غياهب القدر

البارت الثاني

رجعت ذاكرتي ليوم 9/1كعدت الصبح على صوت ابويه يصيح على فيصل اخويه وفيصل كاعد يتريك ولا يمه الموضوع احنه عائله تتكون من اب وام ورائد وفيصل واني وياي رحمن تؤام صح ميشبهني بس تؤام تكول ماما كلمن بجاره اجيتو مدري شلون المهم والدي يشتغل بالكهرباء موضف انسان مؤمن الى درجه ويخاف الله والدتي ربه بيت رائد شريك بمولد فيصل يشتغل بكوفي مال صديقه واني ورحمن ندرس خامس ادبي اني وهو علمي هو واهسه بالدراسه اكثر مني اني شايله مسووليه البيت وي امي فه ماكدر ادرس هواي حولت ادبي المهم كملنه ريوك وبلشت تنضيف طبعا امي مترضى بتنضيف وخلاص لازم كللشي بمكانه وتنضيم عدهه مثل الهوس بالنضافه اني تعلمت منهه كملت تنضيف وهي كملت الغدا التمينه عالغدا كلنه وطشرنه كلمن بغرفته قيلوله الضهر العصر نكعد هذي حياتنه هااادئه لوما الي صار
فلاش باااااك
فيصل ..الو هلا احمد شلونك ضلعي مشتاقين والله
احمد..حياك اخوي فيصل شلونك والله اني مشتاقلكم جثير انت ومازن شخباركم
فيصل..والله بخير ومشتاقين لشوفتك ومازن يمي يسلم عليك شنو متجي نشوفك نطلع صيد
احمد..اكضي شغلي انشالله هاليومين يمكم اني
فيصل..هاهي صايرين
احمد..امانه الله فيصل محتاج شيء اجيبلك شيء وياي
فيصل.حمودي حبيبي غير شوفتك ممحتاجين حبيبي في امان الله
احمد ..في امان الله الله وياك

