جيت لسع خارج
تقابلني اسيل ودموع
في عينيها
انا: اسيل !!!
اسيل: نتا خاين
انا: اسيل والله ماهاك كنت نحاول نبعدها على حياتنا
اسيل وهي ترجع لوراء قالتلي
كنت نثق فيك لدرجة ماتصورهاش
انا نقرب ليها ونقولها اسيل مش كيما فهمتي
اسيل: كنت نقول نتا سلفي مستحيل دير حاجة هك بصح حرمتني من حقي وعطيتها حق كانها مرتك
كلمتها ومكلمتنيش
تروحلها وانا جامي في فترة خطبتي جيتني
ومنعرف بلاك مخبي انك مسيتها وانا مش عارفة تعرف حاجة غلطت كي حبيتك نتا ماكش راجل
قلقت كي قالتلي ديك كلمة حسيت روحي رخيس
رفدت يدي وعطيتها كف
جات طايحة من على دروج
تشوكيت
وجمدت في بلاصتي
شفت كيفاه تلونت قندورة ديالها بدم
قريب هبلت
هبطت نجري
انا: اسيل سامحيني لا مراحش يصرالك والو
مهم رفدتها لطاكسي
بن خالي هو لساق لانه
ولات يدي ترجف من خوف عليها
وصلنا لسبيطار
رفدتها انا
ودخلتها داتها طبيبة وحطتها في سرير وخرجوني
خزرت ليديا لقيتهم معمرين دم
طحت على ركبتي
ودعيت ربي
ودموع في عينيا
انا: يارب ميكونش مات وتكون هي بخير يارب نقبل بأي حاجة بصح هذي واعرة يارب متحرمنيش منه ومنها يارب
جاء بن خالي حط يده على كتفي
وقالي ღ عسى ان تكرهو شيئا وهو خير لكم ღ
انا: ونعم بالله
خرجت طبيبة
سألتها كيراها
قالتلي عندها التواء حمدلله مش كسر تحتاج بعض ادوية وتتحسن
انا: حمدلله وجنين
طبيبة: للاسف مات قبل ماتلحقو لسبيطار كانت طيحة قوية وحملها كان ضعيف للاسف
حسيت دنيا اسودت كي قالتلي هك بكيت بحرقة عليه
وتفكرتها هي كي حطتلي يدي على بطنها وتفكرت كي قالتلي توحمت على بيتزا غاضتني ياريت نقطعت يدي ومضربتكش
خزرت ليدي لقيت فيهم علامات دم حسيت روحي قتلت روح
خرجت نجري من سبيطار
حسيت دنيا ضاقت بيا
كيفاه نقابل اسيل
كيفاه قتلت بني
كيفاه نقابل ربي
كل دارو بيا معرفتش
حسيت حتى هواء لي راني نتنفس فيه يخنق فيا ويقلي علاه درت هك
نتفكر غير في لحظة لي ضربتها كف عدت نقول يارب تقطعها
رجعت سبيطار
لقيت اهلي كامل تم حتى عمي جاء يواسيني
قتلهم مافتحتش عينيها
قالتلي طبيبة غير لسع فتحت حمدلله جيتو توقفو معاها
خليتهم دخلو
علبالي مش رح ترغب بشوفتي
قالتلها يما بلي مات
سمعت عياطها
شقلي قلبي
قالي بن خالي ادخل
دخلت خزرت فيها وخزرت فيا
لقيت عينيها معمرين دموع
خزرت فيا خزرة استحقار
قالتلي اخرج مش باغية نشوفك اخررررج
وناضت تعيط
قالتلها يما حتى هو مضرور متزديش عليه
اسيل: كذاب هو لي قتلي بني هووو هووو تفاهم عليا هو وبنت خالته كلبة
يما: كيفاه
اسيل ناضت قريب طاحت حكمتها ختي
نحت خاتم من يدها قالتلي هاو خاتم خرا تاعك ورماته فيا
ونحت خيمار لي حطتهولها يما (لانه دخل عمي وخالي وبن خالي يشوفوها)
ورماته فيا قالتلي هاو خيمارك تاني
خرج عمي وخالي وبن خالي كي دارت هك
انا: اتهداي اسيل حق عليا
اسيل: حقك واش من حق هذا بني قتلتو تقلي حق في بالك هذا حق كيما حق لفراش لموتني باش تعطهولي شوف شد حقوقك عندك انا طلقني
انا: اسيل لا
يما: استغفري بنتي استغفري
اسيل: علمي بنك يستغفر مش على ربعة ديال صباح يعود يكلم في بنت خالتو حبيتك ونحبك ومنعرف شاه
خزرتلي يما باستغراب
اسيل: ديجا وينه تليفوني وينه نعيط لبابا يجي يديني
انا: اسيل ماتروحيش ماتروحيش نوعدك نصلح
كل شي
اسيل: روح صلح بنت خالتك تعرف حاجة حبيت كل شي يتعلق بيك لدرجة حبيت لي حاول يغتصبني لانه خلاني نتزوج بيك وعلى قدر هذي محبة كرهتك درك
انا حسيت قلبي تكسر
اسيل: اخر طلب ليا اخرج لانه مش قادرة نشوف وجهك لعفن هذا
خرجت
حكمتني يما
حكيتلها هي وعمي وخالي قاع واش صرا وبتفصيل
خالي عينيه حمارو وقلق قالي آية هديك لازم نرجع انا نربيها وراح
يما: وكأني مش انا مربياتك
عمي: خاب ظني فيك بني وصيتك على مرتك درتلها هك كان بيدك قرار كل شي بصح نتا .. حمدلله ابوك ماعاشش وشاف هذي لحظة
راحو وخلاوني
يما خاب ظنها فيا بزاف تقيس هذي غاضتني بزااف
اسيل رفضت رفض قاطع ترجع معايا
جاء باباها داها
يتبع . . .
ارائكم . . . ❤️
