هبطت انا وياها
هي فرحانة ودور هكاك
جينا هابطين في دروج
مفاقتش عفست على جلباب
وتجي طايحة في دروج
انا تشوكيت
جريت ليها
اسيل: ااااي عمرااان
وتبكي
صايي متتحركيش
خلعت انا عليها باسكو طاحت طيحة توجع وجعتلي قلبي معاها عيطت لاختي تعاوني يما خافت تاني
رفدت اسيل بعاقل
اختي مشات قدامي
انا: اسيل صايي متبكيش
سوقت كل مرة ندور ليها باش نلمحها
اختي: خويا وجها شحاب عندك لتكسرت
انا: ان شاء الله ماكان والو ادعي ادعي
ديناها لسبيطار
بعد ربع سوايع
اختي: نتي هي طبيبة ديال اسيل
طبيبة: واه اختي
اختي:طمنيني عليها
انا نسمع فيهم من بعيد
طبيبة: تكسرت في يدها يمنى ودرنالها جبيرة وان شاء الله بخير
اختي: ان شاء الله
دخلنالها انا واختي
لقيناها لسع فطنت
اسيل: عمران
انا: متهدريش ريحي
اختي: عين وصباتك
انا: واش من عين هي هابطة طايرة مبغاتش تمشي نورمال
اختي: عمران مالك زيد على طفلة
اسيل: نورمال ديما هك
اختي: متصدقيهش كان وجهو اصفر من خوف عليك
حبيت نغير موضوع
انا: رح نجيب ورق باش نخرجو
تهلاي فيها
رحت
سنييت على لورق
ورجعتلها
صراحة مبغيتش نخليها بزاف في سبيطار
باش تاخذ راحتها
رحت ليها
اختي: نجيبولك كرسي متحرك
انا: علاه بعيد شر عليها
اختي: كيفاه رح تمشي مسكينة
قلقت
رفدت
اسيل: اي عمران بعقلك
انا: اسمحيلي
مهم رفدتها حتى طاكسي
ويلي في سبيطار قاع يخزرو فينا
كاتبة_ميورة
ركبتها في طاكسي
اسيل: فكرني نحرق هذا جلباب
انا: علاه
اسيل: وجهو نحس عليا لسع رح نخرج فسد خرجة
انا:ريحي مزال عندنا خرجات بزاف قدامنا
ركبت اختي
ومشينا بطاكسي
وصلنا لدار رفدتها تاني لشمبرا
حتى يديا وجعوني من الهزان
يما: يا بنتي واش صرالك لسع خارجين وفرحانين
اسيل حكمتها بكية
انا: يما جبيلها حاجة تاكلها تعيشي حاجة تفيدها يعني
يما: دروك نجيبلك احسن ماكلة
خرجو قاع خلاونا وحدنا
انا: مالك
طرطقت بلبكاء اسيل
اسيل: غايضتني عمري حلوفة معنديش زهر انا مقودة
قعدت بحداها ومسحتلها دموع
انا: خرجة برك
اسيل: لا خرجة لا والو فوقها تكسرت
انا: نوعدك نخرجو كي تريحي
اسيل: صح
انا: واه
اسيل: نحبك
مسحتلها دموعها
جات داخلة يما علينا
ديراكت نحيت يدي ونضت من حداها
اسيل ضحكت
وعجبتني ضحكتها
يتبع . . .
ارائكم . . . ❤️