مازن..شنو فيصل عليهه..
فيصل..دخل يجي ويصير خير
مازن ..مو كتلك هاي فررصتنه
فيصل ..يصير خير بس خل نرتبهه وكون نضيع اثرهه
مازن ..هاي يمي خليهه
طول اليوم ميخلى من عراك ابويه وفيصل ثاني يوم كعدت الصبح نزلت لكيتهم يتريكون صبحت عليهم وطلع فيصل من الحمام يصيح عليه وين تشيرتي الرصاصي كتله شبيك اصيح شنو هالاسلوب من صبح ضربني كف طير وجهي
الاب..فيصللللل تالي وياك شلون راح تجلطني تجيب اجلي ليش تخليني ارتكب بيك جريمه ابني دك رجلك بالكاع الي بكدك شايلين بيوت ومسووليه هذا الحجي بصيااح
فيصل..يوم اني اليوم طالع صيد وي جماعتي لتنتضروني احتمال ابات براا البيت سد الباب وطلع
الاب..شو بابا تاذيتي
ريهام..بابا هذا فيصل تره سواهه وياي بلا ملح مو مكفخه عنده اني احجو وياه تره من انتو ماكو والله يخلص عليه بس امي متقبل اكولكم
امي..ريهااام بنتي كافي
الاب..ليش هيج اسماء شلون تقبليه هي بس هالوحده عندج وهيج يسوي بيهه
اسماء..سعد ليش هو ينرد متشوفه يسمع لاحد بينه وانتي رهام بعدين حسابج
الاب...لا حول ولا قوه الا بالله استغفر الله
مشه اليوم عااادي وفيصل بات برا البيت وثاني يوم هم مااجه ثالث يووم ساعه 8صبح يندك الباب علينه مو ندك لا والله انهجم هجم علينه طلع ابوي ورائد واحنه بلمطبخ نريد نعرف شكو
السلام عليكم حجي اني الضابط رياض عدنه امر القاء قبض على ابنك المدعو فيصل سعد
الاب..شدتحجي سيدي ابني فيصل شبيه
الضابط..ابنك فيصل متهم بمحاوله قتل وتسليب ممتلكات المجنى عليه
الاب...لا حول الا يارب
الضابط..سلمنه فيصل يكون افضل اله والكم حته
متصير عليكم قضيه تستر
الاب..سيدي والله صارله يومين مختفي من البيت كال طالع صيد وي جماعتي وحته تلفونه مغلق
الضابط..حجي عندي امر تفتيش
الاب ..صار ابني بس انطي خبر للحريم
يالله سترن نفسجن يابه
دخلو الشرطه وبدو يفتشون وصعدو حته للبيتونه وحته المخزن فردشو الزوالي والفراش ملكو شيء
سيدي كلشي ماكو
الضابط..حجي مثل مكتلك اذا انت جنت تستر عليه ممكن انت هم تتورط بالقضيه
الاب..سيدي اقسملك بالله ماعرفله طريق
الضابط..لازم ناخذ اقوالكم
الاب..تفضل ابني استريح
دخلو للاستقبال وامي جانت تلطم بسكوت وتون
صاح رائد جايات
حضرت الجاي ودكيت الباب طلع رائد عيووونه نااار واعصااب دخل بسرعه
طلعو الشرطه بعد ماخذو اقوال والدي ورائد انو وين يشتغل ومنو اصدقائه واذا منتبهين اله يتعاطى شيء
دخلو ابوي ورائد مصدومين
ابوي ..هااي تاليتي اتشرشح بين الشرطه هاي تالي شيباتي شفتي اسماء ابنج شسوه بروحه وبينه شفتتتييييي وين انطي وجهي شكول شحجي ضيعنا ابنج اسمااء
رائد ..ياابه بس ضغطك على كيفك كول يالله
الاب..يالله يالله ولك رائد سمعت الضابط شكال يكول الولد ابن عشيرره جبيره وجده شيخ العشيره والناس حاده سنونهه رائد كلي شصررف خبر عمامك بسرعه خل يجون
اسماء..يمه فيصل سويت بينه يمممه ليش هيج يووم ضيعت روحك وشبابك ليش يمه
بجي وون وعتب طبو عمامي وولدهم انخبص البيت
عندي 3عمام الجبير ابو حاتم عنده 3 ولد و2بنات مزوجهم كلهم
عمي ابو قصي عنده 2ولد و2بنات
ابويه الثالث
عمي منصور الصغير عنده ولد 3وبنيه
هوسه صارت بيتنه وكلمن ينطي رايه وكلمن يتوقع شكل واحنه جايات مايات نفاضات صارت ساعه 12راح رائد جاب غدا من برا محد اله واهس يلزم جدر جاب الاكل 3صواني مندي و4دجاجات وي سوالفهن من تمن وزلايط
اجه ريهام حبيبتي بس رتبي الدجاجات بماعين كبار حته اودي وحضري طرشي وزلاطات وعزلو الكم. حته تتغدون صح مصيبه عدنه بس خوما نموت روحنه اكو رب يحللهه
ريهام ..تامر حبيبي دقايق
حضرت الغراض وحدي امي نتهت على فيصل ومصيبته
رائد رائد تعال شوي
رائد ها بابا
ريهام..كملت كلشي تعال اخذ
رائد عاشت ايدج باباتي راح اصيح الولد ينقلون وياي
ريهام بين محضرت صينيه المي وخليت خبر بالسله
اجو الولد نكلو الاكل اجه قصي ابن عمي شلونج رهوم
ريهام..هلو قصي هلو بيك
قصي..شلونج
ريهام..ششوفني شلوني بعد هالمصيبه
قصي..اشوفج جنج العافيه
ريهام ..بكلبي كبر حته كبر عفته داطلع
قصي..وووف لو بس تحنين عليه
ريهام ..باحلامك
قصي..يصير خير اذكررج بيهه خل اكولج تحلمين تصيرين لغيري خووش
ريهام..هههههه والله ضحكتني واني بعز قهرتي دشيل الاكل وروح
قصي.يصير خيرر
ريهام..اخذ الاكل وراح واني اهز ايدي والله يالله مبقه عليه بس قصي ابن امه دلوع امه خرب حضي انت النفس تاخذه بكيف امك تريد تاخذني غصبا عني دطير خليت قوري الجاي واخذت غدانه الي وامي وتوسلت بيهه تاكل ماكو مقبلت خليت الاكل وعفته اجه رائد هاا اكلتو
ريهام لا والله ماما مدتقبل تاكل
رائد.. يمه لخاطري كافي البينه ماريد نوب توكعين علينه واحنه مبينه بعد هبطات الله موجود الله يباع لحالنه اكلي حته يصير بيج حيل انتي منج نتقوه يمه باس راسهه ومسح دموعه واخذ خاشوكه وكلهه لكمه والثانيه وكلهه اكلي يمه لخاطري لتشيليني همج والله قنعت امي اكلت كم لكمه كل لكمه تنزل وياه دمعه
ريهام ..اكلنه وشلت صينيه وكملت جاي بدو ينكلون صواني صبيت الجاي الهم ونطيته الرائد سوده عليه وحده رحمن جان بيت خالي بدهوك علمود العطله نهايه سنه  للضهر وهمه يتحاورون وابويه روحه لايبه ميعرف شيسوي وشنو راح يصير مهما يكون غلط ابنه بس ابنه هذا هم يكول اذا تنازلو العشيره هم راح يخلص عمره وشبابه بسجن صارت ساعه 4العصر ندك الباب علينه طلعو وشافو منو طلعو دازين خبر بيد زلم ثنين كبار حولو يمنه كعده
هناا والدي انهاار اتخربط اخذو للمضمد طلع ضغطه مفول كال زين منجلط
اتصلو عمامي بشيخهم واجه المغرب