အခန်း၏လေထုသည်ပို၍ကသိကအောက်ဖြစ်လာလေသည်။ကလို၀ီက၀င်လာပြီးအန်ဒရူးအားတွေ့သည်နှင့်သူမ၏မျက်နှာထက်၀ယ်မလိုလားသည့်အရိပ်အယောင်ပေါ်လာလေသည်။ထို့နောက်၂ယောက်သားမျက်နှာလွှဲလိုက်ကြလေသည်။ကလို၀ီကလက်ထဲကချိုင့်ကိုစားပွဲပေါ်တင်ကာအန်ဒရူးနှင့်အဝေးဆုံးနေရာတွင်ထိုင်လိုက်သည်။
ကလို၀ီသည်Alphaဖြစ်တာကြောင့်အရပ်ရှည်လေသည်။မိန်းကလေးဖြစ်သော်လည်းအက်စတာထက်ပင်အရပ်ပိုရှည်သည်။မဟော်ဂနီရောင်ဆံပင်ဂုတ်ထောက်နှင့်အပြာရင့်ရောင်မျက်၀န်းတို့ကလွန်စွာမှလိုက်ဖက်ညီလှသည်။စူးရှကာညို့ငင်သောမျက်၀န်းတို့ကတဖက်လူကိုစွဲလမ်းသွားစေရန်လုံလောက်ပေသည်။ဖြောင့်ဆင်းနေသောနှာတံမထူမပါးနှုတ်ခမ်းသားကိုအနီရောင်တောက်တောက်ဆိုးထားပြီးခြေချိတ်ကာခါးကိုမတ်ထား၍ထိုင်နေပုံမှာဘုရင်မ၁ပါးနှယ်။ကိုယ်ကြပ်အနက်ရောင်၀တ်စုံကကလို၀ီ၏အမို့အမောက်တို့ကိုထင်ရှားစေပြီးပုရိသတို့ကိုသမင်လည်ပြန်ငေးစေလောက်သောအလှကိုပိုင်ဆိုင်ထားလေသည်။
^ဇာတ်ကြောင်းအရဆိုရင်ကလို၀ီကအန်ဒရူးကိုလူးကပ်စ်တို့အကြောင်းသတိပေးပြီးသွားပြီ...အန်ဒရူးကမယုံဘဲ၁ယောက်ကို၁ယောက်အထင်လွှဲနေကြတာ...^
Luffyကအလိုက်တသိအက်စတာအားပြောပြလေသည်။
"မမနို့ဆန်ပြုတ်၀ယ်လာတယ်။ပူတုန်းသောက်လိုက်နော်..."
ကလို၀ီကချိုင့်ကိုဖြုတ်လိုက်ပြီးကြွေပန်းကန်ထဲဆန်ပြုတ်ကိုလှယ်ထည့်ပေးသည်။နို့ဆန်ပြုတ်ကပြစ်နှစ်နေကာနို့နံ့ခပ်သင်းသင်းလေးကစားချင်စိတ်ကိုလှုံ့ဆော်နေသည်။ဆန်ပြုတ်အား၁ဇွန်းခပ်ကာစားလိုက်သည်။နို့အရသာစိမ့်စိမ့်လေးနှင့်အနည်းငယ်ပါသောအချိုဓါတ်ကလွန်စွာမှစားကောင်းလေသည်။အက်စတာလည်းပလို၀ီအားမျက်လုံးများမှေးသည်အထိပြုံးပြလိုက်ပြီးဆန်ပြုတ်ကိုကုန်သည်အထိစားလိုက်သည်။
အရင်အက်စတာ၏မှတ်ဥာဏ်အရကလို၀ီ၏မောင်နှင့်သူသည်တထေရာတည်းတူညီနေသည်။ထို့ကြောင့်ကလို၀ီကအက်စတာကိုသည်းသည်းလှုပ်ချစ်ခင်ပေသည်။
YOU ARE READING
ကျွန်တော့်systemကပျက်နေတယ်
Fantasyနှိုင်းထက်လျှံဟာစာဖတ်ရတာကိုအလွန်နှစ်သက်သူဖြစ်သည်။ အထူးသဖြင့်systemအမျိုးအစားတွေကိုဖတ်ရတာပိုကြိုက်ပြီးsystemရူးရူးနေသူဖြစ်သည်။၁နေ့စာကြည့်တိုက်သွားရင်းငလျင်လှုပ်တာကြောင့်စာအုပ်စင်ပြိုကျကာသေဆုံးသွားပြီးsystem၁ခုနှင့်ချိတ်မိသွားလေသည်။ သို့သော်သူဖ...