منعرف واش صرالي
مهم رحت طلعت في طاكسي
ومشيت
لقيت روحي رايح لدار اسيل
وصلت عندها حبست
رفدت تليفوني
لقيت عشر اتصالات فائتة منها
عيطتلها
انا: الو
اسيل: وين حبي وين كنت ليا بسوايع نعيطلك
انا: اسف
اسيل: توحشتك
انا: اني واقف مقابل لتاقة ديال شمبرتك
شفتها طلت من تاقة
وقفلت تليفون
الف مرة قتلها متطلش
جات تجري
وعنقتني
حكمتها من وذنها
انا: اخر مرة طلي وزيد خارجة بلا خيمار وبلا جلباب وين
اسيل: خفت نطول تروح عليا نحبك ماتقلقش
هيا فوت
انا: لا ديجا متنسايش امك ماتحبنيش قليلي ريحتي
اسيل: ريحت من رجليا يدي مزال
انا:يلا ادخلي نهدرو تليفون عندي هدرة معاك
اسيل: مانيش داخلة متوحشاااااتك بزااف
انا: اسيل قتلك ادخلي
اسيل: يا تفوت معايا يا نلصق لهن
قلقت مقدرتش نحمل
هدرة بزاف
ضربتها
كف
لصقتها مع حيط
انا: كي نقلك حاجة تسمعيها
باعد فقت اني
ظلمتها
جيت رح نتحضنها
بعدتني
وهي تبكي
انا: اسف والله
اسيل: شدرتلك
انا: مقصدتش انا كنت
اسيل: وجعتني كنت متوحشاتك
انا: اسيل
حضنتها بكل قوتي
انا: سامحيني يا اسيل غلطت في حقك بزاااف
اسيل: نحبك
انا: اطلعي في طاكسي متبقايش برك هك بلا خيمار وبيجاما منحبش
اسيل: حاضر
طلعت لحت عليها غطاء على راسها
اسيل: هذا نفسو لغطاء لي لحتو عليا في اول يوم التقينا فيه
انا: ديما عندي هذا منحوش من طاكسي
اسيل: عندي ليك مفاجاة
انا: شوالا
اسيل: واش تتمنى يصرا في علاقتنا
انا: والو
اسيل: حووووجي
انا: شوالا يعني حاجة في علاقتنا
اسيل حكمت يدي وحطتها
على كرشها
اسيل: ماكش حاس بشي
خزرتلها بفرحة واستغراب
انا: ماتقوليليش لراني نفكر فيه
اسيل: واش راك تفكر
انا: نتي حاااامل
اسيل: ههههه مراحش نقلك
انا: انطقي قلبي رح يخرج من بلاصتو
اسيل: اعطيني بوسة سع
انا: في شارع
اسيل: واه يلا
انا: اسيل فوتيها
اسيل؛ مراحش نقلك
ديراكت بوستها بخف
اسيل: علاه تبوسني وانا لاهية خليني نستمتع باللحظة
انا: مهم يلا قولي رح نموت
اسيل: رح يولي عندك ولدك عمران
مت بالفرحة حسيت قلبي موسعش فرحتي
انا: احلفي
اسيل: والله هههه
انا: علاه مقلتيليش
اسيل: من صباح نعيطلك مرفدتش
انا: اسيل راااني فرررحان حنولي ابي
اسيل: لا رح يقول بابا وماما كي ناس
انا: هذا لي كان ناقص
اسيل: موحال يعيطلي امي منقبلهاش نحس روحي كبيرة بزاف
انا: مش مهم هذا
اسيل: واش مهم
انا: انك حامل
يدي حطيتها على كرشها
اسيل: رح يجي يشبهك باسكو راني نتوحم عليك
فرحت كثر بكلامها
اسيل: عمران
انا: واش
اسيل: يدك سخنتني تكفينا لورا نديروها
خزرت لورا
انا: هبلتي ديجا كيفاه رفدتي من ليلة وحدة
اسيل: ههههه هذا سر مهنة
انا: بسلامتك من ليلة شديتي حمدلله مش ليالي كون جبتي قبيلة
طرطقت هي بضحك
انا فرحان وهي فرحانة
يتبع . .
ارائكم . . . ❤️
