساكتة عليه
عمران: مش رح تاكلي
بقيت ساكتة
جاء ليا مقلق
ودورني ليه
عمران: كي نعود نهدر تسمعي
خزر فيا
لقاني ميتة بلبكاء
غضتو
عمران: ااا .. قصدي ..تاكلي تعودي جيعانة
انا: مش حابة ناكل
دخلت لدوش باش نبدل لبستي
قعدت نبكي تم وغايضني بابا وغايضتني عمري
هو غضتو
وخرج من شمبرا وخلاني
***
عم عمران: وينها بنتي جديدة على مجاتش تاكل
عمران؛ مريضة عمي
عم عمران: اياك تكون زعفتها لانه خرجت هكداك ياعمران
عمران: لا عمي
عم عمران: متأكد بني
عمران سكت
عم عمران: اديلها ماكلة وراضيها
يلا
عمران: حاضر عمي
عطاتله امه ماكلة
باش يديها ليها
***
طبطب عليا باب في دوش
انا: درك شوي نخرج
بقيت شوي وخرجت
عينيا منفخين من بكاء
خزرلي
هبطت راسي باش ميشوفنيش
انا: تقدر تفوت لدوش خرجت
جاء ليا قربلي
حكمني من فكي
ورفع وجهي
عمران: اسمحيلي ماتبكيش والله ماقصديش نسب باباك حق عليا
طحولي دموع تلقائيا
عمران:ماقتلكش هك باش تزيدي تبكي وشوفي جبتلك ماكلة لهن البسي كيما تحبي وكولي
خزرت ماكلة
عمران: لازم نشوفك كليتي
انا: واه جيعانة بزاف
رحت قعدت
وقعدت ناكل
بعقلي
هو يخزر فيا ويضحك
عمران: عندك تصرفات طفلة
انا: مزال محبيتش نتا ديرني مراءة
عمران: احشمي شوي
انا: خليني ناكل جيعانة
خلاني وجاء خارج
انا: وين
عمران: منا برك
انا:لبنت خالك
عمران: الله الله
انا: روووح رووووح اوووف
عمران: رايح لجامع
انا: استغفر الله
ضحك عليا كي قلتها وخرج
يتبع .. .. ..
ارائكم ❤️🥰
