راح عمران مع عمو لجامع
جاتني ام عمران
يماه: بنتي راكي لباس
انا: واه غاية ونتي
يماه:متزعفيش من عمران راه صعيب شوي ميعرفش يعبر
انا: نورمال يما انا متعودة ديجا كي شفتو مرة لولى عرفتو هك
يماه:ربي يرضى عليك بنتي
رحت عاونتها في
طياب مالغري منعرفش
كانت تقلي ديري هك وهك
وانا نتبع
حتى كملت
حطيت لغداء
جاء داخل عمران وعمه
عمه: ريحة طيبة ليوم
مرت عم عمران: يوم طيبة لعروسة جديدة على هك ريحة طيبة
لعبتها حشمت
عمران: هيا ناكلو ونشوفو
قلت في قلبي قاع قالو كلمة زينة الا هو هيا ناكلو تاكلك لارض ان شاء الله ونتهنى منك يخي عبد ميعرفش يقول تسلم يدك مدامتي تفووو
مهم راحو
قعدو عدلنا طاولة
قعدنا نتغداو
ذاق عمو شوي
عم عمران: مالحة بزاف بنتي
مهم كي ذقتها حسيت روحي ناكل في ملح وخلاص
قاع حبسو
من ماكلة
انا: اسمحولي مفقتش كترت ملح
خزر فيا عمران وهو ياكل محبس
عمران: انا عجبتني
خزرولو قاع باستغراب
ناضو يتغامزو علينا
انا خزرتلو باعجاب
عمران: مش رح تاكلو
واحد مارد عليه
ايا حمدلله خليتوني ناكلها وحدي
ضربتو انا
تمتمتلو
انا: غادي يرتفع ضغط ديالك
خزرني وابتسم
وكمل
ياعمري على هديك ابتسامة داوي جروح
كملهم قاع
وناض
عمران: بصحتكم
دخل لشمبرا
انا رحت غسلت ماعن
يماه: اتركي من يدك وروحي عسي عمران تعود تطلعلو لاطنسيون ويموت
انا: بعيد شر
رحت نجري
دخلت لقيتو متسطح على ظهرو ومغمض عينيه
انا: عمران متت!!
عمران: وتسقسي ميت اذا مات
انا: اذا رد يكون ماماتش اذا ماردش يكون مات
عمران: واو لازم نصفقولك على اكتشافك هذا
انا: هههه شكرا مكانش داعي متحشمنيش
راك غاية
عمران: درك راني وفرت ملح في جسمي ديال خمسة سنين
انا: ههههه علاه كليتو
عمران: اول مرة طيبي في دارنا محبيتش نحشمك
فرحت انا حسيتو عندو مشاعر واحساس اه
انا: مهم درك عاد بيناتنا محبة اكيد لانك كليتو
عمران: هههه لا عاد بينا خبز وملح كيما يقولو
ضحكت على خبز وملح هديك
عمران: نطلب منك طلب
انا: واه
عمران: متزديش طيبي رجاء
انا: هههههه
عمران: منقدرش نتحمل كمية هذا ملح والله
انا: حاضر
عمران:اقفلي باب
انا: رح نرتكبو فاحشة في حلال واخيرا
عمران: قلت اقفلي باب لانه برد جاي ليا نتي شوفي وين راح بالك
انا: مام انا بردانة وحابة دفيني
عمران: نشريلك شوفاج مثلا
انا: سامط
عمران: استغفر الله
خليتو يريح
رقد وناض
جبتلو قهوة
راح غسل وجهو
وجاء قعد
انا: جبتلك قهوة
عمران: يعطيك صحا بصح ماتقوليليش مالحة
انا: هههه لا
قعد شربها
باعد جاء خارج
خزرني
انا: واش
عمران: حسبتك رح تسالني لوين خارج
انا: صح لوين
ضحك وخلاني
انا :حلوووف باين رايح بنت
خالتو ان شاء الله تزيد ترفعلك
ضغط وتموت ويجيبوك ليا وتموت على اساس اني مرتك
😂😂😂
عمران: ماهذا تفكير الاجرامي
انا:مزالك هنا عيب عليك تتسمع عليا
عمران:نتي مسمعة دار قاع
نسيت مفتاح طاكسي ديالي
انا:يعني بلاصة بعيدة لي رايحلها يعني مش بنت خالتك
عمران: ههههه وعليكي سلام
خرج وخلاني
انا:بففففف ربي يحرقك كيما تحرقلي في قلبي
باعد حكمت فمي يعود يسمع فيا تاني
يتبع .. .. ..
ارائكم . . .❤️🥰
