جات يماها تطمن عليها
فجاءة نسمع لعياط
رحت نجري
يما: ارواح ارواح بني شوف امها شراها تحكي
اسيل: اسمحيلي طاطا مقصدها والو
ام اسيل: لا قصدي علاه تلبسي جلباب شفتي وين وصلك هاه تكسرتي جابلي ربي مصرالكش شيء اخر
انا: عمتي انا متفهم خوفك والله عليها بصح منقبلش مرتي تخرج بلا جلباب
اسيل: واه ماما
يمات اسيل: لا ماكش متفهم هذي بنتي وحيدة يصرالها حاجة نموتو انا وباباها خليتها عندك سمانا صرالها هكايا يلا اسيل قليلي فاليزتك وينها باش تروحي معايا لدار
اسيل: لالالا ماما مش حابة نروح
يما: شفتي بنتك ما قالت والو اكسري شر يا مخلوقة
خزرت لاسيل وهي مش حابة
انا: اسيل تقدري تروحي معاها
اسيل: بصح مانيش حابة
يماها: واه يلا بنتي
انا: روحي حتى تتعالجي باين عليها يماك توحشاتك
يماها: كي نحب ترجع اي ترجع
طلعتلي قلقة من يماها
وعينيا حمارو لانه باغية تتحكم
خزرتلها
انا: اسمعي عمتي
انا محترمك لانك في داري
وزيد كي نحب نرجع مرتي مكانش قوة في العالم تمنعني
يااااك اسيل
اسيل: واه
انا؛ واخر مرة تعيطي على يما و مرتي والا..
حكمتني اسيل من يدي
حسيتها رح تبكي لانه نعيط على يماها
انا هديت شوي وسكت
وخرجت
اووووف ربي يصبرني
باعد لقيت امها خرجت
مع يما يهدرو
دخلت انا لاسيل نشوفها
لقيتها تبكي
اسيل: عمران مانيش حابة نروح
انا: امك تعتني فيك احسن مني فترة برك وترجعي
اسيل: وعد معادش نقلك بدلي نقول لاختك ولا نبقى بنفس لبسة معادش نتعبك مهم متخلنيش
انا: ههههه متبكيش
اسيل: اوعدني ترجعني
انا: وعد ويكت ماتريحي عيطيلي نجيك
اسيل: كي نعيطلك رد عليا مش كيف العرس
انا: نرد انه لازم نطمن عليك
اسيل: اعطيني بوسة قبل مانروح
سلمت على خدها بلخف
اسيل: لا
انا: يااا اسيل
اسيل: والله نلصق هنا
قتلها شوفي لهيه
خزرت
جات دور سلمت على فمها
بالخف
اسيل: خدعتني
انا: نتي باغية تحكميني حتى يشوفونا هك
اسيل: هههه راجل ومرتو نورمال
انا: يااا واش من راجل ومرتو هدي يماك ويما والله ماما تشوفنا تجيها جلطة
عاونتها تنوض
لبستها جلباب
وخرجتها وانا نعاون فيها
اسيل: وجعتني رجلي قعدني هنا مقدرتش
امها: درك يجيك باباك يعاونك
اسيل: واه
خزرت فيها
انا: دروك نرفدك
اسيل: لا ظهرك يوجعك ليل كل ونتا قاعد و بارح رفدتني وزيد صباح ...
قطعتلها ديراكت هدرتها خوفا تفضحني
انا: عادي
رفدتها
لطاكسي
باباها
سلمت عليه
انا؛ تهلاي في روحك اسيل
اسيل: ونتا تاني
قفلت باب طاكسي
مشات طاكسي وهي بقات تشاورلي
بقيت واقف نشوف فيها
حتى بعدت طاسكي على انظاري
طلعت لدار
نسمع في تليفوني يصوني
رفدت
انا: اسلام عليكم
اسيل: توحشتك
ضحكت على تصرفها
انا: درك برك قتلك الى اللقاء
اسيل: هيا ارواح ديني راني تعبت بلاك
انا: احشمي راكي مع باباك
اسيل: مش لاهي بيا او يهدر مع ماما وزيد مالف يتغزل بماما حدايا يعني انا نورمال نتغزل
انا: اسيل اغلقي هاتف الان
اسيل: توحشتك بصح محسيتش في روحتي انه رح تنح قطعة منك
انا: يا بنتي ريحي
اسيل: بنتك تحوس على باباها
ضحكت عليها
بقينا نقصرو
حتى وصلت لدارها
وباعد زادت عيطتلي
وبقينا نقصرو
حتى قلتلها نعست
غلقت اتصال ورقدت
يتبع . . .
ارائكم . . .❤️💥
