عمران يهدر♡
قعدت ليل كل نمسلها في شعرها باش ترقد
كي رقدت نحيت يدها من لحيتي وجبدت روحي
بعاقل باش ماتنوضش
نضت توضيت و كنت رايح لجامع
تلقاني عمو
عمو: وين رايح بني
انا: لجامع عمي
عمو: هيا نترافقو مالا
حكمني من يدي واسند عليا وبقينا نمشو
عمو: عمران راني حاسس مش عاجبك زواج
خزرتلو باستغراب
انا: اااا
عمه: مقدرتش حتى تقول لا بني نعرفك من نتا وصغير متعرفش تكذب
عمران: عمي راني حاصل
عمه: في واش
انا: تزوجت وحدة وغاضتني لانها تحبني في الله وتخشى عليا وانا
عمه: ونتا ماتحبهاش
انا: واه
بقى ساكت عمي حتى
وصلنا لجامع قعدنا
قرينا شوي قرآن واستغفرنا
باعد خزر فيا
قالي بصوت خافت
عمي: عندك ياعمران تكون هاجر مرتك
انا: كيفاه
عمي: يعني لم تعطيها حقها
سكتت وهبطت راسي لاني عارف اني غالط معاها
خبطلي مخي وقالي مخ هذا واش فيه طلقها اذا كنت مش مسؤول ومش قادر تعطيها حقوقها
انا: بصح
عمي: ماتقولش بصح راك دير في ذنب عظيم وماتقليش راك مزلت ناوي بنت خالتك
سكت انا مالقيت مانقو
عمي: استغفر الله ربي يغفرلك بني نوض ربي يرضى عليك امشي اطلق سراح بنت هديك و تزوج لي تبغيها
انا: لا ياعمي
عمي: فهمني يا بني كي تخليها كصنم علاه
سكت منعرف حشمت نجاوبه لانه كلامه كله صح وانا غالط قاعد غير نظلم في اسيل معايا مي انا بغيت اسيل تنسيني في آية بغييت بزاف بغيت تصبر عليا حتى نحبها بصح هذا ظلم ليها لويكت رح تصبر بلاك اصلا منقدرش نحبها
نضت
انا: عمي شكرا
عمي: تهلا في روحك بني
خرجت نمشي في طريق
نفكر في اسيل اسبوع هذا تزوجتها نطلقها واش هذا جرح ربي يغفرلي يارب
دخلت لدار
دخلت لشمبرا تاني
لقيتها قاعدة تتفرج في تليفونها
اسيل: رحت لجامع
مقدرتش نطلع عينيا فيها
انا: واه
جات قربت ليا
اسيل: مش رح ترحمني
انا: انا صائم
اسيل: علاه مهوش رمضان
تضحكني ساعات كلماتها
انا: نصوم الخميس والاثنين سنة
اسيل: ربي مش رح يقبلك صيامك
انا: علاه
اسيل: باسكو مرتك مش راضية عليك
انا: اممم
هههههه
اسيل:عمران متقدرش تأجلها تلاثاء يعني
انا: استغفر الله
بدات هي تعيط كعادتها
اسيل: نراهنك كون جيت متزوجها متصومش حتى رمضان
خزرتلها بقلقة انا باغي ننساها هي كل مرة تلوح ملح على جرح مكفهاش وكلتني ملح
انا: اسمعي يا بنت ناس بماأنك مش قادرة تتحملي تصرفاتي رح نرجعلك الاهلك معززة مكرمة
قبل مانكمل لقيتها تبكي دقول موجدة دموع
مقدرتش حتى نكمل هدرتي بصرامة هديك وضعف لانه متستاهلش
جيت رح نحكملها يدها باش نواسيها
بعدت عليا
اسيل: رح طلقني
قربت منها باش نحكمها تاني بعدت
اسيل: جاوبني بلا شفقة
انا: منقدرش ننساها بهدي سهولة رح تتعذبي معايا
اسيل: نتعذب معاك ولا نتعذب بلاك نتا هك رح تقتل فيا
انا: انا نحبها
اسيل: وانا نحبك نحبك بزاف
انا: ارحميني يابنت ناس منقدرش نتحمل هذا شي
اسيل: ماتقدرش تتحملني
انا: حبسي لبكاء
اسيل: ارحمني نتا كل يوم تبكيني وتتظاهر انك متقدرش تشوفني نبكي حبس هذو تصرفات روحلها خلاااص انا لي دخلت حياتك بسيف ماكش مجبور تشفق عليا مانيش يتيمة نقدر نعيش
راحت جبدت فاليزتها
حكمتها من يدها قلتلها شراكي ديري
اسيل:رح نموت اطلقني
انا: استغفر الله
راحت مشات معرفتش كيفاه نمنعها
جبدتها
انا: ماتروحيش اسمحيلي
اسيل: مانيش فهماتك لسع كنت ناوي طلقني
انا: لا مش حاب
اسيل: مش رح نعيش تحت رحمتك وكت تشفق عليا كرهت خليني نموت احسن
انا: لا
حمارو عينيا وتقلقت بزاف
خبطها على حيط
اسيل: نتا مالك هبلت
انا: مزال ماشفتيش هبالي
بديت نرجف من قلقة
خافت هي كتر بدات تبكي كتر
دارت للحيط وتبكي
انا: مالك دروك
دورتها ليا
مسحتلها دموعها
انا: اسمحيلي
سلمت على خدها
قعد تخزر فيا
انا: واش
اسيل: يلا
انا: مرة باش مايبطلش صيامي
قربت بوستها
حكمت في شعري بقات تتفنن في بوس
حتى حسيت روحي نغلي
وفقدت نفس ديالي
يتبع . . .
ارائكم . . . ❤️
