بعد مرور ثلاثة اشهر
اسيل تهدر♡
ماما: يويويوييييي طلقتي بنتي حمدلله
انا متغطية لاعبتها مش همني الامر كان قلبي يتقطع ونبكي كل ليلة خاصة كي نشوف صوره
ماما شجعتني على طلاق
وبابا قالي كي تطلقي نبعتك لفرانسا
وقفو معايا
ورفضت نشوفه لانه رح يضعفني في قراري
اصلا كل مانشوفه نتفكر كيفاه ضربني ربي يحرق يده
انا: ماما حابة نرقد سكري باب
ماما: ايه ارقدي غدوة عندك سفر باش تروحي تخدمي في فرانسا وترفعي راسنا
انا: نحبك ماما سكري باب
سكرت ماما باب وخرجت
نضت انا من سرير وطليت من تاقة نشوفه قاعد تم في بلاصة لي طول يقعد فيها من تلاث شهر
طاحت دمعتي
عيطت لاختو
اخته: الو اسيل كيراكي توحشتك كنت ديما نعيطلك ومتريبونديش
انا: اسمعي قولي لخوك معادش يجي عندنا ولا والله نشكي بيه
اخته: تشكي بيه ؟ حرام عليك خويا اصلا مهوش يجي لدار من ندامة
طاحولي دموع
انا: هاني قلت نزيد نشوفه نشكي بيه ياك طلقنا يخليني في حالي وزيد غدوة مسافرة مكلاه يجي يدرونجي ماما وبابا
وكوبيت في وجهها
مسحت دموعي
حطيت يدي على كرشي
انا: ياريتك كنت لهن و ماموتش
ورحت نوجد فاليز تاعي
****
عمران يهدر♡
حاولت بزاف نوصلك يا اسيل ونعتذر حياتي سماطتت بلا بيها نتفكر تصرفاتها كل شي كل شي فيها مليح مقدرتش ننساها حتى بعدما طلقت بقوة القانون قلبي مقدرش يطلقها
قعدت في بلاصتي نسنى منها طل كالعادة ولي يصبرني على فراقها هديك طلة
طلت شوي وراحت
كعادتها تتاكد راني هنا برك
بعد 15 د عيطتلي اختي
انا: سلام عليكم
اخته: وعليك السلام خويا
ارواح يما راها غلبانة
رفدت طاكسيتي ورحت نجري لدار
دخلت لدار ورحت لشمبرا يما لقيت يما لباس بيها وتقصر مع اختي
انا: علاه تخلعي فيا
اختي: عيطتلي اسيل
فرحت انا
انا؛ واش قالت
اختي؛ قالت رح تشكي بيك اذا بقيت تم
انا: خليها تشكي
اختي: يا خويا معندناش غيرك خلاص راحت انساها
انا: موحال
اختي: اصلا راها مسافرة وكي تقعد تم واش من فايدة
انا: مسافرة ؟؟
اختي؛ واه
رحت نمشي لشمبرتي سكرت
باب شمبرا فرشت سجادة
بديت نصلي ونطلب في ربي يرجعهالي
ليل هداك كل وانا نصلي انه يرجعها
وصل صباح رفدت طاكسيتي
ورحت للمطار
بقالي الامل وحيد لي نقدر نهدر معاها فيه بلاك ترجع
بقيت نسنى حتى شفت طاكسي باباها حبست
مبغيتش باباها يشوفني باسكو علبالي رح يزيد طين بل
دخلت للمطار
انا دخلت وراها
ستنيت باباها يروح بقى معاها حتان قريب تدخل لقاعة انتظار الاخيرة ودعها وراح
جيت نجري ليها
خزرتلي بخوف
وهربت
حكمتها من يدها
انا: تهربي مني يا اسيل
اسيل: نهرب من قاتل بني
انا: اسيل اسف
اسيل عادت تعيط لناس تقلهم هذا باغي يضربني
انا: لالا اسيل اعطيني فرصة اخيرة والله تقطع قلبي بروحتك دنيا سوادت في عيني بقيت حاكمها من يدها وناس تبعد فيا عليها
حتى جاء الامن فكوني منها
عدت نعيط هذي مرتي
ناضت تبكي هي
بعدوني عدو قريب يخرجوني من مطار
نضت نعيط اسيل نحبببك نحبببك
قاع يخزرو فيا وحاطني مهبول
وهي تسمع فيا وتبكي بصوووت
خرجوني برا لمطار ودارولي تحذير بقيت نسنى فيها بلاك تخرج
شفت طيارة قلعت وماكان والو بقيت نسنى حتى ليل
سقسيت لي ينظف قتلو شوف اذا كاين بنت تسنى في مطار ولا لا
قالي مكانش بمواصفات لي قلتهالي
انا: تسما رحتي يا اسيل
رجعت لدار
وقفلت على روحي باب
دموعي طاحو
انا: نحبك اسيل
تسطحت في بلاصتي وتخيلتها بحدايا تخيلت تصرفاتها
راح كل شي درك معادش كاينة
فاتت سمانا لا حس لا خبر حتى اني نروح كل نهار لدار باباها نتاكد بلي كاينة ولا لا
ايقنت بلي معادش ترجع خلاص خسرتها وخسرت حبي وخسرت طبتها وخسرت هبالها وخسرت حبها ليا
انا عدت نوض باش نصلي برك لا ماكلة دخلت فمي لا حتى شي
حتى عمي لي مالف يقنعني مقدرش يقنعني انه ناكل اسيل دات روحي معاها
قعدت نصلي انه تكون بخير فجاة نسمع باب ستنيت اختى تنوض تفتح
ماناض حتى واحد
نضت انا
كاتبة-ميورة
فتحته لقيتها اسيل
اسيل: جبتلك وردة
متت بالفرحة
تحضنتها
انا: رجعتي
اسيل: لاني نحبك رحت تسوقت شوي في فرانسا مالقيتش واش نجيبلك جبتلك وردة عجباتك
انا: هههه مهم راكي لهن ميهمنيش حاجة اخرى نتي ديجا تخليني وتروحي مغاضكش قلبك
اسيل: كاش واحد يخلي فرانسا ويقعد
انا: حتى على جالي متخليهاش
اسيل: بابا ومنخليهاش على جالو
انا: توحشتك متعرفيش كيفاش
باعد خزرت لبستها
حكمتها من وذنها
انا: تزيدي تنحي جلباب نقتلك راااني نغار
اسيل: هههههه اووو حبيبي غيور
وبساتو قالتلو مهم نبوسك
انا: حرام
اسيل: ياك رح نرجعو نتزوجو خلاص
ضحكت على تفكيرها
نهاية
آية رجعها خالها لريف تتربى عنده
واسيل وعمران رجعو تزوجو
وجابو طفل وزوج بنات طبعا بنات جايين لبيهم طول يقولو استغفر الله و بن جاي لاسيل ديما يقول ليماه راني شفت وحد انوشة وعجبتني درك نهبالها
ونهاية دائما سعيدة
ارائكم . . ❤️ في هذي الكرونيك عجبتكم لا ؟
