(ငါ့systemကထူးဆန်းနေတယ်)
တီတီ...systemကိုအသက်သွင်းနေသည်။လမ်းပျောက်နေသော၀ိဥာဥ်အားsystemနှင့်ချိတ်ဆက်နေသည်။
ချိတ်ဆက်မှုပြီးစီး....
မဟူရာရောင်နက်မှောင်နေသောကွင်းပြင်ကျယ်ကြီးတွင်အနက်ရောင်ပိတ်ကားထက်၌ငွေမှုန်များကြဲထားသကဲ့သို့မှိတ်တုပ်မှိတ်တုပ်ဖြစ်နေသောကြယ်များ၊နဂါးငွေ့တန်းဂလက်စီများဖြင့်ပြည့်နေပြီးအာကာသ၁ခုကဲ့သို့တွေ့မြင်ရမည်ဖြစ်သည်။ထိုအထဲတွင်အဖြူရောင်အင်္ကျီ၀တ်ထားသောကောင်ငယ်လေး၁ယောက်ကဖြူဖျော့စွာလှဲလျောင်းလို့နေသည်။ကောင်ငယ်လေးမှာအားနည်းဖျော့တော့နေပြီးသေချာကြည့်ပါကထိုကောင်လေးကိုဖောက်ထွင်းမြင်နိုင်ပေသည်။အညိုဖျော့ရောင်ဆံပင်ခက်အုပ်အုပ်ကနဖူးပြင်၁ခုလုံးကိုဖုံးအုပ်ထားပြီးအပြစ်အနာအဆာကင်းကာအဖုအထစ်၁ခုတောင်မရှိသောမျက်နှာနုနုလေးမှာယခုအခါတော့အားမရှိစွာလှဲလျောင်းနေရပြီးနှုတ်ခမ်းသားတို့မှာခြောက်သွေ့ကွဲအက်နေပြီးဖြူလျော်နေရှာသည်။
ကောင်ငယ်လေး၏ခေါင်းထက်တွင်တော့ကြယ်၃လုံးကတြိဂံပုံသဏ္ဍာန်လင်းလက်တောက်ပနေသည်။ဘယ်ဘက်အောက်ခြေရှိကြယ်မှအပြာရောင်အလင်းတန်းဖျော့ဖျော့လေးလင်းလက်နေရာမှထွန်းလင်းတောက်ပလာပြီးအပြာရောင်အငွေ့များကကောင်လေးကိုဖုံးအုပ်သွားတော့သည်။အပြာရောင်အလင်းတန်းများပျောက်ကွယ်သွားချိန်တွင်ထိုကြယ်မှာကြွေကျလာပြီးကောင်ငယ်လေး၏နဖူးပြင်ထံ၀င်ရောက်ပျောက်ကွယ်သွားတော့သည်။
ကောင်ငယ်လေးထံတွင်လည်းအပြောင်းအလဲ၁ချို့ဖြစ်ပေါ်လာသည်။နဂိုကဖြူလျော်နေသောအသားအရည်မှာသွေးရောင်လွှမ်းလာပြီးပုံရိပ်မှာလည်းထင်ရှားလာသည်။နှုတ်ခမ်းသားတို့ကလည်းပြည်လည်စိုပြေလာကာပန်းနုရောင်သမ်းလာကာပါးပြင်မှာလည်းအနည်းငယ်နီစွေးလာကာသွေးကြောစိမ်းလေးများကိုပင်မြင်နေရသည်။ခပ်စိပ်စိပ်မျက်တောင်ကော့ကော့လေးများကလှုပ်ရှားလာကာအညိုရောင်မျက်၀န်းတို့ကဖျတ်ကနဲပွင့်လာသည်။
YOU ARE READING
ကျွန်တော့်systemကပျက်နေတယ်
Fantasyနှိုင်းထက်လျှံဟာစာဖတ်ရတာကိုအလွန်နှစ်သက်သူဖြစ်သည်။ အထူးသဖြင့်systemအမျိုးအစားတွေကိုဖတ်ရတာပိုကြိုက်ပြီးsystemရူးရူးနေသူဖြစ်သည်။၁နေ့စာကြည့်တိုက်သွားရင်းငလျင်လှုပ်တာကြောင့်စာအုပ်စင်ပြိုကျကာသေဆုံးသွားပြီးsystem၁ခုနှင့်ချိတ်မိသွားလေသည်။ သို့သော်သူဖ...