Ang Pahard To Get Kong Nililigawan (COMPLETED)

CHAPTER 24

"Guys, kinakabahan na ako dito sa gagawin natin." pabulong na sabi ni Rose habang hinihintay nila ang paglabas ni Kurt sa faculty ng mga teachers.

"Gaga tumahimik ka nalang diyan at kanina pa ako naiihi dito dahil sa kaba. Tsaka pwedi ba, wag mo nga akong hawakan dahil kasing lamig na ng bangkay yang kamay mo!" sagot naman dito ni Bea sabay tabig sa kamay ng kaibigan na nakahawak sa braso niya.

"Guys behave. We're doing this for Archie kaya dapat hindi tayo pumalpak." saway naman sa dalawa nitong si Ericka na seryusong nakatingin sa pintuan ng faculty building.

Kunting hintay nalang at sigurado akong lalabas na rin yon. Sa isip niya sabay kurot sa namamanhid niyang balat dahil sa kaba nitong balak nilang gawin. Luko kasing Peru yon binigyan pa ng idea si Archie yan tuloy ito kami at naghihintay sa paglabas ni KC.

"Fine! Pero paano naman natin siya mapipilit na sumama sayo?"

"Ide kidnapin ni Archie si KC,  problema ba yon!" sabi naman ni Peru na parang wala lang at pinagpatuloy parin nito ang pag-inom.

"WHAT?!" dahil sa lakas ng sigaw ng magkakaibigan naibuga niya ang iniinom na tubig may iba pa nga na sa ilong niya lumabas kung kaya't umuubong inis niyang pinunasan ang nguso.

"Alam naman natin na hindi yon sasama kay Archie diba? So kidnapin nalang natin para siguradong makasama yon, at bahala na si Archie kapag nagising na si KC sa byahe or sa bahay!" sagot naman ni Peru sabay dighay.

"Good idea!" masaya namang sang-ayon dito ni Archie na lalong ikinagulat ng lahat.

"ARCHIE!"

"Guys tama si Peru, hindi sasama sa'kin si Kurt kaya kikidnapin ko nalang siya."

"Pero Archie, hindi na tama yang gagawin mo. Tsaka siguradong lalong magagalit sayo si KC kapag ginawa mo 'to! Iba nalang please, papayag ako basta walang kidnapan na magaganap." pagpapa-unawa naman dito ni Monicha.

Ang pag-alis ng kaibigan pansamantala ay payag pa siya, pero itong pagkidnap niya kay KC maisama lang, hindi niya iyon pahihintulutan dahil labag na 'yon sa batas!

"Okay." malungkot namang sagot dito ni Archie na ikina-pikit niya nalang.

Kailangan kong panindigan yong pag-ayaw ko dahil sigurado akong malaking gulo ang dulot nito pagnagkataon.

Ngunit ang planong wag kidnapin si Kurt ay mukha yatang malabong hindi mangyari, lalo na at palagi itong umiiwas at hindi kinaka-usap si Archie, pati na rin silang  mga kaibigan nitong si Archie.

Pero hindi pa rin sumusuko si Archie at patuloy niya pa ring nilalapitan si Kurt upang kausap ito hanggang sa isang linggo na ang lumipas at wala paring improvement na nangyayari.

Tama nga sila na nobody's perfect, dahil sa huli si Monicha pa rin ang unang sumuko at pinayagan niya na ang kaibigan na kidnapin nalang si KC upang maka-alis na ang kaibigan dahil palagi itong tinatawagan ng mga magulang at kapag tapos na ang pakikipag-usap nito, kaagad itong pumapasok sa banyo upang doon tahimik na umiiyak.