غياهب القدر

تكمله البارت الرابع والعشرون

كلها منِك !
شوغتي الرافگت ليلي
والدموع التچوي خدي
وطيحتي بالمغربية
وانعزالي الأَذة اهلي
وظلمة الغرفة التغثهم
من يشوفني ضگت طعم الأذية
_______________
-شدتحجي اعقد على منو عبير خر.......اذا اكو بيكم احد خيرر

-احترررم نفسك ول اعرف ويامن تحجي البت تعقد عليهه وتفض الموضوع ونلم الفضيحه

-اكفررر بالدين اذا اكو دين عندك يابه يا فضيحه شصاير هو

-عجل البت امهه شافت اثارهه واعترفت عملتك هايه وامهه متسودنه انه مو بسببك اتخارب وي نسابتي تحلو للموضوع وتتستر عليه وانت لا اول ولا اخر واحد تزوج حرمه ثانيه

-هينااا مربط الفرس خايف على حرمتك وحق محمد احط جيله براسهه هي وبتهه مانفذ مطلبهه هي والي يحرض بيهه
عمو يصيح ومهيب يهدد اخذت اطفالي وكمت ساعدتني امي صعدت على كيفي والاطفال بيد امي وتهاني تصعد بيه شوي شوي وصلت لغرفتي طلعت جنط كبار جريتهن

-ولج شدسوين راح تنفتح خياطاتج كعدي

-تعالي رفعي الجنطه عالجربايه

اخذت هدوم اطفالي وغراضهم ترست الجنطه وسديتهه سحبت وحده ثانيه واخذت غراضي وهدومي سديتهن
امي صافنه عليه كتله خابري رائد يتحضر نروح

-وين نروح امي كعدي لتسويلنه مشكله

-ماما اترجاج خابري بدون نقاش بهالاثناء صعد مهيب وهو اعصاب

-ول يابه شهل جنط رهام بدينج تعبان وموجر لا تعلين كلبي
امي طلعت نزلت جوه
-مهيب اترجاك ماكدر اتحمل بعد خليني اروح

-شنو الما تتحملينو رهام لا تزيديهه علي بالقران تعبان

-مهيب فدوه افهمني محتاجه اروح تعبت تراكمن علي وحده وره الثانيه كلمه بعد ماتحمل اسمع لتعارض طلعتي

-انتي من عقلج يابه اخليج اطلعين وتاخذين جهالي وياج رهام تعوذي بليسج وكعدي شفتيني وافقت خليتو يحجي وحدو ويسكت سدي السالفه حبيبي

-مهيب شنو الاسده انت دتقنع طفله لو شنو بالضبط ابوك مراح يتركك اله يخليك توافق مهيب خل اروح ارتاح لبين متهدا الامور ماتحمل ينفتح الموضوع كدامي بعد اني تعبانه حتى ملحكت اتهنى بجهالي

-رهام لا تصيرين انتي والوكت ضدي لا تخليني متربط

-اترجاك مهيب خلينه نرتاح ثنينه فتره

لبست جبتي وهو واكف يباع عليه وايدو وره ضهرو يباع بنضره كانو حاير لايكدر يجبرني ابقى ولا يكدر يعوفنه كتله صيحلي احد يساعدني نزل الجنط هو وصعدتلي تهاني اخذت مني الجهال وامي لازمتني نزلت وكلهم استغربو طلعتي باوع عليه عمو دحام وكال
فكري بعقلج يابه لا تضغطين عليه خل يعقد عالبت حته ماتصير مشاكل وانتي تخسرين