عمران كان خايف من امه ماتقبلش بيا باسكو او عرفني منحرفة الله غالب وهو تحط في امر واقع بات ليل كل يدعي يارب يسر ولا تعسر
مهم وانا بقيت ليل كل ساهرة نقرأ على سلافية ودين
حتى رقدت
نضت صباح
دوشت
دقول اخر مرة حندوش
جات ماما
ماما: جبتلك وحد قفطان روعة بنتي البسيه يعودو يخزر غير فيك
انا : واه خليه ماما فوق سرير
وضحكت
ايا خرجت
قفلت باب شمبرتي
قعدت نلبس ونعدل في روحي
وماما توجد في صالون وتحط في قاطو
سمعت طاكسيات حبسو عندنا
طليت
لقيتهم تلاث طاكسيات طبعا طاكسيتو هي لولى
نسنى نشوف في فارس احلامي
هبط عمران
لابس قميص صلاة ابيض
انا: علاه مش لابس كوستيم اوووف معليش كي نتزوج نعلمك
ههههه قاع بجلباب يازح شندير عمري انا
بابا سلم على عمران وعمامه ودخلهم لصالون ديال رجال
دخلت ماما نساء لصالون
وطلعت ليا
فتحتلها باب
ماما: اووو لدرك مالبستيش ومحطتيش مكياج راهم جاو يلا خفي باش تروحي تعطيهم قهوة
انا: يلا
درك نجي
ماما: اني رايحة لعندهم
نتي كي تكملي فوتي على كوزين ارفدي سنيوة ديال قهوة وارواحي
انا: متخافيش ماما نبيضلك وجهك
راحت ماما
انا قعدت لبست ورحت كوزينة رفدت قهوة ورحت ليهم
دخلت عليهم
انا : اسلام عليكم
ردو عليا قاع وعليكم سلام
ماما دارت معرفتنيش
باسكو لبست حيجاب وخيمار
ورحتلهم
عطيتلهم قهوة وقعدت قدام يما
ماما تخزر فيا ومشوكية مني
شوي ورح تقلي شكون نتي
ام عمران: تبارك الله متحجبة و خلق ربي يبارك وتمشي ومهبطة عينيها هذي منلقاوش احسن منها لبني
انا ضربت ماما باش تفطن من صدمة
ماما: ااا واه
انا لعبتها حشمت
وهبطت راسي كثر
خالة عمران قالت لماما: قبيل اختنا كريمة خرجتي بلا خيمار هل انتي غير محجبة
ماما حشمت
انا: امي متحجبة نسات فقط دوما تنسى ونذكرها انا ياك ماما
ماما:واه بنتي
وبعدها تمتمتلي تكمل خطبة ونتفاهمو
ام عمران: ماشاء الله وكان جمال واخلاق وتربية ودين وين نصيبو هذا لعمران نادرا مانلقاو بنت تفكر امها على طاعة ربي
مهم يا بنتي حنا جينا ليك عمران شافك وعجبتيه اعطينا رايك
انا: قابلة اذا رضى بابا وماما قرصت ماما باش تقول ايه
ماما: قابلين مش حنلقاو احسن منكم
ام عمران: يبقى رأي الاخير لباباك
انا: نستأذنكم نسمع كلمتي لبابا
ام عمران: تفضلي بنتي
وانا كي قالت بنتي عرفت روحي عجبتها
خرجت ونضربها برقصة بهذاك حيجاب
رحت عيطت لبابا
جاني
انا: اسمع متلعبهاش الاب لي يخاف على مصلحتي اقبل وصايي
قلت في قلبي سينو نهرب من دار ونتزوجو بذراع عليكم
بابا: يابنتي معقد من قبيل يهبل فيا بامور دين
انا:انا قابلة يعني موضوع هذا غير قابل لنقاش
بابا: رح يعقدك
انا: نموت على تعقاد
بابا منحسبكش عنيد هك
خزرلي بابا خزرة ديال قلقة
بابا: صايي ديري رايك ياك نتي رح تتزوجي
انا: نحبك بابا
راح وقالهم قابلين
طبعا مش هو لبسني خاتم خطبة حلوف
لبستني اختو
اختو: حنا معندناش راجل يدخل
انا: علبالي
وانا في حقيقة تشوكيت كنت نسنى غير نشوفو غاضتني عمري
قبل مايخرجو
حكمت اختو
انا: اختي ربي يعيشك اعطيني رقم خوك تعيشي
معرف كيفاه شفقت عليا وعطاتهولي
اختو: ماتقوليش انا لي عطيتك
راحو
انا حكمتني ماما بهدلتني
انا: وش مبغتنيش نتزوج
ماما: سكر طلعلي منك كي مامتش في ديك خطبة كل راني مليحة
انا: غيورة كي مادتيش سلفي حابة تفسديها عليا
ماما: امشي نعدين باباك
انا: غيورة موتي ديتو داني والله ماخلاني
رحت نشطح ونزغرت
يتبع
ارائكم 🥰🍯
